एफिसि 1:18 - बान्‍तावा राई

¹⁸ अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 1:18 Kruisverwysings

मत्‍ति 13:15

देकिनालो ओ म़नाचिओ अ़चुओ मिन्‍माचि मान्‍तुप्‍कादा लिसायुङ्‌सा। खोन्‍कि मोचिओ अ़चुओ नाबाक खामान्‌एन्‍कादा लिसायुङ्‌सा। खोन्‍कि मोचिआ अ़चुओ म़क अ़सिप्‍तायुङ्‌सा। माङ्‌नालो मोचिआ अ़चुओ म़क्‌आ खाङ्‌मा अ़रुवाओ, खोन्‍कि अ़चुओ नाबाक्‌आ अ़एनाओ, खोन्‍कि अ़चुसाकोङ्‌वाआ अ़तुप्‍ताओ। खोन्‍कि अ़ङ्‌काएदात्‍नि म़लासाओ, खोन्‍कि अ़ङ्‌का मोचि नुसुङ्‌च़ङ्‌ओ’।

मर्कुस 10:17

खोन्‍कि येसु मोदाङ्‌का खात्‍मा म़मुवाङाहिदा अ़क्‍छा म़ना लोत्‌याङ्‌सा ताकि खोक्‍कोसोओ अ़चुबुदा अ़तुम्‍प़छ़क तोम्‍तु, खोन्‍कि खोक्‍को सेनु, “अ़नुवाक काचिन्‍पो, अ़लुक्‍निन्‌ओ ह़ङ्‌म़ङ तोक्‍मा अ़ङ्‌का दे च़मादोत?”

लुका 24:45

खोन्‍किना साम्‍कालिन तुप्‍मा निकि खोसाआ मोचिओ अ़चुतुप्‍माताया म़होत्‍तुप़चिकि मोचि म़लोचि, “ओवात्‍नि छाप्‍तायुङ्‌सा: ख्रिस्‍तआ दुखा आङ्‌मादोत खोन्‍कि सुम्‌कालेन्‌दा सुवादाओदाङ्‌का खोन्‍मालोन्‍माङादोत,

छाम्‍माय़ङ 16:14

मोचिएदाओ थिआतिरा सहरादा कायुङ्‌मा लिदिया अ़ऩङ मुवाङाओ अ़क्‍छा निरावा मेत्‍छामा याआङा, मो ब़द्‍धे अ़लुङ छुक्‍ताङाओ तित इनाङा। मोसाआ निनाम्‍हाङ ब़क्‍तुङु। हाङ्‌पाआ मोसोओ अ़साकोङ्‌वा अ़होत्‍तापुवाओसा पावल चेवाङाओ य़ङ नुलोक तुप्‍तु।

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

रोमि 11:29

देकिनालो निनाम्‍हाङ्‌ओ अ़चुआसिखा खोन्‍कि अ़चुबुत्‍माय़ङ देम्‍खाछाङ अ़फान्‍निन।

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

२ कोरिन्‍थि 4:6

निनाम्‍हाङ्‌आ “कुन्‍चियाधेक्‍धेक्‌ओदा साम लेत्‍ने!”नि म़य़ङा। मो निनाम्‍हाङ्‌आङा येसु ख्रिस्‍तओ अ़चुङाइवादा निनाम्‍हाङ्‌ओ अ़चुसाम आन्‍कान सिन्‍मा ऱम्‍ने निकिना आन्‍साकोङ्‌वादा खोक्‍कोसोओ अ़चुसाम अ़लेइसायुङ्‌सा।

गलाति 5:5

मेन आन्‍कान्‍का सेङ्‌लावालाम्‍पा साकोङ्‌छ़ङ्‌दाङ्‌का निनाम्‍हाङ्‌आ आन्‍कान्‍का ऩहिप्‍तिन्‍काओ साम्‌योक्‍मि राक्‌एनान हुङुम्‍का।

एफिसि 1:11

खोक्‍कोसोओ अ़चुमित्‍चिऩङ्‌वा झारा य़ङ्‌चि खोक्‍कोसोओ अ़चुमिन्‍माओ यायोक्‌वा म़तासुलाचि।

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

एफिसि 2:12

मित्‍तानुम, मोन्‍ग़रि खानानिन ख्रिस्‍त मात्‍द़ङ त़युङिन्‌येन। इस्राएल्‌दाओ ताङ्‌युङ्‌दाङ्‌का ऩलोइसिन्‍खाइसिन, खोन्‍कि हिप्‍माय़ङ्‌ओ अ़छ़ङ दुम्‌चिदाङ्‌का तावाङ्‌चि, सोम्‍कुवा मात्‍द़ङ्‌ओ खोन्‍कि ओ हेन्‍खामादा निनाम्‍हाङ मात्‍द़ङ त़लिसिन्‌युङ्‌सिन।

एफिसि 3:16

अ़ङ्‌का यामात्‍ङा, निनाम्‍हाङ्‌ओ अ़न्‍नुनु तोक्‍पो सायाआ अ़चुलावाओ सावालाम्‍पा आम्‍नुओ कोङ्‌हुत्‌दा त़छोसिन्‍लो ऩमुन्‍ने।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

एफिसि 4:4

पोक अ़क्‌तात्‌ङा ओ, खोन्‍कि सेङ्‌लावाछाङ अ़क्‌तात्‌ङा म़मुयाङ, मोवात्‍निङा खानानिन ऩबुत्‍तिन्‌हिदा अ़क्‌तात तामामिन्‍मादा ऩबुत्‍तिन्‌ओ।

एफिसि 5:8

देकिनालो अ़क्‍दु खानानिन कुइयामादा त़युङिन्‌येन्‌ओ, मेन हान हाङ्‌पाएदा खानानिन त़उसिन्‌युङ्‌सिन। खोन्‌ओसा साम्‌ओ अ़छाचिवात्‍नि कोलानिन।

फिलिप्‍पि 3:14

खोन्‌ओसा निनाम्‍मादुओ सिरिफा तोक्‍मा मित्‍चिऩङ्‌आ बुया लोत्‍ङाङा। निनाम्‍हाङ्‌आ ओसोओ निम्‍पाङ ख्रिस्‍त येसुलाम्‍पा निनाम्‍मादुत्‍नि ऩबुत्‍ताङ्‌ओ।

कलस्‍सि 1:12

खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

कलस्‍सि 1:23

मोवात्‍नि लिमाओ निम्‍पाङ खानानिन आम्‍नुओ साकोङ्‌छ़ङ्‌दा ओह्‍यात्‍नि-मोह्‍यात्‍नि मान्‍लिमाङ युङ्‌मादोत, खोन्‍कि खानानिन्‌आ नुय़ङ्‌खान त़एनुम्‌हिदा निनाम्‍हाङ्‌आ ऩहिप्‍तिन्‌ओ य़ङ खोसाआ ऩप़न्‌निओ य़ङ्‌दा अ़छ़ङ लिमाकि युङ्‌मायुङ्‌मादोत। मो नुय़ङ्‌खान हेन्‍खामादाओ झारा म़नाचि खाम़एत्‍तायुङ्‌सा। अ़ङ्‌का पावल मो नुय़ङ्‌खान खाकालु हारुक लिसाङ्‌युङ्‌साङ।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

कलस्‍सि 1:5

निनाम्‍हाङ्‌आ आम्‍नुओ निम्‍पाङ निनाम्‍मादु अ़युङ्‌साओ आसिखा अ़नुछ्‍याङा त़तोक्‍तुम निकिना त़मित्‍तुम्‌युङ्‌सुम्‌योम्‌ओसा खानानिन्‌आ मोवात्‍नि सोमात़तुक्‍तुम्‌युङ्‌सुम्‌योम्‌ओ। मो आसिखाओ अ़तुक्‌वादा खानानिन बुयाङा अ़छ़ङ्‌य़ङ माङ्‌लो नुय़ङ्‌खान्‌दा त़एनुम्‌युङ्‌सुम।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

कलस्‍सि 3:15

अ़नुछ्‍या, खानानिन सेवाङ्‌निओ निम्‍पाङ अ़क्‌तात पोक्‌दा त़बुत्‍तिन्‌ओ। ख्रिस्‍तआ प़माय़ङ सेवाङ्‌निआ आम्‍नुओ साकोङ्‌वादा हाङ मुने। खोन्‍कि आलाङ्‌मि लिसानिन।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

१ थेसलोनिकि 5:8

मेन आन्‍कान अ़खोलेन्‌ओ म़ना लिसिन्‌ओसा चाप्‍चेत्‍तिन्‍चिन्‍ने, खोन्‍कि सोम्‍कुवा खोन्‍कि सोमातुक्‍माओ कोङ्‌कोम रात्‍खा, खोन्‍कि ताङ्‌बोप्‍खावा लेन्‍माय़ङ्‌ओ सोम्‍कुवा आन्‍कान बोम्‍सिन्‍ने।

२ थेसलोनिकि 1:11

खोन्‌ओसा आम्‍नुओ निकि आन्‍कान्‍का अ़धुन यामारिन्‍का, आन्‍निनाम्‍हाङ्‌आ खानानिन ऩबुत्‍तिन्‌ओदा अ़नुवाक ह़ङ्‌म़ङ ह़ङ ऩमेत्‍तिन्‍ने। खोन्‍कि झारा आम्‍नुओ अ़नुवाक मित्‍चिऩङ खोन्‍कि साकोङ्‌छ़ङ्‌ओ काचि खोक्‍कोसोओ अ़चुसावालाम्‍पा ऩयाङ्‌सिन्‍प़न्‍ने।

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

१ तिमोथि 6:12

साकोङ्‌छ़ङ्‌ओ अ़नुवाक ङेन मुवा। अ़लुक्‍निन्‌ओ ह़ङ्‌म़ङ लाउयुङ्‌सु। ओ य़ङ्‌दाङा खाना निनाम्‍हाङ्‌आ ऩबुत्‍ताओ, खाना ब़द्‍धे सालुम्‍स़ङ्‌चिओ अ़चुबुदा साकोङ्‌छ़ङ्‌ओ अ़नुवाक सालुम्‍स़ङ त़प़चिओ।

तितस 2:13

ओवात्‍निङा तामामित्‍मा मुन्‌येन्‌ओ य़ङ तामालामा लेन्‌ओ अ़लाम आन्‍कान खाम्‌योम। मो लेन तोक्‍पो निनाम्‍हाङ येसु ख्रिस्‍त आन्‍कालेन्‍पा अ़धिवा साम्‌दा म़य़याङ्‌ओ खाङ्‌म़मुनान्‍चिन।

तितस 3:7

ओवात्‍नि निनाम्‍हाङ्‌ओ अ़चुसोम्‍तुक्‍माआ आन्‍कान खोक्‍कोसोओ अ़चुबुदा अ़नुवाक म़काइसायुङ्‌सा, खोन्‍किना अ़नुछ्‍याङा अ़लुक्‍निन्‌ओ ह़ङ्‌म़ङ तोक्‍तुम निकिना मित्‍चिऩङ कामु पाङ्‌कातोक लिसिन।

हिब्रु 10:32

मो बुयाओ लेन्‌चि मित्‍तानुम्‍च़म। मोन्‍ग़रि अ़छ़ङ्‌य़ङ त़सिन्‍तुम्‌किछाङ खानानिन ब़द्‍धे अ़चाअ़त्‍माचिएनान दुखा आङ्‌मा दोरा, खोन्‍नुछाङ खानानिन नुलोक त़युङिन।

हिब्रु 6:4

देकिनालो साङ्‌चिआ अ़क्‍दु साम अ़तोक्‍ताकि निनाम्‍मादुओ छुक्‍तुप्‍मा अ़छेम्‍सायुङ्‌साओ, खोन्‍कि सेङ्‌लावाओ काचिदा म़वाङायुङ्‌साओ,

१ पत्रुस 1:3

आन्‍हाङ्‌पा येसु ख्रिस्‍तओ अ़चुपा, निनाम्‍हाङ्‌ओ अ़चुऩङ्‌लोङ्‌ने! खोक्‍कोसोओ तोक्‍पो अ़चुसोम्‍तुक्‍माआ म़सुवादाओदाङ्‌का येसु ख्रिस्‍तओ अ़चुलामाखोन्‍मालोन्‍मालाम्‍पा आन्‍कान अ़ऩङ्‌वा ह़ङ्‌म़ङ तोक्‍तुम। हान आन्‍कान अ़ह़ङ सोम्‍कुवादा आन्‍कान अ़क्‌तात लिसिन्‌युङ्‌सिन।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।