एफिसि 4:4 - बान्‍तावा राई

⁴ पोक अ़क्‌तात्‌ङा ओ, खोन्‍कि सेङ्‌लावाछाङ अ़क्‌तात्‌ङा म़मुयाङ, मोवात्‍निङा खानानिन ऩबुत्‍तिन्‌हिदा अ़क्‌तात तामामिन्‍मादा ऩबुत्‍तिन्‌ओ।

एफिसि 4:4 Kruisverwysings

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

छाम्‍माय़ङ 15:11

आन्‍कान साकोङ्‌छ़ङ मुन्‌कि आन्‍हाङ्‌पा येसुओ अ़चुसोमातुक्‍मालाम्‍पा आन्‍कान लेरिन्‌युङ्‌सिन, मोवात्‍निङा निरावाचिछाङ म़लेरायुङ्‌सा।”

रोमि 11:29

देकिनालो निनाम्‍हाङ्‌ओ अ़चुआसिखा खोन्‍कि अ़चुबुत्‍माय़ङ देम्‍खाछाङ अ़फान्‍निन।

१ कोरिन्‍थि 10:17

मोदा पेम्‍पाक अ़क्‌तात्‌ङा युङ्‌याङ, आन्‍कान ब़द्‍धेकापाङ्‌नुछाङ अ़क्‌याम्‌ङा ओ, देकिनालो आन्‍कान झारासाआ अ़क्‌तात पेम्‍पाक्‌दाङ्‌का चान।

१ कोरिन्‍थि 12:20

मेन पोक्‍फुत्‌चि ब़द्‍धे म़याक्‌याङ्‌नुछाङ पोक अ़क्‌तात्‌ङा।

२ कोरिन्‍थि 11:4

देकिनालो अ़क्‍छा म़ना ताकि आन्‍कान्‍का खालुसुम्‍काओ येसुदाङ्‌का नि येसुओ अ़चुनुय़ङ्‌खान खालुसु माङ्‌लो खानानिन्‌आ त़तोक्‍तुम्‌ओ लावादाङ्‌का नि लावा मोचिआ खानानिन लोक्‍ऩमेत्‍तिन माङ्‌लो खानानिन्‌आ त़लोउम्‌ओ नुय़ङ्‌खान्‌दाङ्‌का नि नुय़ङ्‌खान मोचिआ खानानिन लोक्‍ऩमेत्‍निन्‌नालो खानानिन नुसुम्‍पेन्‍ताङा त़आङ्‌तुम।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 2:16

खोन्‍कि खोक्‍कोसाआ क्रुस्‌दाओ अ़चुस़मालाम्‍पा आन्‍कान ह्‍वा रुहुप अ़क पोक्‌दाङा निनाम्‍हाङ्‌एनान म़तोङ्‌साकि ङेङ अ़लुक्‍ता।

एफिसि 2:18

देकिनालो ख्रिस्‍तलाम्‍पाङा आन्‍कान झारा यहुदि खोन्‍कि निरावा अ़क्‌तात सेङ्‌लावालाम्‍पा आन्‍निनाम्‍हाङ पापाएदा तामालामा ऱन।

एफिसि 2:22

खोन्‍किना सेङ्‌लावादा निनाम्‍हाङ्‌ओ अ़चुयुङ्‌खा लिसि खानानिन्‌छाङ खोक्‍कोएदा अ़क्‍नि त़लिसिन्‌येन।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

एफिसि 5:30

देकिनालो आन्‍कान खोक्‍कोसोओ अ़चुपोक्‌ओ अ़चुफुत्‌चि ओ।

कलस्‍सि 1:5

निनाम्‍हाङ्‌आ आम्‍नुओ निम्‍पाङ निनाम्‍मादु अ़युङ्‌साओ आसिखा अ़नुछ्‍याङा त़तोक्‍तुम निकिना त़मित्‍तुम्‌युङ्‌सुम्‌योम्‌ओसा खानानिन्‌आ मोवात्‍नि सोमात़तुक्‍तुम्‌युङ्‌सुम्‌योम्‌ओ। मो आसिखाओ अ़तुक्‌वादा खानानिन बुयाङा अ़छ़ङ्‌य़ङ माङ्‌लो नुय़ङ्‌खान्‌दा त़एनुम्‌युङ्‌सुम।

कलस्‍सि 3:15

अ़नुछ्‍या, खानानिन सेवाङ्‌निओ निम्‍पाङ अ़क्‌तात पोक्‌दा त़बुत्‍तिन्‌ओ। ख्रिस्‍तआ प़माय़ङ सेवाङ्‌निआ आम्‍नुओ साकोङ्‌वादा हाङ मुने। खोन्‍कि आलाङ्‌मि लिसानिन।

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

१ तिमोथि 1:1

आन्‍कालेन्‍पा निनाम्‍हाङ खोन्‍कि आन्‍सोम्‍कुवा येसु ख्रिस्‍तओ अ़चुलोमाआ येसु ख्रिस्‍तओ अ़चुछाम्‍माय़ङ अ़ङ्‌का पावल्‌आ,

तितस 1:2

ओ साकोङ्‌छ़ङ्‌लाम्‍पा आन्‍कान अ़लुक्‍निन्‌ओ ह़ङ्‌म़ङ तोक्‍तुम निकिना तामामित्‍मा मुन। देम्‍खाछाङ सोज्‍जेओ मान्‍चेप्‍कादा निनाम्‍हाङ्‌आ निनाम्‍मा हेन्‍खामा मुन्‍मा बुयाङा आन्‍कान ओ ह़ङ्‌म़ङ प़नानिन निकिना म़हिप्‍तायुङ्‌साओ।

तितस 2:13

ओवात्‍निङा तामामित्‍मा मुन्‌येन्‌ओ य़ङ तामालामा लेन्‌ओ अ़लाम आन्‍कान खाम्‌योम। मो लेन तोक्‍पो निनाम्‍हाङ येसु ख्रिस्‍त आन्‍कालेन्‍पा अ़धिवा साम्‌दा म़य़याङ्‌ओ खाङ्‌म़मुनान्‍चिन।

तितस 3:7

ओवात्‍नि निनाम्‍हाङ्‌ओ अ़चुसोम्‍तुक्‍माआ आन्‍कान खोक्‍कोसोओ अ़चुबुदा अ़नुवाक म़काइसायुङ्‌सा, खोन्‍किना अ़नुछ्‍याङा अ़लुक्‍निन्‌ओ ह़ङ्‌म़ङ तोक्‍तुम निकिना मित्‍चिऩङ कामु पाङ्‌कातोक लिसिन।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ युहन्‍ना 3:3

खोन्‍कि खोक्‍को म़सेङ्‌याङ्‌वात्‍निङा खोक्‍कोएदा सोम्‍कुवा कामुचि झारा आप्‍पि म़सेङ्‌नान्‍चिन।