फिलिप्‍पि 3:8 - बान्‍तावा राई

⁸ अ़नुछ्‍या ख्रिस्‍त येसु अ़ङ्‌हाङ्‌पा निकिना सिन्‍मा तोक्‍पो अ़वाखाम तोक्‍तुङ्‌ओदा नि झारा य़ङ्‌चि अ़काचि मात्‍द़ङ्‌ओनि मित्‍तुङ्‌च़ङ। ख्रिस्‍त तोक्‍मा ऱङ्‌ने निकिना खोक्‍कोसोओ निम्‍पाङ अ़ङ्‌का झारा य़ङ्‌चि छिरुङ्‌युङ्‌सुङ्‌च़ङ, खोन्‍किना झारा मोचि सिप्‍भाङ्‌वा मित्‍तुङ्‌च़ङ,

फिलिप्‍पि 3:8 Kruisverwysings

लुका 1:43

अ़ङ्‌का साङ्‌ओ कि खाना अ़ङ्‌हाङ्‌पाओ अ़मा त़लिसिन्‌किछाङ अ़ङ्‌काएदा त़तान्‌ओ?

लुका 11:20

मेन मोवात्‍नि अ़ङ्‌का निनाम्‍हाङ्‌ओ अ़चुसावाआ चाकावालावाचि लोइसुङ्‌योङ्‌च़ङ्‌नालो निनाम्‍हाङ्‌ओ अ़चुहाङ्‌होन खानानिन्‌एदा ताचिआयुङ्‌सा।

युहन्‍ना 14:20

मो लेन खानानिन्‌आ त़सिन्‍तुम, अ़ङ्‌का अ़ङ्‌पापाएदा याक्‍ङाङा, खोन्‍कि खानानिन अ़ङ्‌काएदा, खोन्‍कि अ़ङ्‌का खानानिन्‌एदा याक्‍ङाङा ओ।

युहन्‍ना 14:7

खानानिन्‌आ अ़ङ्‌का त़सिन्‍ताङ्‌ऩङ्‍ओ खाङ्‌दे, अ़ङ्‌पापाछाङ त़सिन्‍तुम्‌ओ। हान्‌दाङ्‌का मोह्‍यात्‍नि खोक्‍को त़सिन्‍तुम, खोन्‍कि खोक्‍को त़खाम्‌युङ्‌सुम।”

युहन्‍ना 16:3

खोन्‍कि मोचिआ ओ काचिचि म़मुचि, देकिनालो मोचिआ अ़ङ्‌पापा मान्‍सिन्‌अ़युक, ना अ़ङ्‌काङा ऩसिन्‍ताङ्‌युङ्‌साङ।

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 20:13

खोचिआ मो अ़लोवाचु, “मेत्‍छामा, देकि त़खाप्‌याङ?” मोसाआ खोचि लोचि, “खोचिआ अ़ङ्‌हाङ्‌पाओ अ़चुस़पोक अ़खात्‍ता, खोन्‍कि खोक्‍को खादा अ़युङ्‌सायुङ्‌सा, अ़ङ्‌का अ़सिन्‍ऩङ।”

युहन्‍ना 20:28

थोमाआ खोक्‍को लो, “अ़ङ्‌हाङ्‌पो, खोन्‍कि अ़ङ्‌निनाम्‍हाङ!”

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

रोमि 8:18

अ़ङ्‌का मिन्‍ङाङा, आन्‍कान म़प़ओ साया आइमित्‌ओ आन्‍दुखाचिएनान तोङ्‌माखाङ्‌मा अ़खान्‍तुन्‍चिन।

रोमि 8:39

खोन्‍किना नाम्‍चोक्‌दुओ सावाचिआ ना हेन्‍खामा भेन्‌युओ सावाचिआ, अ़नुछ्‍याङा, झारा मुन्‍माय़ङ्‌दाओ खाक्‍कोछाङ य़ङ्‌आ, ख्रिस्‍त येसु आन्‍हाङ्‌पा आन्‍कान्‌एदा म़युङ्‌याङ्‌ओसा आन्‍निनाम्‍हाङ्‌ओ अ़चुसोम्‍तुक्‍मादाङ्‌का आन्‍कान फेक्‍मा म़ऱनिन।

१ कोरिन्‍थि 2:2

खानानिन्‌एनान युङाङ्‌याङ्‌हिदा अ़ङ्‌का येसु ख्रिस्‍त खोन्‍कि क्रुस्‌दा खोक्‍को ख़न्‍मासेत्‍मादाङ्‌का नि दित्‍छाङ मान्‍सिन्‍दामा अ़ङ्‌का अ़छ़ङ मुङ।

१ कोरिन्‍थि 9:10

खोक्‍कोसाआ अ़नुछ्‍याङा आन्‍को निम्‍पाङ म़य़ङाओ माआङ कि? उवा, आन्‍को निम्‍पाङ्‌ङा छाप्‍ताओ। देकिनालो बोयोङ काछोआ तोक्‍मामिन्‍माआङा छोसु खोन्‍कि चा कानुक्‌आ चा तोक्‍मा मिन्‍माआङा नुउ।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

२ कोरिन्‍थि 4:6

निनाम्‍हाङ्‌आ “कुन्‍चियाधेक्‍धेक्‌ओदा साम लेत्‍ने!”नि म़य़ङा। मो निनाम्‍हाङ्‌आङा येसु ख्रिस्‍तओ अ़चुङाइवादा निनाम्‍हाङ्‌ओ अ़चुसाम आन्‍कान सिन्‍मा ऱम्‍ने निकिना आन्‍साकोङ्‌वादा खोक्‍कोसोओ अ़चुसाम अ़लेइसायुङ्‌सा।

गलाति 1:16

निरावाचिओ अ़चुरादा खोक्‍कोसोओ अ़चुनुय़ङ्‌खान खालुमा निम्‍पाङ अ़चुछा अ़ङ्‌काएदा खाङ्‌मुमा खोक्‍कोसोओ अ़चुऩङानुवा। मोन्‌हिदा अ़ङ्‌का खाक्‍कोछाङ म़नाएनान यायोक मान्‍मुङा,

एफिसि 4:13

मोवात्‍नि आन्‍कान झारा साकोङ्‌छ़ङ खोन्‍कि निनाम्‍हाङ्‌ओ अ़चुछाओ अ़चुतायादा अ़क्‍भोम लिसिन, खोन्‍कि म़ना साकोङ्‌छ़ङ्‌दा पोयिन खोन्‍कि ख्रिस्‍तओ झारा अ़चुकात्‍मादा तान्‍लान।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

फिलिप्‍पि 3:10

अ़ङ्‌का ख्रिस्‍त खोन्‍कि खोक्‍कोसोओ अ़चुलामाखोन्‍मालोन्‍मा सावा सिन्‍मानि मिन्‍ङा, खोन्‍कि खोक्‍कोसोओ अ़चुस़मादा खोक्‍कोवात्‍निङा लिङाकि खोक्‍कोसोओ अ़चुदुखा आङ्‌मादा वाङ्‌मा ऱङाने,

फिलिप्‍पि 3:12

अ़ङ्‌का मो मित्‍चिऩङ्‌चि झारा बुयाङा तोक्‍तुङ्‌चिउङ्‌युङ्‌सुङ्‌च़ङ माङ्‌लो अ़ङ्‌का बुयाङा तासुङ्‌लोङ्‌युङ्‌सुङ्‌च़ङ निकिना माआङ, मेन मो मित्‍चिऩङ्‌चि लाप्‍माचिओ निकिना अ़ङ्‌का बुया खात्‍ङाङा। मो मित्‍चिऩङ्‌चिओ निकिना ख्रिस्‍तआ अ़ङ्‌का ऩलावाङ!

फिलिप्‍पि 3:7

मेन देम य़ङ्‌चि अ़ङ्‌को निम्‍पाङ अ़च़वाङ म़मुवाङा, मोचि अ़ङ्‌का ख्रिस्‍तओ निम्‍पाङ अ़काचि मात्‍द़ङ्‌ओ मित्‍तुङ्‌च़ङ।

२ तिमोथि 4:6

देकिनालो अ़ङ्‌का ना निनाम्‍हाङ्‌ओ निम्‍पाङ अङ्‌गुरा माङ्‌वा थोइन्‌ओवा ब़क्‍खादा हेन्‍खोक्‌वा लिमा मुङाङा, खोन्‍कि अ़ङ्‌हामान्‍चिन ग़रि तायुङ्‌सा।

हिब्रु 3:14

ओवात्‍नि आन्‍कान बुयाओदु अ़चुम़नाचि लिसिन्‌दाङ्‌का आन्‍सोम्‍कुवा देङ्‌दातारि नुलोक क़क्‍तुम्‌युङ्‌सुम्‌नालो आन्‍कान ख्रिस्‍तओ अ़चुयावाचि ओ।

१ पत्रुस 2:7

खोन्‌ओसा खानानिन साकोङ्‌छ़ङ कामुचिओ निकिना खोक्‍को अ़लुङ्‌छ़ओ म़मुयाङ, मेन साकोङ्‌छ़ङ मान्‍मुकादाचिओ निकिना, “खिम कामुचिआ अ़काचि मात्‍द़ङ्‌ओ निकिना ऩङाअ़छिराओ लुङ्‌ताक मो खुचुरोङ्‌दाओ मुलो लुङ्‌ताक म़लिसायुङ्‌सा।”

२ पत्रुस 1:2

निनाम्‍हाङ्‌ओ खोन्‍कि आन्‍हाङ्‌पा येसुओ अ़चुतायादा सोमातुक्‍मा खोन्‍कि सेवाङ्‌नि खानानिन्‌एदा च़लोक पोन्‌याङ्‌सा खात्‍ने।

२ पत्रुस 1:3

खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।

२ पत्रुस 1:8

देकिनालो ओ य़ङ्‌चि खानानिन्‌एदा च़लोक म़युङ्‌याङ्‌नालो आन्‍हाङ्‌पा येसु ख्रिस्‍त सिन्‍मा काचिदा खानानिन कासो त़लिमिन माङ्‌नालो अ़सिवा मान्‍सिकादा त़लिमिन।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!

१ युहन्‍ना 1:3

मो आन्‍कान्‍का खाम्‍काओ खोन्‍कि एनुम्‌युङ्‌सुम्‍काओ, आन्‍कान्‍का खानानिन्‌छाङ खाएत्‍निङ्‌नि, खोवात्‍निओसा आन्‍कान्‍काएनान आम्‍नुओ यावायोक लिने। खोन्‍कि आन्‌यावायोक निनाम्‍हाङ पापा खोन्‍कि खोक्‍कोसोओ अ़चुछा येसु ख्रिस्‍तएनान ओ।

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।

१ युहन्‍ना 5:20

आन्‍कान सिन्‍तुम्‌योम निनाम्‍हाङ्‌ओ अ़चुछा म़तायुङ्‌सा, खोन्‍कि अ़छ़ङ निनाम्‍हाङ आन्‍कान खाङ्‌म़मेत्‍तायुङ्‌सा। मोवात्‍नि आन्‍कान निनाम्‍हाङ अ़छ़ङ म़मुयाङ निकिना सिन्‍तुम्‍ने। खोन्‍कि ओन्‍ग़रि आन्‍कान अ़छ़ङ निनाम्‍हाङ्‌एनान अ़क्‍नि याइन्‌येन, देकिनालो खोक्‍कोसोओ अ़चुओ छा येसु ख्रिस्‍तएनान आन्‍कान यावायोक्‌दा अ़क्‍नि याइन्‌येन। खोक्‍को अ़छ़ङ निनाम्‍हाङ खोन्‍कि अ़लुक्‍निन्‌ओ ह़ङ्‌म़ङ म़युङ्‌याङ।