२ तिमोथि 1:3 - बान्‍तावा राई

³ अ़ङ्‌का खाना अ़धुन अ़ङ्‌यामात्‍माचिदा मित्‍नाहिदा अ़ङ्‌का निनाम्‍हाङ आलाङ प़ङ। खोक्‍को अ़ङ्‌सुन्‍तुम्‌चिआ अ़ब़क्‍ताओवात्‍नि अ़ङ्‌का सेङ्‌याङ्‌ओ अ़ङ्‌छेन्‍खातायाआ ब़क्‍तुङ।

२ तिमोथि 1:3 Kruisverwysings

लुका 2:37

खोन्‍किना खो चौरासिकादोङ बात्‍तुङुओन मेन्‍मित्‍मा लिसाकि युङाङा। खोसाआ निनाम्‍हाङ ब़क्‍खाखिम देम्‍खाछाङ मान्‍छित्‌दादोङु, मेन अ़खोलेन अ़खाखुत निनाम्‍हाङ ब़क्‌याङ्‌सा मोदा युङाङा। खोन्‍कि मान्‍चामाङ युङाकिछाङ यामाराङा।

छाम्‍माय़ङ 22:3

खोन्‍किना पावल्‌आ लोचि, “अ़ङ्‌का किलिकियाओ तार्सस सहरादा पुक्‍ताङ्‌च़ङ्‍ओ अ़क्‍छा यहुदि ओ। मेन अ़ङ्‌का ओ यरुसलेम सहरादा पोयाङ्‍ओ खोन्‍कि काचिन्‍पा गमलिएल्‌एदाङ्‌का आन्‍सुन्‍तुम्‌चिओ अ़चुय़ङ्‌हुप्‌वा तोङालो ताया तोक्‍तुङ्‌ओ। खोन्‍कि आय़ झारा ओदा खानानिन्‌वाङा अ़ङ्‌काछाङ अ़ङ्‌मिन्‍मा पाक्‍तुङ्‌कि झारा काचिदा निनाम्‍हाङ ब़क्‍तुङ्‌योङ।

छाम्‍माय़ङ 23:1

खोन्‍किना पावल्‌आ धियायोक्‍खादाओचि होन्‍नि चोउचिकि लोचि, “अ़ङ्‍ब़ब़ निछाचि ओ, आय़ओ लेन्‌तारि झारा अ़नुवाक साकोङ्‌वाआ निनाम्‍हाङ्‌ओ अ़चुबुदा अ़ङ्‌का ह़ङाङ्‌युङ्‌साङ।”

छाम्‍माय़ङ 24:14

मेन अ़ङ्‌का ओ य़ङ खानानिन खाएत्‍नानिन, मोचिआ ‘फेआओ साम्‌योक’नि लोवाङाओ साकोङ्‌छ़ङ कामु लिसाङ्‌कि आन्‍काओ सुन्‍तुम्‌चिओ अ़चुनिनाम्‍हाङ अ़ङ्‌का ब़क्‍तुङ। खोन्‍कि निनाम्‍हाङ्‌य़ङ खाकालुचिआ छाप्‍लाखादा अ़छाप्‍ताओ झारा य़ङ्‌हुप अ़ङ्‌का साकोङ्‌छ़ङ मुङ।

छाम्‍माय़ङ 24:16

खोन्‌ओसा अ़ङ्‌का अ़धुन निनाम्‍हाङ्‌ओ अ़चुबुदा खोन्‍कि म़नाचिओ अ़चुबुदा दित्‍छाङ अ़अ़त्‍पा काचि मान्‍मुदामा लाम्‍ङाङा।

छाम्‍माय़ङ 26:4

अ़ङ्‌का बुया अ़ङ्‌रावाचिओ अ़चुरादा खोन्‍कि यरुसलेम सहरादा अ़ङ्‌छायुङ्‌काङा देत्‍नि अ़ङ्‌ह़ङ्‌म़ङ क़प्‍तुङ, मो झारा यहुदिचिआ अ़सिन्‌याङ।

छाम्‍माय़ङ 27:23

अ़ङ्‌का निनाम्‍हाङ्‌ओ अ़चुम़ना ओ, खोन्‍कि खोक्‍कोङा अ़ङ्‌का ब़क्‍तुङ। निनाम्‍हाङ काफा आय़ अ़खाखुत अ़ङ्‌च़क्‌दा म़एवा,

रोमि 9:1

ख्रिस्‍त अ़ङ्‌सालुम्‍स़ङ म़युङ्‌याङ, अ़ङ्‌का अ़नुछ्‍या चेप्‍ङाङा। अ़ङ्‌का अ़म़प्‍ऩङ। सेङ्‌लावाआ अ़ङ्‌लावा सालुम्‍स़ङ प़ङु।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

गलाति 1:14

आन्‍काओ रावादा, अ़ङ्‌काएनान अ़क्‍निओचि ब़द्‍धेकापाङ्‌दा अ़ङ्‌का यहुदि साम्‌योक्‌दा बुया पोयाङ, खोन्‍किना अ़ङ्‌सुन्‍तुम्‌चिओ अ़चुच़माथाङ्‌मादा अ़ङ्‌का अ़न्‍नुनु राक़स़रिओ मुवाङ्‌याङ।

एफिसि 1:16

अ़ङ्‌यामात्‍मादा खानानिन मित्‌याङ्‌सा आम्‍नुओ निम्‍पाङ आलाङ प़मा अ़ङ्‌का अ़छित्‍ऩङ।

१ थेसलोनिकि 3:10

खानानिन्‌एनान आन्‍कान्‍का तुप्‍मा ऱन्‍ने खोन्‍कि आम्‍नुओ सोम्‍कुवादा दि-दि मान्‌याक्‌युक, मो तामालामा ऱम्‍काने निकिना आन्‍कान्‍का अ़खाखुत अ़खोलेन झारा मिन्‍माआ यामारिन्‌येन्‍का।

१ तिमोथि 1:19

साकोङ्‌छ़ङ खोन्‍कि अ़नुवाक छेन्‍खाताया मान्‍लेत्‌दो। खा-खाक्‍को म़नाचिआ छेन्‍खाताया ऩङाअ़छिराकि अ़चुसाकोङ्‌छ़ङ अ़लुक्‍तायुङ्‌सा।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

१ तिमोथि 5:5

मेन साङ अ़नुछ्‍या मेन्‍मित्‍मा ओ, खोन्‍कि मोसोओ साङ्‌छाङ मात्‍द़ङ्‍ओनालो मो निनाम्‍हाङ्‌दा सोम्‍कुवा मु, खोन्‍कि अ़खाखुत अ़खोलेन यामात्‌युङ खोन्‍कि निनाम्‍हाङ्‌एदा फालु।

२ तिमोथि 1:5

अ़ङ्‌का आम्‍को अ़छ़ङ साकोङ्‌छ़ङ मित्‍तुङ। मो साकोङ्‌छ़ङ, बुया आम्‍दिमा लोइस्‌दा याआङा, खोन्‍कि आम्‍मा युनिस्‌दा, खोन्‍कि अ़ङ्‌का अ़नुछ्‍या सिन्‍तुङ्‌योङ, मो साकोङ्‌छ़ङ खानाएदाछाङ याक्‌याङ।

२ तिमोथि 3:15

खाना आम्‍छायुङ्‌काङा सेङ्‌याङ्‌ओ साम्‍कालिन त़लेसुयुङ्‌सु, मोसाआ ख्रिस्‍त येसुदा त़मुओ साकोङ्‌छ़ङ्‌लाम्‍पा लेन्‍माओ निम्‍पाङ खाना ताया प़मा त़ऱ।

हिब्रु 13:8

येसु ख्रिस्‍त आखोमाङ, आय़ खोन्‍कि अ़धुन अ़क्‍निवा म़मुयाङ।