फिलिप्‍पि 1:8 - बान्‍तावा राई

⁸ येसु ख्रिस्‍तआ खानानिन देत्‍नि सोमाऩतुक्‍तिन, मोवात्‍निङा अ़ङ्‌काछाङ खानानिन झारा सोमातुक्‍नाङ्‌नानिन निकिना निनाम्‍हाङ अ़ङ्‌सालुम्‍स़ङ म़युङ्‌याङ।

फिलिप्‍पि 1:8 Kruisverwysings

लुका 1:78

आन्‍निनाम्‍हाङ ब़द्‍धे सोमाकातुक म़युङ्‌याङ, खोन्‌ओसा खोक्‍कोसाआ लोन्‌याङ्‍ओ नाम्‍साम निनाम्‍माचोक्‌दुङ्‌का आन्‍कान्‌एदा अ़य़।

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 9:1

ख्रिस्‍त अ़ङ्‌सालुम्‍स़ङ म़युङ्‌याङ, अ़ङ्‌का अ़नुछ्‍या चेप्‍ङाङा। अ़ङ्‌का अ़म़प्‍ऩङ। सेङ्‌लावाआ अ़ङ्‌लावा सालुम्‍स़ङ प़ङु।

२ कोरिन्‍थि 13:9

आन्‍कान्‍का मान्‍ऱकादा मुन्‌येन्‍कानुछाङ खोन्‍कि खानानिन काछो त़लिसिन्‌हिदा आन्‍काओ ऩङानु। खानानिन उन्‍निज़ङ्‌नि लिसानिन निम्‍पाङ आन्‍कान्‍का यामारिन्‍का।

२ कोरिन्‍थि 6:12

खानानिन्‌एदाओ आन्‍काओ सोम्‍तुक्‍मा मान्‍चुक्‍खात्‌युक, मेन आम्‍नुओ सोम्‍तुक्‍माए चुक्‍ताखारायुङ्‌सा।

२ कोरिन्‍थि 7:15

खानानिन झारासा लोमावा त़च़न्‌ओ खोन्‍कि खानानिन्‌आ कित्‌याङ्‌सा खोन्‍कि सायामेत्‌याङ्‌सा खो साऩङ्‌वा त़मेत्‍तुम्‌ओ मित्‍तुहिदा खोसोओ अ़साकोङ्‌वादाओ सोम्‍तुक्‍मा खानानिन्‌एदा च़लोक पोन्‍ता।

गलाति 1:20

निनाम्‍हाङ्‌ओ अ़चुबुदा अ़ङ्‌का खानानिन दि छाप्‍नाङ्‌नानिन्‌ओ सोज्‍जे माआङ।

गलाति 3:26

देकिनालो साकोङ्‌छ़ङ्‌लाम्‍पा खानानिन झारा येसु ख्रिस्‍तएदा निनाम्‍हाङ्‌ओ अ़चुछाचि ओ।

गलाति 4:19

सोमातुक्‍निङ्‌निओ अ़ङ्‌छाचि ओ, ख्रिस्‍तओ अ़चुच़माथाङ्‌मा खानानिन्‌एदा मान्‍पोन्‌युक्‌तारि हान्‍छाङ छातोक्‍मा सारिमाआ लाउओ अ़क्‍छा मेत्‍छामावात्‍नि अ़ङ्‌का दुखा तोक्‍ङा।

फिलिप्‍पि 2:1

मोवात्‍नि ख्रिस्‍तएदा अ़क्‍भोम लिमादा अ़क्‍चित राक याक्‌याङ्‌नालो, खोक्‍कोसोओ अ़चुसोमातुक्‍मादाङ्‌काओ अ़क्‍चित सोम्‍सेत्‍मा याक्‌याङ्‌नालो, निनाम्‍हाङ लावाएनान्‌ओ अ़क्‍चित यावायोक युङ्‌याङ्‌नालो, अ़क्‍छा निएदा सोमातुक्‍मा खोन्‍कि सोम्‍मासेत्‍माय़ङ अ़क्‍चित युङ्‌याङ्‌नालो,

फिलिप्‍पि 2:26

खोसाआ खानानिन झारा अ़न्‍नुनु तुप्‍मा स़याङ। खो तुआओ य़ङ्‌खान खानानिन्‌आ त़एनुम्‌ओसा खो चाअ़त्‍लो लिसायुङ्‌सा।

फिलिप्‍पि 4:1

खोन्‌ओसा अ़ङ्‌का सोमातुक्‍नानिन्‌ओ खोन्‍कि खाङ्‌मा स़ङाङाओ अ़ङ्‍ब़ब़, नाना खोन्‍कि निछाचि ओ, खानानिन अ़ङ्‌ऩङानुमा खोन्‍कि अ़ङ्‌तोक्‍पो लिखा ओ। अ़ङ्‌का सोमातुक्‍नाङ्‌नानिन्‌ओचि ओ, ओवात्‍निङा हाङ्‌पाएदा नुलोक युङानिन।

कलस्‍सि 2:1

अ़नुछ्‍याङा आम्‍नुओ निम्‍पाङ, लाउदिकियादाओ साम्‍भुङ्‌ओ निम्‍पाङ, खोन्‍कि अ़ङ्‌का मान्‍सिन्‍कादा झारासोओ निम्‍पाङ अ़ङ्‌का देम चात्‍लो दुखा मुवाङ्‌युङ्‌साङ्‌ओ खानानिन त़सिन्‍तुम्‍नेनि अ़ङ्‌का मिन्‍ङा।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

१ थेसलोनिकि 2:5

खानानिन त़सिन्‍तुम्‌योम आन्‍कान्‍का देम्‍खाछाङ खानानिन्‌एदा दोलेङ्‌वा मान्‍मुदान्‍का, ना आन्‍कान्‍का आम्‍नुओ सामाचि तोक्‍मा च़क्‍ख़य़ मुन्‍का। आन्‍काओ अ़सालुम्‍स़ङ निनाम्‍हाङ्‌ङा म़युङ्‌याङ।

१ थेसलोनिकि 2:8

आन्‍कान्‍का खानानिन ब़द्‍धे सोमातुक्‍निकिना निनाम्‍हाङ्‌ओ अ़नुय़ङ्‌खान ओन्‍ङा माआङ, मेन आन्‍काओ ह़ङ्‌म़ङ्‌छाङ खानानिन प़मा आन्‍काओ ऩङानुवा, देकिनालो आन्‍कान्‍का खानानिन अ़न्‍नुनु सोमातुक्‍नियुङ्‌नि।

२ तिमोथि 1:4

आम्‍म़क्‌वा मित्‍तुङ्‌हिदा अ़ङ्‌का खाना अ़न्‍नुनु तुप्‍मा स़ङाङा, मोवात्‍नि अ़ङ्‌को ब़द्‍धे अ़ङ्‌ऩङानुने।

फिलेमोन 1:12

अ़ङ्‌का खोक्‍को खानाएदा लासुङ्‌बाइसुङ्‌योङ। खोक्‍को अ़ङ्‌चोवाओ अ़धाङ्‌ङा ओ।

फिलेमोन 1:20

खाना अ़ङ्‌निछा त़लिसाओसा अ़ङ्‌का लोनाओ ओ य़ङ मेत्‍निप़नि खोन्‍कि ख्रिस्‍तदा अ़ङ्‌को अ़ङ्‌साकोङ्‌वा सेवाङ्‌नि लिने।

१ युहन्‍ना 3:17

मेन हेन्‍खामादाओ चासुम्‍छेन्‍बि कातोक्‌आ साकोङ्‌छ़ङ कामु हाप्‍ताओ खाकिछाङ अ़साकोङ्‌वा खोएदा छाक्‍लो मुनालो निनाम्‍हाङ्‌ओ अ़चुसोम्‍तुक्‍मा मोएदा देत्‍नि याक?