छाम्‍माय़ङ 1:3 - बान्‍तावा राई

³ येसु क्रुस्‌दा म़सुवा खोन्‍कि खोक्‍को म़खोन्‍तालोन्‍ताकि चालिस्‌कालेन्‌तारि छाम्‍माय़ङ्‌चिएदा ब़द्‍धेकादु खाङ्‌म़मुसान्‍चिन। मोन्‍ग़रि खोक्‍को खोचिएनान निनाम्‍हाङ्‌ओ अ़चुहाङ्‌होन्‌ओ अ़तुक्‌वादा म़चेवा। खोक्‍कोसाआ मो म़नाचिएनान हान्‍छाङ ह़ङ्‌ङाङा निकिना ब़द्‍धे अ़नुछ्‍याओ सालुम्‍स़ङ्‌चि खाङ्‌अ़मुसा।

छाम्‍माय़ङ 1:3 Kruisverwysings

मत्‍ति 21:43

खोन्‌ओसा अ़ङ्‌का खानानिन लोनानिन, निनाम्‍हाङ्‌ओ अ़चुहाङ्‌होन खानानिन्‌एदाङ्‌का ङाप, खोन्‍कि अ़क्‌तात ओवाको रावा प़, साङ्‌आ नुलोक अ़सिवा सिसु।

मत्‍ति 28:9

छोङ्‌तुप्‌नि येसुआ मोचि लाम्‌दा म़तुउचिकि म़लोचि, “खानानिन सेवाङ्‌नि लिसानिन!” मोचि अ़चुच़क्‌दा म़ताकि खोक्‍कोसोओ अ़चुलाङ अ़क़क्‍ता खोन्‍कि खोक्‍कोसोओ अ़चुलाङ्‌दा म़बोम्‍सान्‍चिन।

मत्‍ति 3:2

“निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मत्‍ति 4:2

खोक्‍को चालिस्‌काखोलेन खोन्‍कि चालिस्‌काखाखुत मान्‍चामाङ म़युङा, खोन्‍किना खोक्‍को साम़सुवा।

मर्कुस 16:19

खोन्‍किना हाङ्‌पा येसु अ़चुकाखेङ्‌चिएनान म़चेवाचिआकि खोक्‍को निनाम्‍मादुत्‍नि अ़थेन्‍ताखात्‍ता, खोन्‍कि खोक्‍को निनाम्‍हाङ्‌ओ अ़चुप्‍ताङ्‌छुक्‌लिप्‍पा म़युङा।

युहन्‍ना 20:26

आथ्‌कालेन्‌कि खोक्‍कोसोओ अ़चुकाखेङ्‌पाचि खिम्‍हुत्‌या म़लासान्‍कोवान्‌युङ्‌सान्‍चिन। थोमाछाङ मोचिएनान युङाङा। लाप्‍तिखोप्‌चि म़छेक्‍ताङा, मेन येसु म़ताकि अ़चुरादा म़एवा, खोन्‍कि म़लोचि, “खानानिन सेवाङ्‌नि लिसानिन!”

युहन्‍ना 21:1

आदेङ अ़चुकाखेङ्‌पाचिएदा तिबेरियास धियाङ्‌वामाओ अ़केम्‌दा येसु म़लासान्‍खाङ्‌म़मुसान्‍चिन। ओवात्‍नि खोक्‍को आप्‍पि खाङ्‌म़मुसान्‍चिन।

युहन्‍ना 21:14

म़सुवादाओदाङ्‌का म़खोन्‍तालोन्‍ताकि येसु अ़चुकाखेङ्‌पाचिएदा खाङ्‌म़मुसान्‍चिन्‌ओ ओ सुम्‌कादुओदु ओ।

छाम्‍माय़ङ 13:31

खोन्‍कि खोक्‍कोएनान गालिल्‌दाङ्‌का यरुसलेम्‌दा काबान्‍चिआ खोक्‍को ब़द्‍धेकालेन्‌तारि अ़खा, खोन्‍कि खोचि आइमित्‌ओ इस्राएलि आन्‍म़नाचिओ निम्‍पाङ खोक्‍कोसोओ अ़चुसालुम्‍स़ङ म़युङ्‌याङ।

छाम्‍माय़ङ 19:8

खोन्‍किना पावल यहुदिचिओ अ़चुयावायोक्‍खिम्‌दा खाराकि यहुदिचिएनान सुम्‌कादोङ्‌वात्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा राक्‌एनान दुम्‍चामेत्‌याङ्‌सा दुम्‍तुसा।

छाम्‍माय़ङ 28:23

खोन्‍किना खोचिआ पावल तुप्‍खालेन अ़तोङ्‌सा, खोन्‍कि खो युङाङाओदा ब़द्‍धे यहुदिचि म़ता। खोसाआ अ़वाय़ङ्‌दाङ्‌का अ़नाम्‍प़क्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा खाएत्‌याङ्‌सा खोन्‍कि मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का येसुओ अ़तुक्‌वादा साकोङ्‌छ़ङ मुमा निम्‍पाङ सोन्‍तुचि।

छाम्‍माय़ङ 28:31

खोसाआ राक्‌एनान निनाम्‍हाङ्‌ओ अ़चुहाङ्‌होन खालुसुङु, खोन्‍कि हाङ्‌पा येसु ख्रिस्‍तओ अ़तुक्‌वादा झारा चिन्‍तुङुचि, खोन्‍कि साङ्‌आछाङ खो मान्‍छेक्‌अ़दाङा।

छाम्‍माय़ङ 8:12

मेन फिलिप्‌आ निनाम्‍हाङ्‌ओ अ़चुहाङ्‌होन्‌ओ अ़तुक्‌वादा खोन्‍कि येसु ख्रिस्‍तओ अ़चुऩङ्‌दा नुय़ङ्‌खान खालुसु, खोन्‍कि मोचि मो य़ङ्‌दा साकोङ्‌छ़ङ म़मुवाकि झारा दुवाछा खोन्‍कि मेत्‍छामाचि बप्‍तिस्‍मा म़लोआ।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

कलस्‍सि 1:13

खोक्‍कोसाआ आन्‍कान कुन्‌यामाओ अ़सावादाङ्‌का म़फोङ्‌सा, खोन्‍कि सोमाअ़तुक्‍ताङाओ अ़चुओछाओ अ़चुहाङ्‌होन्‌दा म़खाइसायुङ्‌सा।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

१ युहन्‍ना 1:1

अ़पुङ्‌चिपुक्‌दाङ्‌का युङाङाओ, मो आन्‍कान्‍का एनुम्‍काओ, आन्‍काओ म़क्‌आङा आन्‍कान्‍का खाम्‍का ओ, खोन्‍कि आन्‍काओ छुक्‌आ नोप्‍तुम्‍काओ, मोक्‍को ह़ङ्‌म़ङ य़ङ्‌ओ अ़तुक्‌वादा आन्‍कान्‍का छाप्‍तुम्‌योम्‍का।