फिलिप्‍पि 4:6 - बान्‍तावा राई

⁶ खाक्‍कोछाङ य़ङ्‌दा मिन्‍राक मान्‍मुदानिन, मेन झारा य़ङ्‌दा आम्‍नुओ यामात्‍मा खोन्‍कि दोत्‍माय़ङ्‌लाम्‍पा आलाङ्‌एनान खानानिन दोत्‌ओचि निनाम्‍हाङ दोत्‍तानुम।

फिलिप्‍पि 4:6 Kruisverwysings

मत्‍ति 10:19

मोचिआ खानानिन ऩलाविन, मेन मोन्‍ग़रि देत्‍नि चेप्‍मा माङ्‌लो दे य़ङ्‌माओ निकिना मिन्‍राक मान्‍मुदानिन। देकिनालो खानानिन्‌आ दि चेप्‍मादोत ओ, मोन्‍ग़रिङा खानानिन निनाम्‍हाङ्‌आ ऩप़न।

मत्‍ति 13:22

त़ङ्‌खोक्‌वालादा म़छुक्‍ताओ बिउचि ओचिङा ओ: मोसाआ निनाम्‍हाङ्‌ओ अ़चुय़ङ एनु, मेन ओ हेन्‍खामादाओ मिन्‍राक्‌चि, चासुम्‍छेन्‍बि च़क्‍ख़य़आ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

मत्‍ति 6:34

खोन्‌ओसा माङ्‌कोलेन्‌ओ निम्‍पाङ मिन्‍राक मान्‍मुदानिन, देकिनालो माङ्‌कोलेन्‌ओ मिन्‍राक माङ्‌कोलेन्‌आङा मुने। आय़ओ दुखा आय़ओ निम्‍पाङ थात्‍तुलो युङ्‌याङ।”

मत्‍ति 6:8

खोन्‌ओसा मोचिवात्‍नि खानानिन मान्‍मुदानिन। देकिनालो खानानिन्‌आ खोक्‍को दोत्‍मा बुया खानानिन दि-दि दोत्‌याङ, मो आम्‍नुओ पापाआ अ़सिन्‌याङ।

लुका 10:41

मेन हाङ्‌पाआ मो अ़लासालोवा, “मार्था, मार्था! खाना मिन्‍राक त़मुकिना ब़द्‍धे काचिचिआ आम्‍मिन्‍मा अ़सात्‌युङ्‌याङ।

लुका 12:22

खोन्‍कि खोक्‍कोसाआ अ़चुकाखेङ्‌पाचि म़लोचि, “खोन्‌ओसा अ़ङ्‌का खानानिन लोनानिन, ह़ङ्‌म़ङ्‌ओ निम्‍पाङ दि चामा माङ्‌लो पोक्‌ओ निकिना दि हुम्‍मा निम्‍पाङ मिन्‍राक मान्‍मुदानिन।

लुका 12:29

खोन्‌ओसा दि चामा दि दुङ्‌मा निकिना खानानिन मान्‍लाम्‌युङ्‌दानिन, खोन्‍कि मो य़ङ्‌चिओ अ़चुतुक्‌वादा मिन्‍राक्‌छाङ मान्‍मुयुङ्‌दानिन।

लुका 18:1

अ़चुकाखेङ्‌पाचि अ़धुन याम़मात्‌युङ्‌ने खोन्‍कि अ़चुमिन्‍मा अ़स़निन्‍ने निकिना येसुआ मोचि अ़क्‌तात दोय़ङ्‌ला खाम़एत्‍तुचि।

लुका 18:7

निनाम्‍हाङ्‌आ म़छेन्‍तुचिओचिआ अ़खाखुत-अ़खोलेन छुक म़फाङ्‍ओ य़ङ्‌दा दि खोक्‍कोसाआ छ़ङ ऩछेन्‍तुन्‍प़न्‍चिन कि? खोन्‍कि दि मोचिओ निकि खोक्‍को स़लेनि म़च़ कि?

१ कोरिन्‍थि 7:21

निनाम्‍हाङ्‌आ खाना ऩबुत्‍ताओ ग़रि दि खाना हारुक त़मुवाङा? हारुक त़मुवाङानालो ओ य़ङ्‌आ आम्‍मिन्‍मा चाअ़अ़त्‍निन्‍ने। मेन फोङ्‌मान्‍चिन त़ऱनालो खाना फोङ्‌सान्‍चिन।

१ कोरिन्‍थि 7:32

खानानिन झारा मिन्‍राक मान्‍मुकादा लिसानिन्‌नि अ़ङ्‌का मिन्‍ङाङा। सायामान्‍काम्‌युक्‌ओ म़नाआ देत्‍नि हाङ्‌पाओ अ़चुऩङा नुमानिओ काचिचिओ अ़तुक्‌वादा मिन्‍राक मु।

२ कोरिन्‍थि 1:11

खानानिन्‌आछाङ आन्‍कान्‍का यामात्‍मालाम्‍पा फामादोत। खोन्‍कि ब़द्‍धे यामात्‍माओ अ़लामाय़ङ्‌दा आन्‍कान्‍का तोक्‍तुम्‍काओ आसिखाओ निम्‍पाङ ब़द्‍धे म़नाचिआ आन्‍लिप्‍पादा आलाङ अ़प़।

एफिसि 5:20

अ़धुन झारा य़ङ्‌चिओ निम्‍पाङ आन्‍हाङ्‌पा येसु ख्रिस्‍तओ अ़चुऩङ्‌दा निनाम्‍हाङ पापा आलाङ पुवानुम।

एफिसि 6:18

अ़धुन यामात्‍मा खोन्‍कि निनाम्‍हाङ्‌एदा फालुयाङ्‌सा सेङ्‌लावादा यामारानिन। ओ मित्‍चिऩङ्‌ओ निम्‍पाङ, चाप्‍चाप्‍चाप्‌वा युङानिन, खोन्‍कि झारा निनाम्‍हाङ्‌ओ अ़चुम़नाचिओ निम्‍पाङ यामारायुङ्‌सानिन।

कलस्‍सि 3:15

अ़नुछ्‍या, खानानिन सेवाङ्‌निओ निम्‍पाङ अ़क्‌तात पोक्‌दा त़बुत्‍तिन्‌ओ। ख्रिस्‍तआ प़माय़ङ सेवाङ्‌निआ आम्‍नुओ साकोङ्‌वादा हाङ मुने। खोन्‍कि आलाङ्‌मि लिसानिन।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

कलस्‍सि 4:2

यामारायुङ्‌सानिन। चाप्‍चेत्‍नान्‍चिन्‍सा निनाम्‍हाङ आलाङ पुवानुम, खोन्‍कि यामारानिन।

१ तिमोथि 2:1

झारादाङ्‌का बुया अ़ङ्‌का यायोक प़नाङ्‌नानिन, झारा म़नाचिओ निम्‍पाङ यामारानिन। निनाम्‍हाङ्‌आ मोचि म़फासुचिने निकिना यामात्‍तापुवानुम्‍च़म, निनाम्‍हाङ्‌ओ खोन्‍कि म़नाओ अ़चुरादा काचेप्‍प़ लिसानिन।

१ तिमोथि 5:5

मेन साङ अ़नुछ्‍या मेन्‍मित्‍मा ओ, खोन्‍कि मोसोओ साङ्‌छाङ मात्‍द़ङ्‍ओनालो मो निनाम्‍हाङ्‌दा सोम्‍कुवा मु, खोन्‍कि अ़खाखुत अ़खोलेन यामात्‌युङ खोन्‍कि निनाम्‍हाङ्‌एदा फालु।

१ पत्रुस 4:7

झारा य़ङ्‌चिओ अ़चुलुक्‍माखात्‍मा च़क्‌दा ताचिआयुङ्‌सा। खोन्‌ओसा खारुच़ङ्‌तानुम खोन्‍कि आम्‍नुओ यामात्‍माओ निम्‍पाङ चाप्‍चेत्‍तानिन्‍चिन।

१ पत्रुस 5:7

झारा आम्‍नुओ मिन्‍राक्‌चि खोक्‍को पुवानुम, देकिनालो खोक्‍कोसाआ खानानिन ऩखान।