Zakari 4:2 - Bible azumeina

² Mi dan ala: Ang we ni me ge? An hulong dum ala: An wagu lalam ma lora ki yam ma vo mbulâ akulo kam mi. Lalamba kid’iziya nga akulo kamu, yima mi djang mbulâ kur lalam ndatina ni kid’iziya mi.

Zakari 4:2 Kruisverwysings

1 Sunda Hamuleinid’a 28:15

Mi hum aneka hagu lalamba ma lora ki lalam mam mba lora, zlapa kaneka hagu lalamba ma tetengâ ki lalam mamba mi. Mi hum aneka hagu lalamba ma kawei ma hapma, zlapa kaneka hagu lalamba ma tetengâ ki lalam mba yam sun nda ngad’a kamba.

2 Sunda Hamuleinid’a 13:11

Ami nga hami he d’a hawa d’a ngala mi Ma didina yorogo ki fladege burâ ki burâ. Ami nga ngalami dubang ma his djivid’ina, ami nga ndjarami avungôna yam tabul ma a tinim iram vama. Fladege ami nga sad’ami agu lalam ma lora woyo, ami nga domi lalam mamba akud’a mi. Ami nga ngomomi vun ma hed’a hi Ma didina Alo maminina. Wani agiya, agi aram mbeyo.

2 Sunda Hamuleinid’a 4:7

Hiram mi min agu lalam ma lora dogo d’igi a he vuna kam kur gata na, mi tinim kur gong nga kud’ora hAlonid’a, vahl abo ma ndjufâ, vahl abo ma gulana mi.

Ma tchi wala 12:6

Vun agrek ma mbàna a mba dugum akulo ir palumba ata yima siwela hi lutnid’a vunam mi ve kä na. A mba tchol akulo ata yima aluweina a tchina, sawala haropmid’a vunat mba mi ve kä mimir mi.

Jeremi 24:3

Ma didina mi dan ala: Jeremi, ang we ni me ge? An hulong ni dum ala: An we ni tuluma. Ma hina ni ma djivina, ma hina ni ma tchona, ni ma ndak á ted’a d’uo na.

Jeremi 52:19

Ma ngolâ hi suma a ngom yinina, mi yo ahlena kua, nala, halâ, andru ma vakud’a, anguleina, duguyona, agu lalamba, kopma ki tazana. Ahle ndazina pet a lazi ni ki lora ki kawei ma hapma.

Amos 7:8

Ma didina mi djobon ala: Amos, ang we ni me ge? An hulong ni dum ala: An we ni plom ma d’op gongâ. Mi hulong dan ala: Gola! An nga ni tin plom ma d’op gongâ aduk man suma Israel-lâ, an mba ni vat hurun ndei yam gun mazid’a d’uo d’a.

Zakari 5:2

Malaikana mi dan ala: Ang we ni me ge? An hulong ni dum ala: An we mbaktum mba d’uta nga d’i pir akulo, fiyagat metred’a vahl, bubuwat metred’a dogo mi.

Vama ndum mbeina 1:12

An mbut iran á gol sama nga mi dan zlad’ina. Ata yi máma, an we agu ma tin lalam mba lora kama kid’iziya.

Vama ndum mbeina 1:20

Ang we zla d’a mudurid’a hi tchitchiu d’a kid’iziya d’a ang wat abon ma ndjufâ kagu ma tin lalam mba lora kama kid’iziyad’a. Tchitchiu d’a kid’iziya ti ni malaika suma kid’iziya suma yam Tok ka kid’iziyad’ina; agu ma tin lalamba kam ma kid’iziyana mi ni Tok ka kid’iziyad’a mi.

Vama ndum mbeina 4:5

Wiled’a ki siwela ki breîd’a halonid’a a buzuk kei ata zlam mba amul ndata. Lalam mba akud’a kid’iziya nga d’i ngal avok zlam ndata, azi ni muzuk ma kid’iziyana hAlonina.