फिलिप्‍पि 2:14 - बान्‍तावा राई

¹⁴ छुऩङ्‌वा माङ्‌लो दुम मान्‍तुमाङ झारा य़ङ मुयाङ्‌सा खारानिन।

फिलिप्‍पि 2:14 Kruisverwysings

मत्‍ति 20:11

काचिलुङ अ़तोक्‍ताचिआकिना अङ्‌गुराखाओ अ़हाङ्‌पाओ अ़देङ्‌सालाप्‍पादा बुया काचिदा कावाङ्‌चि छुऩङ्‌वा मुमा अ़पुक्‍ता।

मर्कुस 14:5

ओ सुम्‌कासयेदाङ्‌का च़लोक रुपाओ फेक्‌वादा इनाकि मान्‍तोक्‍कादाचि म़पुवाओदे नुवाओ!” खोन्‍किना मोचिआ मो मेत्‍छामा चाअ़त्‍लो याअ़सान्‍ता।

मर्कुस 9:14

खोचि नि काखेङ्‌चिएदा म़लासाताहिदा खोचिआ अ़धिवाङ म़ना मुक्‍लाचि अ़चुऱङ्‌कोप्‍नि म़खाचि, खोन्‍कि य़ङ्‌हुप काचिन्‍पाचि खोचिएनान दुम म़छ़राङा।

लुका 5:30

फरिसिचि खोन्‍कि फरिसि भुङ्‌ओ य़ङ्‌हुप काचिन्‍पाचिआ छुऩङ्‌वा मुयाङ्‌सा येसुओ अ़चुकाखेङ्‌पाचि म़सेनुचि, “देकि खानानिन दाम्‍दु कालात्‌चि खोन्‍कि हेवामिचिएनान अ़क्‍नि त़चान्‌येन खोन्‍कि त़दुङिन्‌येन?”

छाम्‍माय़ङ 15:2

पावल खोन्‍कि बारनाबास मो य़ङ्‌दा मोचिएनान मान्‍तोङ्‌चिकि चाअ़त्‍लो दुम तुसाचि। खोन्‌ओसा मोदाओ साकोङ्‌छ़ङ कामुचिआ आदेङ पावल खोन्‍कि बारनाबास्‌किना निचिछाङ ओ सेन्‍माय़ङ्‌ओसो अ़तुक्‌वादा छाम्‍माय़ङ्‌चि खोन्‍कि ताङ्‌पाचिएनान यायोक्‍सि यरुसलेम खान्‍माचि निकिना म़छेन्‍तुचि।

छाम्‍माय़ङ 15:39

पावल खोन्‍कि बारनाबास चाअ़त्‍लो दुम तुसाचि, खोन्‌ओसा खोचि अ़क्‍छा निएदाङ्‌का फेआचिचिन। बारनाबास्‌आ मर्कुस अ़क्‍नि खात्‍तुकि साइप्रस खारा।

छाम्‍माय़ङ 15:7

ब़द्‍धे दुम अ़तुसाचिआकि पत्रुस पुवालोन्‍ताकि मोचि लोचि, “ब़ब़, नाना खोन्‍कि निछाचि ओ, खानानिन त़सिन्‍तुम्‌योम्‌ङा, बुयाङा अ़ङ्‌दोदाङ्‌का निरावाचिआ नुय़ङ्‌खान अ़एन्‌कि साकोङ्‌छ़ङ म़मुने निकिना आम्‍नुओ रादाङ्‌का अ़ङ्‌का निनाम्‍हाङ्‌आ ऩछेन्‍ताङ।

छाम्‍माय़ङ 6:1

मो लेन्‍चिदा ख्रिस्‍त काखेङ्‌चिओ अ़चुखिप्‍मा च़लोक पोन्‌याङ्‌सा खाराङा। खोन्‍कि हिब्रु य़ङ काचेप साकोङ्‌छ़ङ कामु यहुदिचिओ अ़चुदेङ्‌सालाप्‍पादा ग्रिक य़ङ काचेप साकोङ्‌छ़ङ कामु यहुदिचि छुऩङ्‌वा म़मुवा, देकिनालो अ़लेन्‍खिन्‍तुम चामायु अ़हासाङाहिदा ग्रिक य़ङ काचेप यहुदिचिओ अ़चुमेन्‍मित्‍माचिआ तोक्‍मा दोराङाओ ओन चामायु मान्‍तोक्‌अ़दाङा।

रोमि 12:18

लिमा ऱनालो झाराएनान सेवाङ्‌नि युङ्‌मा लामानिन।

रोमि 14:1

साकोङ्‌छ़ङ्‌दा नुलोक मान्‍पोन्‌युक्‌ओ म़ना लोआनुम, खोन्‍कि मोचिओ अ़चुमिन्‍माओ अ़तुक्‌वादा दुम मान्‍तुदानिन।

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

१ कोरिन्‍थि 10:10

आन्‍कान छुऩङ्‌वा मुमा अ़नुनिन, देत्‍नि मोचिएदाओ देम्‌कापाङ छुऩङ्‌वा म़मुवा, खोन्‍कि कालुक्‌एदाङ्‌का म़लुक्‍ता।

२ कोरिन्‍थि 12:20

देकिनालो अ़ङ्‌का ताङाहिदा अ़ङ्‌का मिन्‍ङावात्‍नि खानानिन अ़धित्‍नान्‍निमिन हे, खोन्‍कि खानानिन्‌आछाङ त़मिनिन्‌येन्‌वा अ़ङ्‌का त़धित्‍नाङ्‌ऩम़ङ हे निकिना अ़ङ्‌का क़ङाङा। आम्‍नुओ रादा खिमा, ऩङ्‌च़, माइसुङ, फेक्‍मान्‍चिन, सुङ्‌मा, दुम्‍लुमा, ऱक्‍भाक खोन्‍कि ङेन लि हे निकिना अ़ङ्‌क़मा कात्‌याङ।

गलाति 5:15

मेन खानानिन अ़क्‍छाआ नि धेक्‍काधेक, ख़ङ्‌का-ख़ङ त़मुन्‌नालो ना चाप्‍तेत्‍तानिन्‍चिन, खानानिन अ़क्‍छा निएदाङ्‌काङा लुक्‍मा अ़दोत्‍निन्‍ने।

गलाति 5:26

आन्‍कान ऱक्‍भाक अ़मुन्‍मिन्‍ने। अ़क्‍छा निएदा माइसुङ खोन्‍कि ऩङ्‌च़ मेत्‌अ़मुन्‍मिन्‍ने।

फिलिप्‍पि 2:3

देम्‍खाछाङ आप्‍पि खानानिन खाङ्‌मान्‍चिन माङ्‌लो तोक्‍पो लिमाओ निम्‍पाङ देत्‍छाङ माच़दानिन, मेन सिम्‍नान्‍चिन्‍सा निचि खानानिन आप्‍पिदाङ्‌का अ़धिवा मित्‍तानुम्‍च़म।

१ थेसलोनिकि 5:13

मोचिआ अ़मुवाओ अ़चुकाचिओ निकिना सोमातुक्‌याङ्‌सा तोक्‍पो साया मेत्‍तानुम्‍च़म। खोन्‍किना खानानिन अ़क्‍छा निएदा तोङानिन्‌कि युङानिन।

१ थेसलोनिकि 5:15

खानुम, साङ्‌छाङ अ़त्‍लोओ अ़फान्‌दा अ़त्‍लो अ़च़निन्‍ने, मेन अ़क्‍छा निएदा खोन्‍कि झारा म़नाचिएनान अ़धुन नुलोक च़मालामानिन।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

याकुब 1:20

देकिनालो म़नाओ अ़माइसुङ्‌आ निनाम्‍हाङ्‌आ अ़मित्‌ओ अ़साम्‌योक्‍मि ह़ङ्‌म़ङ ह़ङ्‌मा अ़ऱनिन।

याकुब 3:14

मेन आम्‍नुओ साकोङ्‌वादा चात्‍लो ऩङ्‌च़ खोन्‍कि आप्‍पि ओन्‍ङा तोक्‍मामिन्‍मा याक्‌याङ्‌नालो आम्‍नुओ खारुदा ऱफोक्‌वा मान्‍मुदानिन, खोन्‍कि अ़छ़ङ य़ङ सोज्‍जेओ मान्‍मुदानुम।

याकुब 5:9

ब़ब़, नाना खोन्‍कि निछाचि ओ, अ़क्‍छा निओ अ़देङ्‌सालाप्‍पादा छुऩङ्‌वा मान्‍मुदानिन। माङ्‌लोना खानानिन छ़ङ्‌छेन्‍मादा त़छुक्‍तिन। खानुम, छ़ङ्‌काछेन आम्‍नुओ लाप्‍तिखोप्‌दाङा म़एप्‌याङ!

१ पत्रुस 3:11

मो अ़अ़त्‍पादाङ्‌का लाने, खोन्‍कि अ़नुवाक काचि मुने। मोसाआ सेवाङ्‌नि लामुने खोन्‍कि मोङा त़ङ्‌तुने।

१ पत्रुस 4:9

छुऩङ्‌वा मान्‍मुमाङ अ़क्‍छाआ नितावाङ्‌चि ब़रानुम्‍च़म।

यहुदा 1:16

छुऩङ्‌वा कामु म़नाचि, काऱक्‌चि, अ़चुअ़त्‍लो मित्‍मादा काकोन्‌चि, ऱफोक्‌वा य़ङ काचेप्‌चि खोन्‍कि अ़चुओ तोक्‍माओ निम्‍पाङ नि म़नाचि वाकालेङ ओचिङा ओ।