फिलिप्‍पि 2:15 - बान्‍तावा राई

¹⁵ खोन्‍किना खानानिन मान्‍फिकादा खोन्‍कि सोत्‍सोत्‌वाओ लिसानिन्‌किना ऱक्‌याङ्‌ओ खोन्‍कि वाऱनान्‍चिन्‌ओ म़नाचिओ दुङ्‌ओ अ़रादा निनाम्‍हाङ्‌ओ थुपि मात्‍द़ङ्‌ओ अ़चुछा लिसानिन। ओ दुङ्‌ओ अ़रादा हेन्‍खामादा खानानिन साङ्‌केन्‍माचिवा लेरानिन।

फिलिप्‍पि 2:15 Kruisverwysings

मत्‍ति 10:16

खानुम, अ़ङ्‌का खानानिन बेन्‍पाचिओ अ़चुरादा भेराचिवात्‍नि छुत्‍नाङ्‌नानिन। खोन्‌ओसा खानानिन प़वात्‍नि चाप्‍चा खोन्‍कि साप्दुकुत्‌वावात्‍नि सोत्‍सोत्‌वाओ मुवानिन।

मत्‍ति 17:17

खोन्‍कि येसुआ मोचि म़लोचि, “खानानिन साकोङ्‌छ़ङ मात्‍द़ङ्‌ओ म़नाचि खोन्‍कि ऱक्‌याङ्‌ओ लाम्‌दा काकोन्‌चि ओ! देम्‍खातारि अ़ङ्‌का खानानिन्‌एनान युङ्‌ङा? देम्‍खातारि अ़ङ्‌का खानानिन आङ्‌नानिन? आम्‍छा अ़ङ्‌काएदा बात्‍तु।”

मत्‍ति 5:45

खोन्‍नालो खानानिन निनाम्‍मादु कायुङ आम्‍नुओ पापाओ अ़चुछाचि त़लिसिन। खोक्‍कोसाआ अ़अ़त्‍पा खोन्‍कि अ़नुवाक ह़वाङ्‌माङ नाम साम म़प़चि, खोन्‍कि साम्‌योक, खोन्‍कि मान्‍साम्‌योक्‍मि वा म़धान्‍तुप़चि।

मत्‍ति 5:48

खोन्‌ओसा निनाम्‍मादु कायुङ आम्‍नुओ पापा देत्‍नि अ़नुवाक म़मुयाङ, खानानिन्‌छाङ मोवात्‍निङा अ़नुवाक लिसानिन।”

लुका 1:6

मोचि ह़वाङ्‌साआ निनाम्‍हाङ्‌ओ अ़चुमिन्‍मावात्‍नि अ़नुवाक ह़ङ्‌म़ङ ह़ङाङाचि। निनाम्‍हाङ्‌ओ झारा लोमाय़ङ्‌चि खोन्‍कि य़ङ्‌हुप्‌चि खोचिआ मान्‍धान्‍केमाङ अ़मुवाचुचि।

लुका 6:35

मेन ङेङ्‌चि सोमातुक्‍तानुम्‍च़म, मोचि नुलोक मुवानुम्‍च़म खोन्‍कि नाक कादोत्‍चिदाङ्‌का लामातोक्‍मानि मान्‍मिन्‍माङ नाक पुवानुम्‍च़म। मोवात्‍नि त़च़न्‌नालो खानानिन्‌आ अ़धिवाङ सिरिफा त़तोक्‍तुम, खोन्‍कि खानानिन झारादाङ्‌का तोक्‍पो निनाम्‍हाङ्‌ओ अ़छाचिनि ऩलोन। देकिनालो आलाङ मान्‍प़कादाचि खोन्‍कि अ़अ़त्‍पाचिछाङ निनाम्‍हाङ्‌आ सोमाम़तुक्‍तुचि।

छाम्‍माय़ङ 2:40

खोन्‍किना पत्रुस्‌आ नि ब़द्‍धे य़ङ्‌चिदा मोचि सालुम्‍स़ङ प़चिकि खोसाआ यायोक प़याङ्‌सा लोचि, “ओ हेन्‍खामादाओ अ़अ़त्‍पा म़नाचिएदाङ्‌का खानानिन निनाम्‍हाङ्‌एदा रात्‍लुवानिन।”

छाम्‍माय़ङ 20:30

आम्‍नुओ रुहुप्‌दाङ्‌काछाङ अ़छ़ङ्‌य़ङ काम़प म़नाचि म़लोन्‍किना काखेङ्‌चि खोचिएह्‍यात्‍नि म़तित्‍तुखात्‍तुचि।

रोमि 16:19

झारा म़नाचिआ आम्‍नुओ लोमावा मुमाओ अ़तुक्‌वादा अ़एनायुङ्‌सा, खोन्‌ओसा अ़न्‍नुनु अ़ङ्‌ऩङानुयाङ। मेन दि अ़नुवाक मुयाङ, मोसोओ अ़तुक्‌वादा खारु कातोक खानानिन लिसानिन, खोन्‍कि दि अ़अ़त्‍पा मुयाङ, मोसोओ अ़तुक्‌वादा लाहि मात्‍द़ङ्‌ओ लिसानिन्‌नि अ़ङ्‌का मिन्‍ङा।

१ कोरिन्‍थि 1:8

आन्‍हाङ्‌पा येसु ख्रिस्‍तओ अ़चुलामातामा लेन्‌दा खानानिन ऩङ्‌छिन मान्‍मुमाङ युङ्‌मा खोक्‍कोसाआ खानानिन आदेङ्‌तारि साकोङ्‌छ़ङ्‌दा नुलोक ऩयुङ्‌सिन।

२ कोरिन्‍थि 6:17

खोन्‌ओसा निनाम्‍हाङ म़य़ङ्‌याङ, ‘मोचिओ अ़चुरादाङ्‌का लोन्‍ताबानानिन, खोन्‍कि मोचिएदाङ्‌का खानानिन फेआनिन्‍चिन, अ़सेङ्‌निनिन्‌ओ दित्‍छाङ मान्‍नोप्‌दानुम, खोन्‍कि अ़ङ्‌का खानानिन लोक्‍नानिन।’

एफिसि 5:27

खोन्‍कि खोक्‍कोसाआ थुपि मात्‍द़ङ्‌ओ खोन्‍कि मान्‍चुन्‌युक्‍तुओ माङ्‌लो दियाकोछाङ मान्‍फिकादा साम्‍स़रिओ साम्‍भुङ खोक्‍कोसाआ आप्‍पि खाङ्‌मुमा निम्‍पाङ ओ, खोन्‍किना मो सेङ्‌याङ्‌ओ खोन्‍कि थुपि मात्‍द़ङ्‌ओ लिने।

फिलिप्‍पि 1:10

खोन्‌ओसा खानानिन्‌आ अ़नुवाक य़ङ छेन्‍मा त़ऱम्‍ने। खोन्‍किना ख्रिस्‍त म़लाताओ लेन्‌दा अ़च़क़ल़क खोन्‍कि लाहि मात्‍द़ङ्‌ओ त़लिसिन्‍ने।

फिलिप्‍पि 3:6

राक्‌ओ अ़तुक्‌वादाओनालो साम्‍भुङ दुखाकाप, साम्‌योक्‍मिओ अ़तुक्‌वादाओनालो य़ङ्‌हुप्‌वात्‍नि लाहि मात्‍द़ङ्‌ओ अ़ङ्‌का मुवाङ्‌याङ।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

१ तिमोथि 3:10

बुया मोचि चिन्‍माखाङ्‌माचिदोत। खोन्‍किना मोचिआ आप्‍पि लाहि मात्‍द़ङ्‌ओ खाङ्‌मुमा अ़ऱनालो मोचि साम्‍भुङ काफाचि म़लिने।

१ तिमोथि 3:2

खोन्‌ओसा धिकाखाङ्‌पा साङ्‌आछाङ लाहि पाक्‍मा ऩऱन्‌ओ, अ़क्‍छा खिम्‍हाङ्‌माओ ओन्‍ङा अ़खिम्‍हाङ्‌पा, काक़म्‍नान्‍चिन, खारु कातोक, सायाकातोक, तावाङ साऩङ्‌वा कामेत, खोन्‍कि चिन्‍मा काऱ मुमादोत।

१ तिमोथि 5:14

खोन्‌ओसा साथिकादोङ्‌दाङ्‌का अ़खुक्‌दाओ मेन्‍मित्‍माचि साया म़लाकाम्‍ने, छा म़तोक्‍ने, खोन्‍कि अ़चुखिम्‌चि म़खाचिनेनि अ़ङ्‌का यायोक प़ङ्‌च़ङ। मोवात्‍नि आन्‍ङेङ्‌चिआ आन्‍कान सुङ्‌मा अ़वाखाम ऩतोक्‍तुन।

१ तिमोथि 5:20

हेवा कामुचि, झारा साम्‍भुङ्‌ओ अ़बुदा रेन्‍तानुम्‍च़म, खोन्‌ओसा निचिछाङ म़क़ने।

१ तिमोथि 5:7

साम्‍भुङ्‌दा ओ यायोक्‌चि प़चि, खोन्‌ओसा मोचि साङ्‌छाङ लाहि पाक्‍ऩमुनिन्‍ने।

तितस 1:6

साम्‍भुङ्‌दाओ ताङ्‌पा साङ्‌आछाङ ह़त्‍मा ऩऱन्‍लो लिमादोत, अ़क्‍छासो ओन्‍ङा ओ अ़खिम्‍हाङ्‌पा लिमादोत, खोसोओ अ़छाचि साकोङ्‌छ़ङ कामु खोन्‍कि अ़अ़त्‍पा च़माथाङ्‌मा मात्‍दङ्‍ओ, खोन्‍कि लोमाय़ङ काकाङ लिमादोत।

तितस 2:10

खोन्‍कि खाक्‍को सामाछाङ ऩख़सुन्‍ने। मेन अ़धुन्‌ङा मिन्‍माआ चाओ खोन्‍कि अ़नुवाक म़लिकिना म़युङ्‌ने। मोवात्‍नि म़च़नालो म़नाचि दियाको य़ङ्‌दाछाङ आन्‍कान कालेन्‍पा निनाम्‍हाङ्‌ओ अ़चुचिन्‍मा एन्‍मा म़स़।

तितस 2:15

खाना ओ य़ङ त़चिन्‍तुङुचिहिदा झारा पाङ्‌एनान राक प़चि खोन्‍कि रेन्‌याङ्‌सा मुचि। मोवात्‍नि त़च़नालो साङ्‌आछाङ खाना हेलाङ मुमा ऩतोक्‍नान।

हिब्रु 7:26

आन्‍कान दोत्‌ओ मुलो काब़क्‍पा येसुङा ओ। खोक्‍को म़सेङ्‌याङ्‌ओ, थुपि मात्‍द़ङ्‌ओ, अ़च़क़ल़क, हेवामिचिदाङ्‌का अ़फेआकि निनाम्‍माचिदाङ्‌का धाना अ़झोइसा।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

खाङ्‌मुमा 2:5

खोन्‌ओसा निनाम्‍हाङ्‌ओ अ़चुखाङ्‌मादाङ्‌का खाना त़धाखाराओ, मो मित्‍तु, खोन्‍कि अ़ङ्‌काएदा लासाता, खोन्‍कि खाना बुया त़मुङुओ काचिचि मुचि। खाना अ़ङ्‌काएदा त़लानान्‍तानान्‌नालो अ़ङ्‌का खानाएदा ताङाकि आम्‍कुपियुङ्‌खा मोसोओ अ़युङ्‌खादाङ्‌का चुमुङ।

खाङ्‌मुमा 3:9

खानुम! सैतानाओ अ़रुहुप्‌दाओ अ़तुक्‌वादा अ़ङ्‌का दे मुङ्‌च़ङ, खानानिन त़खाम। मोचिआ खोचि यहुदिनि ना म़लोनानान्‍चिन, मेन मोचि यहुदिचि माआङ, मोचि काम़प्‌चि ओ। अ़ङ्‌का मोचि तासुङ्‌च़ङ खोन्‍कि आम्‍लाङ्‌दा बोम्‍मेत्‍तुङ्‌च़ङ, मोलाम्‍पा खानानिन सोमातुक्‍नानिन निकिना मोचि तुप्‍मेत्‍तुङ्‌च़ङ।