एफिसि 2:2 - बान्‍तावा राई

² मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

एफिसि 2:2 Kruisverwysings

मत्‍ति 11:19

म़नाओ अ़छा चासा खोन्‍कि दुङ्‌सा ता, खोन्‌ओसा मोचि म़य़ङ्‌याङ, ‘खानुम, ओ म़ना ना बुक्‍ध़राक, खाबात सेत्‍चावा, दाम्‍दु कालात्‌चि खोन्‍कि हेवामिचिओ अ़चुयावा!’ मेन निनाम्‍हाङ्‌ओ अ़चुखारुदाङ्‌का चिन्‍माय़ङ य़ङ खोक्‍कोसोओ अ़चुकाचिचिलाम्‍पा अ़छ़ङ कान।”

मत्‍ति 13:22

त़ङ्‌खोक्‌वालादा म़छुक्‍ताओ बिउचि ओचिङा ओ: मोसाआ निनाम्‍हाङ्‌ओ अ़चुय़ङ एनु, मेन ओ हेन्‍खामादाओ मिन्‍राक्‌चि, चासुम्‍छेन्‍बि च़क्‍ख़य़आ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

मत्‍ति 13:38

व़क हेन्‍खामा ओ, खोन्‍कि अ़नुवाक बिउ निनाम्‍हाङ्‌होन्‌दाओ अ़चुछाचि ओ, खोन्‍कि सामा सैतानाओ अ़छाचि ओ।

मर्कुस 4:19

मेन ओ हेन्‍खामादाओ मिन्‍राक्‌चि, चासुम्‍छेन्‍बि सोम्‍तुक्‍मा खोन्‍कि नि सामाचिओ च़क्‍ख़य़ मुमाआ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

लुका 16:8

काचि कातोङ्‌पा अ़त्‍लो चुवाङानुछाङ चाप्‍चा काचि मुवाङाओ खाकि अ़हाङ्‌पाआ मो मान्‍साम्‌योक्‍मि काचि कातोङ्‌पा चोन्‍तु। ओ हेन्‍खामादाओ म़नाचिआ अ़चुरादा काचि म़मुयाङ्‌हिदा निनाम्‍हाङ कात़ङ्‌चिदाङ्‌का च़लोक चाप्‍चा म़मु।

लुका 22:31

सिमोन, सिमोन, एनुखो! खाना छुमाचावात्‍नि थाप्‍मा पाङ सैतानाआ निनाम्‍हाङ दोत्‍तुयुङ्‌सु।

युहन्‍ना 12:31

हान ओ हेन्‍खामाओ अ़छ़ङ छेन। ओ हेन्‍खामादा हाङ काचि कामु सैताना बुङ्‌खाया लोन्‍खान।

युहन्‍ना 13:2

खोन्‍कि अ़नाम्‍प़क्‌ओ चा-चामा ग़रि दियाबलस्‌आ सिमोन्‌ओ अ़छा यहुदा इस्‍करियोत्‌ओ अ़मिन्‍मादा येसु धान्‍मा मिन्‍मा बुयाङा पाक्‍तुप़युङ्‌सु।

युहन्‍ना 13:27

पेम्‍पाक्‌ओ अ़धाङ चोचिउङुवा सैताना मो हुत्‌दा वाङा। खोन्‍कि येसुआ मो अ़लोवा, “खाना दे च़मा त़लाम्‌याङ, मो च़क्‍नि मु।”

युहन्‍ना 14:30

अ़ङ्‌का खानानिन्‌एनान हान ब़द्‍धे अ़चेप्‍ऩङ, देकिनालो ओ हेन्‍खामाओ हाङ्‌काचि कामु तायाङ। मोसोओ अ़सावा अ़ङ्‌काएदा दित्‍छाङ मात्‍द़ङ।

युहन्‍ना 15:19

खानानिन ओ हेन्‍खामादाओ खाङ्‌देना हेन्‍खामाआ खानानिन आप्‍पिओ त़मित्‍तिन्‌कि सोमाऩतुक्‍तिन्‌ओ। मेन खानानिन ओ हेन्‍खामाओ माआङ। मेन खानानिन ओ हेन्‍खामादाङ्‌का अ़ङ्‌का छेन्‍नानिन, खोन्‌ओसा हेन्‍खामाआ खानानिन ऩङात़छिरिन।

युहन्‍ना 16:11

छ़ङ्‌छेन्‍माओ अ़तुक्‌वादा निनाम्‍हाङ्‌आ ओ हेन्‍खामादाओ हाङ्‌कामु बुयाङा छ़ङ्‌अ़छेन्‍तायुङ्‌सा। ओ काचि यायोक काप़आ खाङ्‌म़मेत्‍तुचि।

युहन्‍ना 7:7

हेन्‍खामाआ खानानिन ऩङात़छिरिमिन, मेन अ़ङ्‌का ना ऩङाअ़छित्‍ङा। देकिनालो हेन्‍खामाओ काचिचि अ़अ़त्‍पा म़मुयाङ निकिना अ़ङ्‌का सालुम्‍स़ङ प़ङ।

युहन्‍ना 8:23

खोन्‍किना खोक्‍कोसाआ मोचि म़लोचि, “खानानिन ह्‍युनाओचि ओ, अ़ङ्‌का धानाओ ओ। खानानिन ओ हेन्‍खामादाओचि ओ, अ़ङ्‌का ओ हेन्‍खामादाओ माआङ।

युहन्‍ना 8:44

खानानिन आम्‍नुओ पापा सैतानाओ अ़छाचि ओ, खोन्‍कि आम्‍नुओ पापाओ अ़चुमिन्‍माचि तामालामानि खानानिन त़मिनिन। मो ना बुयादाङ्‌काङा कासेत्‍पा ओ, खोन्‍कि अ़छ़ङ्‌लिप्‍पा देम्‍खाछाङ अ़वाङ्‌निन, देकिनालो मोएदा अ़छ़ङ मात्‍द़ङ। मो सोज्‍जे चेप्‌हिदा मो अ़मिन्‍मालाम्‍पा चेप, देकिनालो मो सोज्‍जेओ खोन्‍कि झारा सोज्‍जेओसोओ अ़पा ओ।

छाम्‍माय़ङ 19:35

आदेङ्‌माङ सहरादाओ काछाप्‍पाआ म़ना मुक्‍लाचि सोम्‍सुसेरुचिकि लोचि, “एफिसस्‌दाओ म़नाचि ओ, एफिसिचि तोक्‍पो माङ्‌मा आर्तेमिस्‌ओ अ़माङ्‌खिम काखाङ, खोन्‍कि खोसोओ अ़सेम्‍पोक आन्‍काएदा निनाम्‍मादुङ्‌का धाओ य़ङ साङ्‌आ अ़सिन्‍तुन्‌योन कि?

छाम्‍माय़ङ 5:3

खोन्‍किना पत्रुस्‌आ लो, “हननिया, देकि सैताना आम्‍साकोङ्‌वा क़म्‍मा त़प़? व़क त़इनुओ अ़क्‍चिलोक फेक्‌वा त़युक्‍तान्‍चिन्‌कि खाना सेङ्‌लावा त़म़प्‍तुयुङ्‌सु।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

१ कोरिन्‍थि 5:10

मोसोओ अ़तुप्‍माय़ङ ओ हेन्‍खामादाओ ताङ्‌लान कामु, च़क्‍ख़य़ कामु, काङाप्‌चि माङ्‌लो सेम्‍पोक काब़क्‌चिएनान योक मान्‍मुदानिन्‌नि लोनानिन्‌ओ माआङ, माङ्‌नालोना खानानिन ओ हेन्‍खामादाङ्‌का लोन्‍माखात्‍मा दोराओ।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

गलाति 1:4

आन्‍निनाम्‍हाङ पापाओ अ़चुमिन्‍मावा येसु ख्रिस्‍तआ आइमित्‌ओ अ़अ़त्‍पा हेन्‍खामादाङ्‌का आन्‍कान फोङ्‌लोइसि आन्‍हेवाचिओ अ़फान्‌दा खोक्‍को आप्‍पि म़पुवान्‍चिन।

एफिसि 1:21

झारा हाङ्‌काचि, पाङ, सावा खोन्‍कि हाङ्‌होन्‌दा खोन्‍कि ओ जुगादा ओन्‍ङा माआङ, मेन तायाङ्‍ओ जुगादाछाङ देम ऩङ्‌चि म़युङ्‌याङ, झारादा खोक्‍को अ़न्‍नुनु तोक्‍पो ऩङ ओ।

एफिसि 2:11

खोन्‌ओसा मित्‍तानुम, बुया खानानिन आम्‍नुओ पोक्‌दा निरावाचि त़मुन्‌येन्‌हिदा अ़चुपोक्‌दा सिप्‍मायाम्‍बुन पाक्‍माय़ङ्‌चिआ खानानिन सिप्‍मायाम्‍बुन मान्‍पाक्‍कादानि ऩसुङ्‌तिन्‌येन।

एफिसि 2:13

मेन खानानिन, मोन्‍ग़रि साङ्‌चि येसु ख्रिस्‍तदाङ्‌का अ़थाया त़युङिन्‌येन, हान ख्रिस्‍त येसुएनान अ़क्‍नि त़लिसिन्‌ओसा खोक्‍कोसोओ अ़चुह़आ अ़चुच़क्‌दा ऩतारिन्‌युङ्‌सिन।

एफिसि 2:3

अ़नुछ्‍या झारा आन्‍कान्‌छाङ मोचिओ अ़चुरादा अ़क्‍दु आन्‍पोक्‌ओ हेवामि च़माथाङ्‌मा च़क्‍ख़य़चिदा आन्‍ऩङानुवाङा, खोन्‍कि आप्‍पि आन्‍मित्‍माचि खोन्‍कि मिन्‍माचिवात्‍नि च़न्‌येन। नि म़नाचिवात्‍नि आन्‍कान च़माथाङ्‌माआ हेवामि लिसिन्‌ओसा आन्‍कान निनाम्‍हाङ्‌ओ अ़चुलोमा मान्‍काङ्‌दान्‌येन।

एफिसि 4:17

हान अ़ङ्‌का हाङ्‌पाओ अ़चुओ ऩङ्‌दा क़न्‍नान्‍चिन्‍सा य़ङ्‌ङा, खोन्‍कि हाङ्‌पादा सालुम्‍स़ङ प़ङ, निरावाचि देत्‍नि मोचिओ अ़चुमित्‍माचिओ सोज्‍जेदा म़ह़ङ, मोवात्‍नि खानानिन हान्‌दाङ्‌का मोह्‍यात्‍नि मान्‍ह़ङ्‌दानिन।

एफिसि 4:22

म़प्‍मा मित्‍माआ अ़त्‍लो लिसाओ आम्‍नुओ बुयाओ ह़ङ्‌म़ङ्‌ओ च़माथाङ्‌माओ अ़तुक्‌वादा बुयाओ आम्‍नुओ ह़ङ्‌म़ङ छिरानुम,

एफिसि 5:6

साङ्‌आछाङ खानानिन सोज्‍जेओ य़ङ्‌आ ऩधान्‍तिमिन्‍ने, देकिनालो मो य़ङ्‍ओ अ़तुक्‌वाआ लोमान्‍तेत्‍चिएदा निनाम्‍हाङ्‌ओ अ़चुच़ऱपा छुक।

एफिसि 5:8

देकिनालो अ़क्‍दु खानानिन कुइयामादा त़युङिन्‌येन्‌ओ, मेन हान हाङ्‌पाएदा खानानिन त़उसिन्‌युङ्‌सिन। खोन्‌ओसा साम्‌ओ अ़छाचिवात्‍नि कोलानिन।

एफिसि 6:12

देकिनालो आन्‍ङेन पोक खोन्‍कि ह़ओ अ़देङ्‌सालाप्‍पादा माआङ, मेन अ़तोक्‍पोचिओ अ़चुदेङ्‌सालाप्‍पादा, सावाचिओ अ़चुदेङ्‌सालाप्‍पादा, आइमित्‌ओ कुइयामा हेन्‍खामादाओ हाङ्‌काचि कामुचिओ अ़चुदेङ्‌सालाप्‍पा खोन्‍कि निनाम्‍मादुओ युङ्‌खाचिदाओ अ़अ़त्‍पा लावामि सावाचिओ अ़चुदेङ्‌सालाप्‍पादा ओ।

कलस्‍सि 1:21

खाराओ ग़रिदा खानानिन निनाम्‍हाङ्‌एदाङ्‌का अ़थाया त़मुन्‌येन। खानानिन अ़त्‍लो त़मिनिन, खोन्‍कि अ़त्‍लो काचि त़मुन्‌ओसा खोक्‍कोसोओ अ़चुङेङ त़लिसिन।

२ तिमोथि 4:10

देकिनालो देमास्‌आ, ओ आइमित्‌ओ हेन्‍खामा सोमातुक्‍तुकि अ़ङ्‌का अ़छिराङ्‌दाङ्‌युङ्‌साङ, खोन्‍कि खो थेसलोनिके खारायुङ्‌सा। क्रेसेन्‍स गलातिया खारायुङ्‌सा, खोन्‍कि तितस दलमातियादा।

याकुब 1:27

आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि मान्‍पोप्‌ओ साम्‌योक ओङा ओ: अ़चाअ़त्‍मादा म़छुक्‍ताओ हेत्‍छाकुवाचि खोन्‍कि मेन्‍मित्‍माचि खाङ्‌माचि खोन्‍कि हेन्‍खामादाओ अ़अ़त्‍पा य़ङ्‌चिदाङ्‌का मान्‍पोप्‌दामान्‍चिन ओ।

याकुब 1:7

मोवाको म़नाआ ना हाङ्‌पाएदाङ्‌का दित्‍छाङ तोक्‍तुङ्‌नि अ़मिन्‍निन्‍ने।

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।

१ पत्रुस 1:14

खानानिन लोमावा काच़ छाचिओसा बुया मान्‍सिन्‍त़दोम्‌योम्‌हिदाओ अ़अ़त्‍पा मिन्‍माचिदा मान्‌वाङ्‌दानिन।

१ पत्रुस 4:3

खाराओ लेन्‍चिदा निरावाचिआवात्‍नि खानानिन्‌आ ताङ्‌लान, अ़अ़त्‍पा मिन्‍मा, खाबात्‍सेत्‍चाले, ताकावा च़मा, खाबात्‌दुङ्‌खा रुहुप्‌दा खोन्‍कि चिप्‍माकात्‍तुओ सेम्‍पोक ब़क्‍मादा आम्‍नुओ ग़रि च़लोक त़क़प्‍तुम्‌युङ्‌सुम।

२ पत्रुस 2:14

मोचिओ अ़चुम़क अ़धुन्‌ङा काचान्‍चा चेत्‍छामाचिएदा अ़पाक खोन्‍कि हेवा मुमादाङ्‌का देम्‍खाछाङ अ़चुसोम अ़स़निन। मोचिआ चाप्‍चिरोङ म़नाचि थालिदा म़धान्‍तुचि। मोचिओ अ़चुसाकोङ्‌वा च़क्‍ख़य़ मुमा म़चिन्‍तुयुङ्‌सुचि। मोचिएदा निनाम्‍हाङ्‌ओ अ़चुमाङ्‌हिम छुक।

१ युहन्‍ना 3:10

निनाम्‍हाङ्‌ओ अ़चुछाचि साङ्‌चि ओ, खोन्‍कि सैतानाओ अ़छाचि साङ्‌चि ओ, ओदाङ्‌काङा आन्‍कान सिन्‍तुम, साङ नुलोक काचि अ़मुनिन माङ्‌लो साङ्‌आ खोसोओ ख्रिस्‍तियान अ़यावाचि सोमाअ़तुक्‍तुन्‍चिन।

१ युहन्‍ना 3:8

साङ हेवा मु, खो सैतानादाङ्‌का ओ, देकिनालो सैतानाआ ना अ़पुङ्‌चिपुक्‌दाङ्‌काङा हेवा मुवायुङ्‌सा। निनाम्‍हाङ्‌ओ अ़चुछा खाङ्‌मुमान्‍चिन्‌ओ अ़तुक्‌वा ना सैतानाओ अ़काचिचि लुक्‍मा दोराङाओ।

१ युहन्‍ना 4:4

सोमातुक्‍नाङ्‌नानिन्‌ओ छाचि ओ, खानानिन निनाम्‍हाङ्‌दाङ्‌का ओ, खोन्‍कि सोज्‍जेओ निनाम्‍हाङ्‌य़ङ खाकालुचिएदा त़छोसिन्‌युङ्‌सिन। देकिनालो खानानिन्‌एदा कायुङ सेङ्‌लावा हेन्‍खामादाओ लावादाङ्‌का तोक्‍पो म़मुयाङ।

१ युहन्‍ना 5:19

आन्‍कान सिन्‍तुम्‌योम आन्‍कान निनाम्‍हाङ्‌ओ अ़चुछाचि ओ, खोन्‍कि झारा हेन्‍खामा सैतानाओ अ़क़म्‍मादा याक्‌याङ।

१ युहन्‍ना 5:4

देकिनालो झारा निनाम्‍हाङ्‌दाङ्‌का म़लिसाओचिआ हेन्‍खामादा म़छो, खोन्‍कि हेन्‍खामादा काछो आन्‍सोम्‍कुवा ओ।

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

खाङ्‌मुमा 16:17

सात्‌कातात्‌ओतात निनाम्‍हाङ काफाआ अ़खुङ ह़क्‌दा थोउ। खोन्‍किना निनाम्‍हाङ ब़क्‍खाखिम्‌ओ हाङ्‌युङ्‌खादाङ्‌का ओवात्‍नि य़ङाओ अ़क्‌तात अ़धिवा य़ङ लोन्‍ता, “हान लुक्‍ता।”

खाङ्‌मुमा 20:2

मोसाआ मो अ़धिवा प़लाउ, मो चोकोरोङ्‌धिप्‍पा माङ्‌लो सैतानानिछाङ लो, खोन्‍कि अ़क हजाराकादोङ्‌ओ निम्‍पाङ मो छ़सु।