फिलिप्‍पि 1:7 - बान्‍तावा राई

⁷ अ़ङ्‌का खानानिन झारा अ़ङ्‌साकोङ्‌वादा युङ्‌नानिन। खानानिन झारासोओ निम्‍पाङ अ़ङ्‌का ओवात्‍नि मित्‍मा तोङ्‌नि मिनाङ, देकिनालो अ़ङ्‌छेक्‍मादा खोन्‍कि अ़छ़ङ नुय़ङ्‌खान्‌ओ अ़रात्‍मादा खोन्‍कि नुय़ङ्‌खान अ़छ़ङ मुयाङ्‌नि खाङ्‌मुमा ह्‍वातात्‍माङ्‌दा खानानिन अ़ङ्‌काएनान्‌ओ सोमातुक्‍मादा फासि त़वाङिन्‌युङ्‌सिन।

फिलिप्‍पि 1:7 Kruisverwysings

छाम्‍माय़ङ 20:23

अ़ङ्‌का कोन्‍ङाओ झारा सहरादा छेक्‍खाआ खोन्‍कि दुखाचिआ अ़ङ्‌का ऩहुङ्‌ङाङाओ सेङ्‌लावाआ अ़ङ्‌का चाप्‍ऩचेत्‍ताङ्‌युङ्‌साङ, ओन ओन्‍ङा अ़ङ्‌का सिन्‍तुङ्‌योङ।

छाम्‍माय़ङ 21:33

खोन्‍किना मुकुधुम ताकि पावल लाउ, खोन्‍कि ह्‍वातात काकाराओ चोक्‍माय़चिआ छुम्‍मेत्‍तुचि, खोन्‍कि खोसाआ म़नाचि सेनुचि, “ओ साङ ओ? खोन्‍कि ओ दे चुवायुङ्‌सा?”

१ कोरिन्‍थि 13:7

सोम्‍तुक्‍माआ झारा य़ङ्‌चि दिप्‍तुचि, झारा य़ङ्‌चिदा साकोङ्‌छ़ङ मु, झारा य़ङ्‌चिदा सोम्‍कुवा मु, झारा य़ङ्‌चि आङ्‌तुचि।

१ कोरिन्‍थि 9:23

नुय़ङ्‌खान्‌ओ आसिखाचिदा वाङ्‌मा ऱङाने निकिना नुय़ङ्‌खान्‌ओ निम्‍पाङ अ़ङ्‌का ओ झारा मुङ्‌च़ङ।

२ कोरिन्‍थि 3:2

खानानिन आप्‍पिङा आन्‍काओ कान्‍माय़ङ छाप्‍लावाचि ओ। झारा म़नाचिआ लेमा खोन्‍कि खिप्‍मा निम्‍पाङ आम्‍नुओ साकोङ्‌वाचिदा मो छाप्‍तायुङ्‌सा।

२ कोरिन्‍थि 7:3

खानानिन लाहिपाक्‍मा निम्‍पाङ अ़ङ्‌का ओ लोनानिन्‌ओ माआङ। देकिनालो अ़ङ्‌का बुयाङा लोनायुङ्‌नानिन, आन्‍काओ साकोङ्‌वाचिदा खानानिन त़याइन्‌येन। आन्‍कान्‍का स़न्‍का, खोन्‍कि ह़ङिन्‍कानुछाङ खानानिन्‌एनान युङिन्‍का।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

एफिसि 3:1

ओसोओ अ़तुक्‌वादा, अ़ङ्‌का पावल, खानानिन निरावाचिओ लिप्‍पादा ख्रिस्‍त येसुओ निम्‍पाङ छेक्‍माय़ङ्‌ओ।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

एफिसि 6:20

देकिनालो ओसोओ निम्‍पाङ अ़ङ्‌का चोक्‍माय़आ छुम्‍माय़ङ अ़क्‍छा हाङ्‌य़ङ्‌काखुन ओ, खोन्‍कि अ़ङ्‌का देत्‍नि चेप्‍मादोत ओ, मोवात्‍नि अ़ङ्‌का मो राक्‌एनान चेप्‍मा ऱङाने।

फिलिप्‍पि 1:12

ब़ब़, नाना खोन्‍कि निछाचि ओ, खानानिन ओ सिन्‍तानुम्‌नि अ़ङ्‌का मिन्‍ङा, अ़ङ्‌काएदा म़ताओ य़ङ्‌चिआ अ़नुछ्‍याङा नुय़ङ्‌खान फेमा म़फासायुङ्‌सा।

फिलिप्‍पि 1:13

अ़ङ्‌का ख्रिस्‍त खालुसुङ्‌ओसा अ़ङ्‌का छेक्‍खादा छुक्‍ताङ्‌ओनिओ हाङ्‌युङ्‌खादाओ झारा रात्‍खामिचि खोन्‍कि नि म़नाचिआ अ़सिन्‍तायुङ्‌सा।

फिलिप्‍पि 1:14

ब़द्‍धेकापाङ ब़ब़, नाना खोन्‍कि निछाचि, अ़ङ्‌छेक्‍माआ हाङ्‌पाआ राक्‌एनान्‌ओ खोन्‍कि निनाम्‍हाङ्‌ओ अ़चुय़ङ अ़चुक़मा मान्‍कात्‍माङ चेप्‍मा च़लोक अ़चुराक्‍स़रिओ म़मुयुङ्‌सुचि।

फिलिप्‍पि 1:5

देकिनालो बुयाओ लेन्‌दाङ्‌का आइमित्‌तारि नुय़ङ्‌खान काचिदा खानानिन्‌आ अ़ङ्‌का त़फानियुङ्‌नि।

फिलिप्‍पि 2:22

मेन तिमोथि दियाको म़ना ओ, खानानिन्‌आ त़सिन्‍तुम्‌योम, देत्‍नि अ़छाआ अ़पा ब़रु, मोवात्‍निङा खोसाआ अ़ङ्‌का नुय़ङ्‌खान खालुमा अ़फासाङ।

फिलिप्‍पि 4:14

खोन्‍नुछाङ, अ़ङ्‌चाअ़त्‍माचिदा खानानिन त़फानिकिना ब़द्‍धे नुलोक त़च़न।

फिलिप्‍पि 4:15

अ़नुछ्‍या खानानिन फिलिप्‍पिचि आप्‍पिछाङ त़सिन्‍तुम्‌योम, बुयाओदु खानानिन्‌एदा अ़ङ्‌का नुय़ङ्‌खान तारुङ, खोन्‍किना अ़ङ्‌का माकेदोनियादाङ्‌का हासाङ्‌च़ङ्‌हिदा प़मा खोन्‍कि लोक्‍मा काचिदा खानानिन्‌एदाङ्‌का नि खाक्‍कोछाङ साम्‍भुङ्‌चि अ़ङ्‌काएदा मान्‌वाङ्‌चि।

फिलिप्‍पि 4:3

अ़ङ्‌सोम्‍कुवाओ यावा, अ़ङ्‌का खानाछाङ लोनाङ्‌ना, ओ मेत्‍छामाचि फासुचि, देकिनालो मोचिआ अ़ङ्‌काएनान अ़क्‍नि नुय़ङ्‌खान खालुमा, क्‍लेमेसएनान खोन्‍कि नि यावाचिएनान अ़क्‍नि चात्‍लो काचि मुवायुङ्‌साचि। मोचिओ अ़चुऩङ ह़ङ्‌म़ङ्‌ओ छाप्‍लाखादा याक्‌याङ।

कलस्‍सि 4:18

अ़ङ्‌का पावल्‌आ ओ सेवाओ य़ङ अ़ङ्‌छुक्‌आ छाप्‍तुङ्‌योङ। अ़ङ्‌का छेक्‍खादा चोक्‍माय़चिआ छ़साङ्‌ओ मित्‍तानुम्‍च़म। खानानिन्‌एदा निनाम्‍हाङ्‌ओ अ़चुसोमातुक्‍मा याक्‍ने।

कलस्‍सि 4:3

आन्‍काओ निम्‍पाङ्‌छाङ ओवात्‍नि यामारानिन: ख्रिस्‍तओ अ़चुतुक्‌वादाओ मो अ़कोङ्‌दुम खालुमा अ़वाखाम निनाम्‍हाङ्‌आ आन्‍कान्‍का लाम ऩहोत्‍तिन्‍प़न्‍काने। मोसोओ निम्‍पाङ अ़ङ्‌का छेक्‍खादा छुक्‍ताङ्‌युङ्‌साङ।

१ थेसलोनिकि 5:5

देकिनालो झारा खानानिन साम खोन्‍कि अ़खोलेन्‌ओ अ़छाचि ओ। आन्‍कान अ़खाखुत माङ्‌लो कुन्‌यामाओ अ़छाचि माआङ।

२ तिमोथि 1:8

खोन्‌ओसा आन्‍हाङ्‌पाओ अ़चुसालुम्‍स़ङ प़मा आम्‍लेजो अ़कात्‍निन्‍ने, ना अ़ङ्‌का, ख्रिस्‍तओ निम्‍पाङ छेक्‍ङाङाओसो निम्‍पाङ आम्‍लेजो कात्‍ने। मेन निनाम्‍हाङ्‌ओ अ़चुसावादा नुय़ङ्‌खान्‌ओ निम्‍पाङ दुखा आङ्‌मादा अ़ङ्‌काएनान वाङा।

२ तिमोथि 2:9

मो नुय़ङ्‌खान्‌ओ निम्‍पाङ अ़ङ्‌का दुखा आङ्‌तुङ्‌योङ, खोन्‍कि य़ङ्‌हुप काफिवात्‍नि चोक्‍माय़आ अ़ङ्‌का छ़साङ्‌युङ्‌साङ। मेन निनाम्‍हाङ्‌ओ अ़चुय़ङ चोक्‍माय़आ अ़छुम्‍निन।

फिलेमोन 1:13

नुय़ङ्‌खान खालुवाङ्‌ओसा अ़ङ्‌का छेक्‍खाखिम्‌दा छेक्‍ङाङाहिदा ओन आम्‍फान्‌दा खोक्‍कोङा अ़ङ्‌काएनान युङ्‌माकि अ़ङ्‌का काफा मुमानि मिनाङ।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

१ पत्रुस 4:13

मेन ख्रिस्‍तओ अ़चुदुखा आङ्‌मादा खानानिन त़वाङिन्‌येन्‌हिदा ऩङानुसानिन्‍चिन। खोन्‍नालो खोक्‍कोसोओ अ़चुसाम दात्‌हिदा खानानिन्‌छाङ अ़न्‍नुनु आम्‍नुओ ऩङानुने खोन्‍कि छेमाकात्‍ने।

१ पत्रुस 5:1

अ़ङ्‌काछाङ अ़क्‍छा ताङ्‌पाओसा ख्रिस्‍तओ दुखाओ सालुम्‍स़ङ खोन्‍कि आन्‍कान खाङ्‌म़मेत्‌ओ साम्‌दा कावाङ्‌चिओसा हान आम्‍नुओ रादाओ ताङ्‌पाचि अ़ङ्‌का राक प़ङ्‌योङ्‌च़ङ।

२ पत्रुस 1:13

अ़ङ्‌का ओ अ़ङ्‌पोक्‌दा युङ्‌ङाङाओन खानानिन अ़धुन मित्‍मेत्‍मायुङ्‌मा नुलोक लिनि अ़ङ्‌का मिन्‍ङा।

१ युहन्‍ना 3:14

आन्‍कान सिन्‍तुम्‌योम, आन्‍कान स़मादाङ्‌का ह़ङ्‌म़ङ्‌दा सोत्‍तिन्‌युङ्‌सिन्‍चिन, देकिनालो आन्‍कान ख्रिस्‍तियान यावाचि सोमातुक्‍तुम्‌योम्‍च़म। साङ खासोमाअ़तुक्‍निन, मो स़मादा याक।