एफिसि 1:4 - बान्‍तावा राई

⁴ निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

एफिसि 1:4 Kruisverwysings

मत्‍ति 24:22

मो लेन्‌चि मान्‍दुन्‍म़दोचिओ खाङ्‌दे साङ्‌छाङ ह़ङ्‌मा मान्‍ऱचिओ, मेन निनाम्‍हाङ्‌आ म़छेन्‍तुचिओ म़नाचिओ निम्‍पाङ मो लेन्‌चि म़दुइसुचि।

मत्‍ति 24:24

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

मत्‍ति 24:31

खोक्‍कोसाआ निनाम्‍हाङ काफाचि थुथुरिओ अ़धिवो अ़साङ्‌माएनान म़छुत्‍तुचि, खोन्‍कि मोचिआ हेन्‍खामादाओ अ़क च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

युहन्‍ना 10:16

अ़ङ्‌को नि अ़ङ्‌भेराचि म़युङ्‌याङ। मोचि ओ रुहुप्‌दाओचि माआङ। मोचिछाङ अ़ङ्‌का तात्‍माचिदोत। मोचिआ अ़ङ्‌य़ङ अ़एन, खोन्‍कि मोचि अ़क रुहुप्‌ओ म़लि, खोन्‍कि मोचिओ निम्‍पाङ अ़क्‍छाङा अ़चुकाखाङ्‌पा लि।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

छाम्‍माय़ङ 13:48

निरावाचिआ ओ य़ङ अ़एनाकिना मोचिओ अ़चुऩङानुवा, खोन्‍कि निनाम्‍हाङ्‌ओ अ़चुय़ङ अ़चोन्‍ता, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ निनाम्‍हाङ्‌आ म़छेन्‍तुचिओचि झारा साकोङ्‌छ़ङ म़मुवा।

छाम्‍माय़ङ 15:18

निनाम्‍हाङ्‌आ ब़द्‍धे बुयाङा ओ य़ङ्‌चि खाअ़लुसायुङ्‌सा।’

छाम्‍माय़ङ 18:10

देकिनालो अ़ङ्‌का खानाएदा याक्‍ङाङा, खोन्‍कि साङ्‌आछाङ खाना ऩझोम्‌कि देत्‍छाङ मुमा ऩऱनान, देकिनालो ओ सहरादा ब़द्‍धे अ़ङ्‌म़नाचि म़युङ्‌याङ।”

रोमि 8:33

निनाम्‍हाङ्‌आ म़छेन्‍तुचिओ म़नाचिओ अ़चुदेङ्‌सालाप्‍पादा साङ्‌आ लाहि पाक्‍तुचि? साङ्‌आछाङ माआङ, देकिनालो निनाम्‍हाङ्‌आङा साम्‌योक्‍मि म़मुयुङ्‌सुचि।

१ कोरिन्‍थि 1:8

आन्‍हाङ्‌पा येसु ख्रिस्‍तओ अ़चुलामातामा लेन्‌दा खानानिन ऩङ्‌छिन मान्‍मुमाङ युङ्‌मा खोक्‍कोसाआ खानानिन आदेङ्‌तारि साकोङ्‌छ़ङ्‌दा नुलोक ऩयुङ्‌सिन।

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 3:17

खोन्‍कि साकोङ्‌छ़ङ्‌लाम्‍पा ख्रिस्‍त आम्‍नुओ साकोङ्‌वाचिदा म़याक्‍ने, खोन्‍कि सोम्‍तुक्‍मादा आम्‍नुओ भेन पाक्‍तुओ खोन्‍कि छ़ङ युङ्‌सानुम निम्‍पाङ अ़ङ्‌का यामात्‍ङा।

एफिसि 4:2

अ़धुन सिम्‍नान्‍चिन्‍सा, सोत्‍सोत्‌वालिसा खोन्‍कि हुङ्‌याङ्‌सा अ़क्‍छाआ नि सोमातुक्‍मादा आङ्‌याङ्‌सा,

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

एफिसि 5:27

खोन्‍कि खोक्‍कोसाआ थुपि मात्‍द़ङ्‌ओ खोन्‍कि मान्‍चुन्‌युक्‍तुओ माङ्‌लो दियाकोछाङ मान्‍फिकादा साम्‍स़रिओ साम्‍भुङ खोक्‍कोसाआ आप्‍पि खाङ्‌मुमा निम्‍पाङ ओ, खोन्‍किना मो सेङ्‌याङ्‌ओ खोन्‍कि थुपि मात्‍द़ङ्‌ओ लिने।

फिलिप्‍पि 2:15

खोन्‍किना खानानिन मान्‍फिकादा खोन्‍कि सोत्‍सोत्‌वाओ लिसानिन्‌किना ऱक्‌याङ्‌ओ खोन्‍कि वाऱनान्‍चिन्‌ओ म़नाचिओ दुङ्‌ओ अ़रादा निनाम्‍हाङ्‌ओ थुपि मात्‍द़ङ्‌ओ अ़चुछा लिसानिन। ओ दुङ्‌ओ अ़रादा हेन्‍खामादा खानानिन साङ्‌केन्‍माचिवा लेरानिन।

कलस्‍सि 1:22

मेन खोक्‍कोसोओ अ़चुछाओ अ़चुपोक्‌ओ हेन्‍खोक्‌वालाम्‍पा निनाम्‍हाङ्‌ओ अ़चुयावा ऩमुन्‌युङ्‌सिन। खोन्‌ओसा ख्रिस्‍तआ खानानिन निनाम्‍हाङ्‌ओ अ़चुबुदा ऩतारिन्‌हिदा सेङ्‌लो, थुपि मात्‍द़ङ्‌ओ खोन्‍कि मान्‍फिकादा त़लिसिन्‍ने।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

१ थेसलोनिकि 3:12

खोन्‍कि आन्‍कान्‍का खानानिन सोमातुक्‍निवा हाङ्‌पाआ खानानिन खोन्‍कि झारा म़नाचिएनान अ़क्‍छा निएदा सोम्‍तुक्‍मुमादा च़लोक ऩपोइसिन्‍ने।

१ थेसलोनिकि 4:7

देकिनालो निनाम्‍हाङ्‌आ आन्‍कान पोप्‍नान्‍चिन्‍सि माआङ, मेन सेङ्‌याङ्‌ओ च़माथाङ्‌मादा ह़ङ्‌माओ निम्‍पाङ म़बुत्‍ताओ ओ।

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

२ तिमोथि 2:10

खोन्‌ओसा निनाम्‍हाङ्‌आ म़छेन्‍तुचिओचिओ निम्‍पाङ झारा य़ङ अ़ङ्‌का आङ्‌तुङ, मोवात्‍नि मोचिआछाङ अ़धुन साम्‌एनान येसु ख्रिस्‍तएदा याक्‌याङ्‌ओ लेन्‍मा अ़तोक्‍ने।

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

१ पत्रुस 1:2

निनाम्‍हाङ पापाआ बुयादाङ्‌का खानानिन ऩसिन्‍तिन्‌कि ऩछेन्‍तिन, खोन्‍कि अ़चुलावालाम्‍पा खानानिन सेङानिन। खोन्‌ओसा निनाम्‍हाङ्‌ओ अ़चुलोमाय़ङ्‌वा खानानिन चुवानिन, खोन्‍कि येसु ख्रिस्‍तओ अ़चुह़आ रेप्‍तानिन्‍चिन। खानानिन्‌एदा सोम्‍तुक्‍मा खोन्‍कि सेवाङ्‌नि च़लोक पोन्‌याङ्‌सा खात्‍ने।

१ पत्रुस 1:20

खोक्‍को हेन्‍खामा मुन्‍मादाङ्‌का बुयाङा निनाम्‍हाङ्‌आ अ़छेन्‍तायुङ्‌सा, मेन आम्‍नुओ निकिना आदेङ्‌माङ खोक्‍को खाङ्‌अ़मुसा।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

१ युहन्‍ना 4:16

खोन्‍कि ओवात्‍नि निनाम्‍हाङ्‌आ आन्‍कान सोमाम़तुक्‍ताओ आन्‍कान सिन्‍तुम्‌योम, खोन्‍कि साकोङ्‌छ़ङ मुन्‌येन। निनाम्‍हाङ सोमाकातुक म़युङ्‌याङ, खोन्‍कि साङ सोमातुक्‍मादा युङ, मो निनाम्‍हाङ्‌एदा युङ, खोन्‍कि निनाम्‍हाङ मोएदा म़युङ।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

खाङ्‌मुमा 17:8

खाना त़खाओ मो साक्‍स़ङ अ़क्‍दु ह़ङाङा, हान मात्‍द़ङ। हान्‍छाङ मो अ़थेन मात्‍द़ङ्‌ओ हुत्‌दाङ्‌का लालोन खोन्‍कि लुक्‍सि खात। हेन्‍खामादा कायुङ म़नाचि, साङ्‌कोओ अ़ऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक, मोचिआ मो साक्‍स़ङ अ़खाङ्‌कि दोम्‍तुदाचि, देकिनालो मो अ़क्‍दु ह़ङाङा, मेन हान मात्‍द़ङ खोन्‍कि मो माय़ङ लाता।