२ तिमोथि 3:2 - बान्‍तावा राई

² मनाचि आप्‍पि ओन्‍ङा सोमाकातुक्‍नान्‍चिन, फेक्‌वा च़क्‍ख़य़ कामु, ऱफोक्‌वा, राखाङ्‌थेत, कासुङ, अ़चुमापाआ लोमावा मान्‍च़कादा, मान्‌आलाङ्‌मि खोन्‍कि ऩसेङ्‌निनिन्‌ओ म़मु।

२ तिमोथि 3:2 Kruisverwysings

मत्‍ति 15:6

ओवात्‍नि खानानिन्‌आ आम्‍नुओ थाप्‍स़ङ्‌ओ निम्‍पाङ निनाम्‍हाङ्‌ओ अ़चुय़ङ अ़काचि मात्‍द़ङ्‌ओ त़मुम्‌युङ्‌सुम।

लुका 12:15

खोन्‍कि येसुआ मोचि म़लोचि, “चाप्‍चेत्‍तानिन्‍चिन! झाराकापाराओ च़क्‍ख़य़दाङ्‌का रात्‍तानिन्‍चिन। देकिनालो चासुम्‍छेन्‍बि देम च़लोक लिनुछाङ मोसाआ म़ना अ़ह़ङ्‌सुन।”

लुका 16:14

ओ झारा य़ङ्‌चि म़एनुचिकि फरिसिचिआ येसु अ़सुङ्‌ता। देकिनालो मोचि छेन्‍बि च़क्‍ख़य़ कामु म़याआङा।

लुका 6:35

मेन ङेङ्‌चि सोमातुक्‍तानुम्‍च़म, मोचि नुलोक मुवानुम्‍च़म खोन्‍कि नाक कादोत्‍चिदाङ्‌का लामातोक्‍मानि मान्‍मिन्‍माङ नाक पुवानुम्‍च़म। मोवात्‍नि त़च़न्‌नालो खानानिन्‌आ अ़धिवाङ सिरिफा त़तोक्‍तुम, खोन्‍कि खानानिन झारादाङ्‌का तोक्‍पो निनाम्‍हाङ्‌ओ अ़छाचिनि ऩलोन। देकिनालो आलाङ मान्‍प़कादाचि खोन्‍कि अ़अ़त्‍पाचिछाङ निनाम्‍हाङ्‌आ सोमाम़तुक्‍तुचि।

छाम्‍माय़ङ 5:36

देकिनालो अ़चित्‌कादोङ बुया थुदास तोक्‍पो म़नानि लोनान्‍चिन्‍सा रोमिचिओ अ़चुदेङ्‌सालाप्‍पादा पुवालोन्‍ता। खोन्‍कि आप्‍फात चार सये म़नाचिआ खो अ़त़ङ्‌ता। खो रात्‍खामिचिआ अ़सेरा, खोन्‍कि खो कात़ङ्‌चि झारा म़रिसाखारा, खोन्‍कि मो म़नाचि देत्‍छाङ च़मा मान्‍ऱचि।

रोमि 11:18

मो म़ओराखाराओ खेत्‍चिओ अ़चुबुदा खाना च़लोक तोक्‍पो मान्‍लिदा। तोक्‍पोङा त़मुनालो ओ मित्‍तु, मो अ़भेन काक़क्‍क खाना माआङ, मेन अ़भेन्‌आ खाना त़क़क्‍क।

२ कोरिन्‍थि 5:15

ओवात्‍नि, ख्रिस्‍त आन्‍कान झारासोओ निम्‍पाङ म़सुवा। खोन्‌ओसा साङ आप्‍पिओ निम्‍पाङ ह़ङ, मो हान्‌दाङ्‌का आप्‍पिओ निम्‍पाङ माआङ, मेन आन्‍कान झारासोओ निकिना कास़ खोन्‍कि म़सुवाओदाङ्‌का म़लासाखोन्‍तालोन्‍ताओसो निम्‍पाङ आन्‍कान ह़ङ्‌मादोत।

फिलिप्‍पि 2:21

येसु ख्रिस्‍तओ अ़चुतुक्‌वादा मान्‍मिन्‍माङ, नि म़नाचि झारा आप्‍पि मित्‍मान्‍चिन म़लाम।

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

२ थेसलोनिकि 2:4

खोसाआ निनाम्‍हाङ खोन्‍कि झारा म़नाचिआ म़ब़क्‍तुङुचिओचिओ अ़चुदेङ्‌सालाप्‍पादा फित्‍चि मुचि खोन्‍कि मोचिदाङ्‌का आप्‍पि तोक्‍पो मुनान्‍चिन। खोन्‌ओसा, आप्‍पिङा निनाम्‍हाङ नि झारा खाएत्‌याङ्‌सा निनाम्‍हाङ्‌ओ अ़चुब़क्‍खाखिम्‌दा मो युङ।

१ तिमोथि 1:20

मोचिएदाओ हुमेनियस खोन्‍कि अलेक्‍जेन्‍दर ओ। मोचिआ निनाम्‍हाङ रुमान्‍फोक्‍दामा चिन्‍चिचिन्‍ने निम्‍पाङ अ़ङ्‌का मोचि सैतानाओ अ़छुक्‌दा पाक्‍तुङ्‌प़ङ्‌युङ्‌सुङ्‌च़ङ।

१ तिमोथि 1:9

आन्‍कान ओछाङ सिन्‍तुम्‌योम, य़ङ्‌हुप साम्‌योक्‍मिचिओ निम्‍पाङ मुवाओ माआङ, मेन य़ङ्‌हुप काकाक्‌चि, लोमावा मान्‍च़कादाचिओ निम्‍पाङ, निनाम्‍हाङ साया मान्‍मेत्‍कादा खोन्‍कि हेवामि, ऩसेङ्‌निनिन्‌ओ, मान्‍साम्‌योक्‍मि खोन्‍कि अ़चुपाचि माङ्‌लो अ़चुमाचि कासेत्‌चि, म़नाकासेत्‌चिओ निम्‍पाङ,

१ तिमोथि 3:3

खाबात सेत्‍चावा खोन्‍कि ङेन कामु माआङ, मेन वाइवेत कायुङ, मान्‍खिकादा, छेन्‍बि च़क्‍ख़य़ मान्‍मुकादा मुमादोत।

१ तिमोथि 6:10

देकिनालो याङ सोमातुक्‍माङा झारापाराओ अ़अ़त्‍पाओ अ़भेन ओ। याङ्‍ओ च़क्‍ख़य़दा म़छुक्‍ताकि खा-खाक्‍कोचि साकोङ्‌छ़ङ्‌दाङ्‌का नि लाम्‌दा म़वाङायुङ्‌सा, खोन्‍कि ब़द्‍धे दुखाचिआ मोचिओ अ़चुसाकोङ्‌वाचि धुउयुङ्‌सु।

१ तिमोथि 6:4

खो ऱक्‍भाक ओ, खोन्‍कि दित्‍छाङ अ़तुप्‍तुन। खो दुम्‍तुमादा अ़ऩङानु, खोन्‍कि य़ङ्‌सिवाचिओ अ़तुक्‌वादा दुम्‍छ़न। मोसाआ माइसुङ, खिमा, सुङ्‌मा खोन्‍कि अ़अ़त्‍पा मान्‍केङ्‌चि लोइसुचि।

२ तिमोथि 3:4

काधान्‌चि, मान्‍मित्‍माङ कामु, तोक्‍पो कालि, निनाम्‍हाङ सोमातुक्‍माओ अ़फान्‌दा ऩङानुमा सोमाकातुक्‌चि,

याकुब 2:8

“खाना आम्‍तेन्‍पाङ आप्‍पिवाङा सोमातुक्‍तु”निओ साम्‍कालिन्‌दाओ आन्‍काओ हाङ्‌ओ अ़चुय़ङ्‌हुप अ़नुछ्‍याङा त़तासुम्‍लाम्‌योम्‌नालो खानानिन नुलोक्‌ङा त़च़न्‌येन।

याकुब 4:16

मेन खानानिन तोक्‍पो त़लिसिन्‌कि ऱक्‍भाक त़मुन, खोन्‍कि झारा ओवाको तोक्‍पो लिमा अ़अ़त्‍पा ओ।

याकुब 4:6

मेन खोक्‍कोसाआ अ़न्‍नुनु च़लोक सोमाम़तुक। खोन्‌ओसा साम्‍कालिन ओवात्‍नि य़ङ, “निनाम्‍हाङ्‌आ ऱफोक्‌वा, फित्‍चि अ़मु, मेन कासिम्‍नान्‍चिन्‌चि सोमाअ़तुक।”

१ पत्रुस 5:5

मोवात्‍निङा सावाछाचि ओ, ताङ्‌पाचिओ अ़चुक़म्‍मादा युङानिन। खानानिन झारा सिम्‍सानिन्‍चिन्‌कि अ़क्‍छा निएदा फाकाफा मुवानिन, देकिनालो, “निनाम्‍हाङ्‌आ ऱक्‍भाक्‌चि फित्‍चि म़मुचि, मेन कासिम्‍नान्‍चिन्‌चि खोक्‍कोसाआ सोमाम़तुक्‍तुचि।”

२ पत्रुस 2:10

खा-खाक्‍कोचि अ़चुपोक मित्‍माआ म़पोप्‍नान्‍चिन, खोन्‍कि निनाम्‍हाङ्‌ओ अ़चुपाङ ऩङाअ़छित, निनाम्‍हाङ्‌आ झारादाङ्‌का मोचि अ़च़वाङ दन्‍दा म़प़चि। ओवाको सोज्‍जेओ ताया काचिन्‌चि खामान्‍सिन खोन्‍कि ऱक्‍भाक म़मु, खोन्‍किना निनाम्‍मादु कायुङ्‌चि सुङ्‌मा अ़चुक़मा अ़कात्‍निन।

२ पत्रुस 2:12

मेन ओ म़नाचिआ ऩतुप्‍तुन्‌ओ य़ङ्‌चि म़सुङ्‌तुचि। ओचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, ओचि लाप्‍माकि सेत्‍मा निम्‍पाङ म़लिसाओवा म़मुयाङ। खोन्‍कि ओचिछाङ सायाम्‍पोक्‌चिवाङा म़लुक्‍खात।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

२ पत्रुस 2:3

च़क्‍ख़य़दा म़छुक्‌किना मो सोज्‍जेओ काचिन्‍पाचिआ सोज्‍जेओ य़ङ्‌चिलाम्‍पा आम्‍नुओ छेन्‍बि ऩच़न्‍तिन। मोचिओ अ़चुछ़ङ्‌छेन्‍मा निनाम्‍हाङ्‌आ अ़छ़ङ लिसायुङ्‌सा, खोन्‍कि मोचि अ़नुछ्‍याङा म़लुक।

यहुदा 1:16

छुऩङ्‌वा कामु म़नाचि, काऱक्‌चि, अ़चुअ़त्‍लो मित्‍मादा काकोन्‌चि, ऱफोक्‌वा य़ङ काचेप्‌चि खोन्‍कि अ़चुओ तोक्‍माओ निम्‍पाङ नि म़नाचि वाकालेङ ओचिङा ओ।

खाङ्‌मुमा 13:1

खोन्‍कि धियाङ्‌वामादाङ्‌का लोन्‍ताओ अ़क्‌तात साक्‍स़ङ अ़ङ्‌का खाङ, मोसोओ दस्‌कातात अ़खुक्‍खाचि खोन्‍कि सात्‌कातात अ़ताङ्‌चि म़याआङा। मोसोओ दस्‌कातात अ़खुक्‍खाचिदाङा दस्‌कातात ताङ्‌बोप्‍माचि म़याआङा, खोन्‍कि मोसोओ झारा अ़ताङ्‌दा निनाम्‍हाङ सुङ्‌माय़ङ ऩङ याआङा।

खाङ्‌मुमा 16:11

मोचिओ अ़चुखेन्‍चिओ योक्‍माआ मोचिआ निनाम्‍मादुओ निनाम्‍हाङ माङ्‌अ़हिम्‍सा। मेन मोचिआ अ़मुवाओ अ़अ़त्‍पा काचिदाङ्‌का लामा मोचि म़छुन्‍ता।

खाङ्‌मुमा 16:21

पचास-पचास किलो लेकाओ नाङ्‌चि म़नाचिएदा धामा पुङ्‌सु। मो म़नाचिआ नाङ्‌ओ अ़चाअ़त्‍माओ अ़तुक्‌वाआ निनाम्‍हाङ माङ्‌अ़हिम्‍सा। देकिनालो ओ अ़चाअ़त्‍मा अ़न्‍नुनु क़माकात्‍तुओ मुवाङा।

खाङ्‌मुमा 16:9

म़नाचि क़माकात्‍तुओ तोक्‍पो अ़राक्‌आ राङ्‌तुचि, खोन्‍कि मोचिआ मो अ़न्‍नुनु अ़चाअ़त्‍माचि काक़म निनाम्‍हाङ माङ्‌अ़हिम्‍सा। मेन मोचिआ अ़चुहेवाचिदाङ्‌का लामा खोन्‍कि खोक्‍कोसोओ अ़चुऩङ लोङ्‌मा म़छुन्‍ता।