फिलिप्‍पि 3:10 - बान्‍तावा राई

¹⁰ अ़ङ्‌का ख्रिस्‍त खोन्‍कि खोक्‍कोसोओ अ़चुलामाखोन्‍मालोन्‍मा सावा सिन्‍मानि मिन्‍ङा, खोन्‍कि खोक्‍कोसोओ अ़चुस़मादा खोक्‍कोवात्‍निङा लिङाकि खोक्‍कोसोओ अ़चुदुखा आङ्‌मादा वाङ्‌मा ऱङाने,

फिलिप्‍पि 3:10 Kruisverwysings

मत्‍ति 20:23

येसुआ खोचि म़लोचि, “अ़ङ्‌का आङ्‌तुङ्‌ओ दुखाओ लाङ्‌चोक्‍खुङ अ़नुछ्‍या खानाचिआ त़आङ्‌चु, मेन अ़ङ्‌चुप्‍ताङ खोन्‍कि अ़ङ्‌बेङ्‌साङ्‌लिप्‍पा युङ्‌मा प़मा पाङ अ़ङ्‌छुक्‌दा मात्‍द़ङ। मेन ओ ना अ़ङ्‌पापाआ साङ्‌को निकिना अ़चुम्‍सायुङ्‌सा, खोसोओ निकिना ओ।”

युहन्‍ना 10:18

साङ्‌आछाङ अ़ङ्‌कादाङ्‌का अ़ङ्‌ह़ङ्‌म़ङ खात्‍मा अ़ऱन, मेन अ़ङ्‌का आप्‍पि अ़ङ्‌मिन्‍माआ अ़ङ्‌ह़ङ्‌म़ङ प़ङ। अ़ङ्‌ह़ङ्‌म़ङ प़मा पाङ अ़ङ्‌काएदा याक्‌याङ, खोन्‍कि लामातोक्‍मा पाङ्‌छाङ अ़ङ्‌काएदा याक्‌याङ। ओ लोमाय़ङ अ़ङ्‌का अ़ङ्‌पापाएदाङ्‌का तोक्‍तुङ्‌युङ्‌सुङ।”

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

रोमि 8:17

हान आन्‍कान अ़चुछाचि ओनालो आन्‍कान अ़चुपाङ्‌यिचिछाङ ओ। अ़नुछ्‍याङा निनाम्‍हाङ्‌ओ अ़चुपाङ्‌यि खोन्‍कि ख्रिस्‍तएनान अ़क्‍नि पाङ्‌यिचि ओ। खोक्‍कोएनान अ़क्‍नि आन्‍कान दुखा आङ्‌तुम्‌नालो आन्‍कान खोक्‍कोओसो अ़चुसाम्‌छाङ तोक्‍तुम।

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

रोमि 8:36

साम्‍कालिन्‌दा ओवात्‍नि छाप्‍तायुङ्‌सा, “आम्‍नुओ निम्‍पाङ आन्‍कान्‍का नाम्‍प़क्‍लो स़मा तेम्‍मादोत, धेत्‍मायु भेराचिवात्‍नि आन्‍कान्‍का ऩखान्‌युङ्‌सिन्‍का।”

२ कोरिन्‍थि 1:10

खोक्‍कोसाआ आन्‍कान्‍का ओवाको स़मादोराङाओ क़माकात्‍तुओदाङ्‌का ऩलेइसिन्‍का, खोन्‍कि खोक्‍कोसाआ आन्‍कान्‍का ऩलेइसिन्‍का। खोक्‍कोएदा आन्‍कान्‍का सोम्‍कुवा मुन्‌युङ्‌सिन्‍का, मोवात्‍नि खोक्‍कोसाआ आन्‍कान्‍का ऩलासिन्‍लेइसिन्‌युङ्‌सिन्‍का।

२ कोरिन्‍थि 1:5

देत्‍नि आन्‍कान ख्रिस्‍तओ अ़चुदुखादा च़लोक वाङिन, मोवात्‍निङा ख्रिस्‍तलाम्‍पा सोम्‍सेत्‍मादाछाङ च़लोक्‌ङा आन्‍कान वाङिन।

२ कोरिन्‍थि 13:4

अ़नुछ्‍याङा, मान्‍ऱदामादा खोक्‍को क्रुस्‌दा म़ख़न्‍तानुछाङ खोक्‍को निनाम्‍हाङ्‌ओ अ़चुसावादा ओन्‍ग़रि म़ह़ङ्‌याङ। मोवात्‍निङा, आन्‍कान्‍काछाङ ख्रिस्‍त मान्‍ऱकादा म़मुवाङावात्‍निङा मुन्‌येन्‍का, मेन ओन्‍ग़रि आन्‍कान्‍का खोक्‍कोएनान ह़ङिन्‍का, खोन्‌ओसा खानानिन्‌एनान आन्‍काओ च़माथाङ्‌मादा निनाम्‍हाङ्‌ओ अ़चुसावा आन्‍कान्‍का तोक्‍तुम्‍का।

गलाति 2:20

अ़ङ्‌का ख्रिस्‍तएनान क्रुस्‌दा ख़न्‍ताङ्‌युङ्‌साङ। हान्‌दाङ्‌का काह़ङ अ़ङ्‌का माआङ, मेन ख्रिस्‍त अ़ङ्‌काएदा म़ह़ङ। ओन्‍ग़रि अ़ङ्‌का पोक्‌दा ह़ङ्‌ङाङा, मो ह़ङ्‌म़ङ निनाम्‍हाङ्‌ओ अ़चुछाएदा सोम्‍कुवालाम्‍पा ह़ङ्‌ङा। खोक्‍कोसाआ अ़ङ्‌का सोमाऩतुक्‍ताङ खोन्‍कि अ़ङ्‌को निम्‍पाङ खोक्‍को आप्‍पि म़पुवान्‍लावान्‍चिन।

गलाति 6:17

हान्‌दाङ्‌का साङ्‌आछाङ अ़ङ्‌का दुखा ऩप़ऩङ्‌ने, देकिनालो अ़ङ्‌पोक्‌दा येसुओ अ़चुथुपिचि अ़ङ्‌का खुयुङ्‌योङ्‌च़ङ।

एफिसि 4:13

मोवात्‍नि आन्‍कान झारा साकोङ्‌छ़ङ खोन्‍कि निनाम्‍हाङ्‌ओ अ़चुछाओ अ़चुतायादा अ़क्‍भोम लिसिन, खोन्‍कि म़ना साकोङ्‌छ़ङ्‌दा पोयिन खोन्‍कि ख्रिस्‍तओ झारा अ़चुकात्‍मादा तान्‍लान।

फिलिप्‍पि 3:8

अ़नुछ्‍या ख्रिस्‍त येसु अ़ङ्‌हाङ्‌पा निकिना सिन्‍मा तोक्‍पो अ़वाखाम तोक्‍तुङ्‌ओदा नि झारा य़ङ्‌चि अ़काचि मात्‍द़ङ्‌ओनि मित्‍तुङ्‌च़ङ। ख्रिस्‍त तोक्‍मा ऱङ्‌ने निकिना खोक्‍कोसोओ निम्‍पाङ अ़ङ्‌का झारा य़ङ्‌चि छिरुङ्‌युङ्‌सुङ्‌च़ङ, खोन्‍किना झारा मोचि सिप्‍भाङ्‌वा मित्‍तुङ्‌च़ङ,

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

कलस्‍सि 2:13

आम्‍नुओ हेवाचिआ खोन्‍कि ख्रिस्‍तआ पाक्‍मा सिप्‍मायाम्‍बुन मान्‍पाक्‍त़युक्‍तिन्‌ओसा खानानिन अ़क्‍दु स़न्‍दान्‌वा त़मुन्‌येन्‌ओ। मेन निनाम्‍हाङ्‌आ झारा आन्‍हेवाचि म़लेत्‍तापुवाओसा ओन्‍ग़रि निनाम्‍हाङ्‌आ खानानिन ख्रिस्‍तएनान ऩखोन्‍तिन्‍लोइसिन।

कलस्‍सि 3:1

खोन्‌ओसा खानानिन ख्रिस्‍तएनान त़खोन्‍तिन्‍लोन्‍तिन्‌ओसाआ, निनाम्‍मादुओ य़ङ्‌चि लामानुम। मोदा निनाम्‍हाङ्‌ओ अ़चुचुप्‍ताङ्‌छुक्‌लिप्‍पा ख्रिस्‍त म़युङ्‌याङ।

१ पत्रुस 1:3

आन्‍हाङ्‌पा येसु ख्रिस्‍तओ अ़चुपा, निनाम्‍हाङ्‌ओ अ़चुऩङ्‌लोङ्‌ने! खोक्‍कोसोओ तोक्‍पो अ़चुसोम्‍तुक्‍माआ म़सुवादाओदाङ्‌का येसु ख्रिस्‍तओ अ़चुलामाखोन्‍मालोन्‍मालाम्‍पा आन्‍कान अ़ऩङ्‌वा ह़ङ्‌म़ङ तोक्‍तुम। हान आन्‍कान अ़ह़ङ सोम्‍कुवादा आन्‍कान अ़क्‌तात लिसिन्‌युङ्‌सिन।

२ पत्रुस 1:13

अ़ङ्‌का ओ अ़ङ्‌पोक्‌दा युङ्‌ङाङाओन खानानिन अ़धुन मित्‍मेत्‍मायुङ्‌मा नुलोक लिनि अ़ङ्‌का मिन्‍ङा।

१ युहन्‍ना 2:3

आन्‍कान खोक्‍कोसोओ अ़चुलोमाय़ङ्‌चिवा च़न्‌नालो अ़नुछ्‍याङा आन्‍कान खोक्‍को सिन्‍तुम्‌योम निकिना ओ य़ङ्‌दाङ्‌काङा आन्‍कान सिन्‍मा ऱम।

१ युहन्‍ना 2:5

मेन साङ्‌आ खोक्‍कोसोओ अ़चुय़ङ लोउ, खोएदा निनाम्‍हाङ्‌लिप्‍पाओ अ़चुसोम्‍तुक्‍मा अ़नुछ्‍याङा ताला। ओ य़ङ्‌दाङ्‌काङा आन्‍कान खोक्‍कोएदा याइन्‌येन्‌निओ य़ङ्‌दा आन्‍कान अ़छ़ङ लिसिन।

खाङ्‌मुमा 1:18

अ़ङ्‌काङा अ़ह़ङ ओ। अ़ङ्‌का सुवाङ्‌दाङ्‌ओ, खानुम, अ़ङ्‌का अ़धुन-अ़धुन्‌तारिओ निम्‍पाङ ह़ङ्‌ङाङा। खोन्‍कि स़माओ खोन्‍कि सित्‍म़ङ दुखा तोक्‍खायुओ अ़होत्‍खाचि अ़ङ्‌काएदा म़युङ्‌याङ।