याकुब 1:2 - बान्‍तावा राई

² ब़ब़, नाना खोन्‍कि निछाचि ओ, खानानिन्‌एदा अ़पारा-अ़पाराओ चिन्‍माखाङ्‌माचि म़ताहिदा आम्‍नुओ अ़न्‍नुनु ऩङानुने।

याकुब 1:2 Kruisverwysings

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

रोमि 5:3

मोन ओन्‍ङा माआङ, मेन आन्‍कान आन्‍दुखाचिदाछाङ ऩङानुसिन्‍चिन, देकिनालो आन्‍कान सिन्‍तुम्‌योम दुखाआ आङ्‌मा सावा तारु।

फिलिप्‍पि 1:29

देकिनालो ख्रिस्‍तओ निम्‍पाङ खानानिन ब़क्‍मा अ़वाखाम ऩप़न्‌युङ्‌सिन, खोक्‍को साकोङ्‌छ़ङ मुमा ओन्‍ङा माआङ, मेन खोक्‍कोसोओ निम्‍पाङ दुखा आङ्‌माछाङ ओ।

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

फिलिप्‍पि 2:18

मोवात्‍निङा खानानिन्‌छाङ अ़ङ्‌काएनान आम्‍नुओ ऩङानुमादोत खोन्‍कि सोम्‍सेत्‍मान्‍चिन्‍दोत।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

हिब्रु 10:34

म़छेक्‍ताङाओचि खानानिन सोमात़तुक्‍तुम्‍च़म। आम्‍नुओ चासुम्‍छेन्‍बि ऩङाप्‍तिन्‌हिदाछाङ आम्‍नुओ ऩङानुयाङ्‌सा त़आङ्‌तुम, देकिनालो खानानिन त़सिन्‍तुम्‌योम आम्‍नुओ झारासोओ अ़नुवाक चासुम्‍छेन्‍बि युङ्‌याङ, मो अ़धुन्‌तारि युङ्‌युङ।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

याकुब 1:16

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, मान्‍धादानिन।

याकुब 1:19

अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, ओ य़ङ तुप्‍तानुम, झारा म़ना एन्‍मादा च़क्‍नि, चेप्‍मादा स़लेनि खोन्‍कि माइसुङ्‌कात्‍मादा स़लेनि लिमादोत।

याकुब 5:11

खानानिन त़सिन्‍तुम्‌योम, काहुङ्‌चि आन्‍कान आलाङ्‌मिओनि लोम्‍च़म। खानानिन्‌आ अय्‍युब्‌ओ अ़हुङ्‌माय़ङ खोन्‍कि हाङ्‌पाओ अ़चुमित्‍चिऩङ त़एनुम्‌युङ्‌सुम। आदेङ हाङ्‌पाआ देत्‍नि नुलोक अ़मुवा मो त़सिन्‍तुम्‌योम। देकिनालो हाङ्‌पा अ़न्‍नुनु नुलोक कामित खोन्‍कि सोमाकातुक म़मुयाङ।

२ पत्रुस 2:9

ओवात्‍नि निनाम्‍हाङ काब़क्‌चि चिन्‍माखाङ्‌मादाङ्‌का लेइसि खोन्‍कि मान्‍साम्‌योक्‍मिचि दन्‍दा प़माचि निम्‍पाङ छ़ङ्‌छेन्‍माओ लेन्‌तारि देत्‍नि रात्‍मायुङ्‌माओ, हाङ्‌पा म़लेयाङ।

खाङ्‌मुमा 2:10

खानानिन अ़चाअ़त्‍मादा छुक्‍मा त़मुन्‌येन्‌ओदा मान्‍क़दानिन। खानुम! सैतानाआ खानानिन्‌एदाङ्‌का देम्‍कापाङ आम्‍नुओ चिन्‍माखाङ्‌माओ निम्‍पाङ छेक्‍खादा छेक्‍मा त़मुन्‌येन, खोन्‍कि खानानिन दस्‌कालेन दुखा त़तोक्‍तिन। खानानिन आम्‍नुओ स़मादामातारि साकोङ्‌छ़ङ मुमा त़खान्‍तिन्‍लो त़लिसिन्‌नालो अ़ङ्‌का खानानिन ह़ङ्‌म़ङ्‌ओ सिरिफा प़नानिन।