एफिसि 1:1 - बान्‍तावा राई

¹ निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ अ़ङ्‌का पावल्‌दाङ्‌का एफिसस्‌दाओ ख्रिस्‍त येसुदा साकोङ्‌छ़ङ कामु निनाम्‍हाङ्‌ओ अ़चुम़नाचि,

एफिसि 1:1 Kruisverwysings

लुका 16:10

“साङ अ़चुप्‍पो काचिदा मिन्‍माआ चालो काचि मु, मो म़नाआ अ़धिवा काचिदाछाङ मिन्‍माआ चालो काचि मु। खोन्‍कि साङ अ़चुप्‍पो काचिदा मिन्‍माआ अ़चान्‍लो काचि मु, मो म़ना अ़धिवा काचिदाछाङ मिन्‍माआ अ़चान्‍लो काचि मु।

छाम्‍माय़ङ 16:15

लिदिया खोन्‍कि अ़खिम्‌दाओ झारा बप्‍तिस्‍मा म़प़चि, खोन्‍किना मोसाआ, “खानानिन्‌आ अ़ङ्‌का हाङ्‌पा साकोङ्‌छ़ङ कामुमानि त़मित्‍ङाऩङ्‌नालो अ़ङ्‌खिम्‌दा बानानिन्‌कि युङानिन्‍नाङ”नि य़ङ्‌याङ्‌सा आन्‍कान्‍का अ़बुत्‍तिन्‍का। खोन्‍कि मोसाआ आन्‍कान्‍का राकाङ्‌थेत्‍नि अ़मुन्‍खातिन्‍का।

छाम्‍माय़ङ 18:19

मोचि एफिसस सहरादा म़तालाकिना पावल्‌आ प्रिस्‍किला खोन्‍कि अकिलास वाप्‍तेला नान्‍खादाङा छिरुदोचि। खोन्‍किना पावल यहुदिचिओ अ़चुयावायोक्‍खिम्‌दा वाङाकि मोचिएनान दुम्‍तुमा पुक्‍तु।

छाम्‍माय़ङ 18:21

मेन पावल मोचिएनान हासान्‌यान्‍चिन्‌हिदा, “निनाम्‍हाङ्‌ओ अ़मिन्‍मा याक्‌याङ्‌नालो अ़ङ्‌का माय़ङ लाङाताङा”नि लोचि। खोन्‍किना खो वाप्‍तेलादा वाङाकि एफिसस सहरादाङ्‌का खारा।

छाम्‍माय़ङ 9:13

मेन हननियाआ लासुलो, “हाङ्‌पो, मो म़नाआ यरुसलेम्‌दाओ आम्‍नुओ म़नाचि च़लोक अ़त्‍लो मुचिओ अ़ङ्‌का ब़द्‍धेकापाङ्‌दाङ्‌का ओसोओ अ़तुक्‌वादा एनुङ्‌युङ्‌सुङ।

रोमि 1:1

अ़ङ्‌का पावल, येसु ख्रिस्‍तओ अ़चुहारुक, अ़क्‍छा छाम्‍माय़ङ लिसि ऩबुत्‍ताङ ओ, खोन्‍कि निनाम्‍हाङ्‌ओ अ़चुनुय़ङ्‌खान खालुसि ऩछेन्‍ताङ्‌ओ।

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

१ कोरिन्‍थि 4:12

आन्‍कान्‍का आन्‍काओ छुक्‌आङा चात्‍लो काचि मुन्‌युङ्‌सिन्‍का। आन्‍कान्‍का ऩसुङ्‌तिन्‍काहिदा आसिखा प़म्‍च़म्‍का। आन्‍कान्‍का दुखा ऩप़न्‍काहिदा आन्‍कान्‍का आङ्‌तुम्‍का।

१ कोरिन्‍थि 4:17

खोवात्‍निओसा अ़ङ्‌का सोमातुक्‍तुङ्‌योङ्‌ओ अ़ङ्‌छा तिमोथि खानानिन्‌एदा बाइसुङ्‌योङ, खो हाङ्‌पाएदा सोम्‍कुवा कामु मुयाङ। अ़ङ्‌का झारादात्‍नि झारा साम्‍भुङ्‌दा दि चिन्‍तुङ्‌च़ङ, ख्रिस्‍त येसुएदा अ़ङ्‌ह़ङ्‌म़ङ देत्‍नि मुयाङ निकिना तिमोथिआ खानानिन खाऩएत्‍तिन।

२ कोरिन्‍थि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ पावल, खोन्‍कि आन्‍निछा तिमोथिएदाङ्‌का कोरिन्‍थदा कायुङ निनाम्‍हाङ्‌ओ अ़चुसाम्‍भुङ, खोन्‍कि झारादात्‍नि अखैयादा कायुङ झारा निनाम्‍हाङ्‌ओ अ़चुम़नाचि।

गलाति 1:1

अ़ङ्‌का पावल, ख्रिस्‍तओ अ़क्‍छा अ़चुछाम्‍माय़ङ, खोक्‍को म़नाचिएदाङ्‌का माङ्‌लो खोक्‍को म़नालाम्‍पा अ़छुत्‍ताओ माआङ, मेन येसु ख्रिस्‍त खोन्‍कि आन्‍निनाम्‍हाङ पापा, साङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोक्‍कोसाआङा ऩछुत्‍ताङ्‌ओ।

गलाति 3:26

देकिनालो साकोङ्‌छ़ङ्‌लाम्‍पा खानानिन झारा येसु ख्रिस्‍तएदा निनाम्‍हाङ्‌ओ अ़चुछाचि ओ।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

गलाति 3:9

खोन्‌ओसा साकोङ्‌छ़ङ कामु म़नाचिआ साकोङ्‌छ़ङ कामु अब्राहाम्‌एनान अ़क्‍नि आसिखा अ़तोक।

एफिसि 1:15

हाङ्‌पा येसुदा याक्‌याङ्‍ओ आम्‍नुओ साकोङ्‌छ़ङ खोन्‍कि झारा निनाम्‍हाङ्‌ओ अ़चुम़नाचिएदाओ आम्‍नुओ सोमातुक्‍माओ अ़तुक्‌वादा अ़ङ्‌का एनुङ्‌युङ्‌सुङ ओसाआङा,

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 2:13

मेन खानानिन, मोन्‍ग़रि साङ्‌चि येसु ख्रिस्‍तदाङ्‌का अ़थाया त़युङिन्‌येन, हान ख्रिस्‍त येसुएनान अ़क्‍नि त़लिसिन्‌ओसा खोक्‍कोसोओ अ़चुह़आ अ़चुच़क्‌दा ऩतारिन्‌युङ्‌सिन।

एफिसि 2:6

खोन्‍कि खोक्‍कोएनान आन्‍कान म़खोन्‍तालोइसाकि निनाम्‍मादुओ युङ्‌खाचिदा येसु ख्रिस्‍तएनान आन्‍कान म़युङ्‌सा।

एफिसि 6:21

अ़ङ्‌का दियाको मुङाङा खोन्‍कि दे च़ङाङा, मो खानानिन्‌आछाङ त़सिन्‍तुम्‍ने निकिना सोमातुक्‍तुङ्‌योङ्‌ओ निछा खोन्‍कि हाङ्‌पाएदा सोम्‍कुवा मुमा खान्‍तुओ हाङ्‌पाओ काचि कामु तुखिकस्‌आ झारा य़ङ्‌चि खानानिन खात़एत्‍तिन।

कलस्‍सि 1:2

कलस्‍सेदा कायुङ निनाम्‍हाङ्‌ओ अ़चुम़नाचि खोन्‍कि ख्रिस्‍त मान्‍छित्‍माङ कात़ङ्‌युङ्‌चिएदा ओ छाप्‍लावा छाप्‍चुङ्‌चुवा। आन्‍पापा निनाम्‍हाङ्‌आ खानानिन सोम्‍तुक्‍मा खोन्‍कि सेवाङ्‌नि ऩमुन्‍ने।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 2:10

खानानिन अ़चाअ़त्‍मादा छुक्‍मा त़मुन्‌येन्‌ओदा मान्‍क़दानिन। खानुम! सैतानाआ खानानिन्‌एदाङ्‌का देम्‍कापाङ आम्‍नुओ चिन्‍माखाङ्‌माओ निम्‍पाङ छेक्‍खादा छेक्‍मा त़मुन्‌येन, खोन्‍कि खानानिन दस्‌कालेन दुखा त़तोक्‍तिन। खानानिन आम्‍नुओ स़मादामातारि साकोङ्‌छ़ङ मुमा त़खान्‍तिन्‍लो त़लिसिन्‌नालो अ़ङ्‌का खानानिन ह़ङ्‌म़ङ्‌ओ सिरिफा प़नानिन।

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।