Zakari 8:3 - Bible azumeina

³ Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Zakari 8:3 Kruisverwysings

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 48:1

Ni sawal la Kore groma a hlata.

Buzuk ka Abud’a 29:45

An mba ni kak aduk Israel-lâ, an mba ni arî Alo mazina.

Isai 1:21

Ang azì ma amul ma d’engzengâ, ni nana ba, ang mbut d’igi atcha d’a gaulangâ na ge? Angî ma a nga ka sariya d’a d’ingêra kurung adjeuna, angî ma a nga le sun nda irata kurung adjeuna mi. Wani ki tchetchemba, suma tchi matna a nga kaka kurungî aziya.

Isai 1:26

An mba ni hulong tin mang suma ka sariyad’a d’igi suma adjeuna na, an mba ni tin mang suma de d’alâ d’igi suma avo’â na mi. Bugola, a mba yang ala Azì ma ngol ma d’ingêrâ, Azì ma ngol ma d’engzengâ mi.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 32:16

D’ingêra mba d’i kak azina hur fulâ, d’ingêra mba d’i te leud’a kur asine ma a pagu ma vuta kuana.

Isai 60:14

Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Isai 65:25

Ma didina mi dala: Ngûna ki gor timina a mba te hatna asem taziya, azlona mba mi te hatna d’igi amuhlâ na, guguina mba mi te nandaga d’a gugud’upa, a mba le vama tcho d’oze a mba b’lak va yam ahina man nda an tinit irat vata d’uo mi.

Isai 66:20

Ma didina mi dala: A mba mba ki b’oziyogi suma sä woi aduk sumina yam akulumeina, kur pusâ, kur pus ma a zlubum yama, yam korona, yam djambala mi. A mba mbazi yam ahina d’a a tinit irat vata avo Jerusalem d’igi Israel-lâ a nga mba ki he d’a hawa mazi d’a afuta kur dugiyo suma a tinizi irazi vazina kur gong manda na.

Isai 8:18

Gola! An ki gron suma Ma didina mi handjina, ami ni vama taka ki vama atchap ma mi tcholï ata Ma didin ma ad’engêm kal pet ma nga kaka yam ahina d’a Siyon-nda aduk Israel-lîna.

Jeremi 14:9

Ma didina, ni kayam me ba, ang kak d’igi sama mandarâ d’oze d’igi grang ma mi ndak á sut sum mama d’uo na na ge? Wani ang nga adigamiya, a nga yami ki simiyêngû. Ang arami woi d’i.

Jeremi 26:18

Mika ma Moreset-na mi djok vuna kur atchogoid’a hi Ezekiyas amul ma Juda-nid’a, mi de mi suma Juda-na pet ala: Ma didin ma ad’engêm kal petna mi dala: A mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Jeremi 31:23

Ma didin ma ad’engêm kal petna, Alona hi Israel-lîna, mi dala: Fata an hulongôzï woi kur magombid’a, a mba de yam ambas sa Juda-d’a kazì mat ma nglona ala: Yima kak ma d’ingêrâ, ahina d’a a tinit irat vata, ar Ma didina mi b’e vunam kagu!

Jeremi 33:16

Kur bur máma mba mi sut suma Juda-na. Suma Jerusalem-ma a mba kak ki halasa, a mba yi Jerusalem ala Ma didina ni d’ingêr meid’a.

Ezekiyel 48:35

Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Daniel 9:16

Salad’a, yam d’ingêr manga ang ar ayî mangâ ki hur ma zal ma gugulu’â mi b’leng ngei yam azì mang ma ngol ma Jerusalem-ma, yam ahina mang nga a tinit irat vata. Ni kayam tcho mamid’a yam sun nda batranga habuyomi ngolod’a ba, Jerusalem ki sum mangâ, a mbut vama ngula avok suma a nguyumina pet wana.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Joel 3:21

An mba ni hlatchugula buzuwazi ma an hlum nga atchugulum mbuo tua na. An Ma didina mba ni kak kur Siyon.

Mise 4:1

Kur atchogoi d’a nga d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma a mba i kua zuzuk.

Sofoni 3:13

Israel suma a mba arâ a mba le tchod’a d’i, a mba ka zla d’i, a mba fe zla d’a mbut ira avun sa adigazi d’uo mi. Wani azi mba fe yima te hatna, a mba tuk tazi bei sa mi mbud’uzi mandar ba.

Zakari 1:16

Kayam ndata, an Ma didin ma ad’engên kal petna nga ni dagiya: An mba ni hulongî Jerusalem á tak djivi manda woyo, a mba hulong min gong man nda kud’ora akulo, a mba min azì ma ngolâ akulo mi.

Zakari 12:6

Kur bur máma an mba ni mbut amulei suma Juda-na ni d’igi aku d’a ti ndaduk agud’id’a d’oze d’igi aku d’a bolom mba ti ngal awu ma mbugulu ma nga tchuka kä na na. A mba ngal suma a nguyuzina, abo ma ndjufâ, abo ma gulana mi. Jerusalem mba d’i ar kaka ata yad’u.

Zakari 14:10

Ambasa ki zla tat pet mba d’i mbut ni d’igi fula na, tcholï Giba dei gak mba Rimon abo ma sutna hi Jerusalem-ma. Jerusalem mba d’i arî ata yat akulo kal yima nguyutna pet. Ti mba d’i tinï ad’ud’a avun agre’â hi Benjamin-na dei gak mba avun agrek Ma adjeuna, gak mba ata yima vun agre’â mi kong kuana, tinï ad’ud’a ata gong nga fiyak ka ndjola hi Hananel-la dei gak mba ata yima a miret guguzlud’a hamulîd’a kuana.

Zakari 8:16

Wana nahle suma agi lagizina: Ar sama lara pî mi de ni zla d’a gagazid’a mi ndrama, ar agi kagi ni sariya d’a d’ingêr ra irata á mba ki b’leng nga halasa,

Zakari 8:19

An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Kolos-sâ 2:9

Kayam ndak ka memeta hAlonid’a tata ti nga nata Christ.

Vama ndum mbeina 21:10

Muzu’â hAlonina mi vanu, malaikana mi i ki sed’en akulo yam ahina d’a fiyak ka ked’iwurenga. Mi tagan azì ma ngol ma Alona mi tinim iram vama, ni Jerusalem mba tcholï akulo gen Alona d’a tchugï aset kä d’a.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.