Zakari 10:10 - Bible azumeina

¹⁰ An mba ni buzuguzï woi yam ambas sa Ezipte-d’a, an mba ni togozï woi Asiri, an mba ni mbazi yam ambas sa Galät-ta ki d’a Liban-nda, yina mba mi ndagazi d’i.

Zakari 10:10 Kruisverwysings

Isai 60:22

Andjaf ma ngiyeû ma kalâ mba mi mbut nandjaf ma dudubuna, andjaf ma akid’ei ma kalâ mba mi mbut nandjaf ma sib’ika. An Ma didina mba ni b’at tan á lahle ndazina fata yi mazina mi ndaka.

Jeremi 22:6

Ma didina mi de yam azì ma amul ma Juda-na ala: Ang iran ni d’igi ambas sa Galät-ta na, d’oze d’igi yam ahina d’a ked’iwureng nga Liban-nda na. Wani gagazi, an mba ni mbud’ungî d’igi hur fulâ, d’oze d’igi azì ma ngol ma bei sa mi kak kua ba na na.

Jeremi 50:19

An mba ni hulongî Israel-lâ kur kangâ mazina. Azi mba te hatna akulo yam ahina d’a Karmel-la ki d’a Basan-nda, a mba hop ki hatna akulo yam ahina d’a Efraim-mba ki d’a Galät-ta mi.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Wana ni mbaktumba hi Oze-d’a 11:11

An Ma didina nga ni dagiya! A mba tcholï Ezipte d’igi aleina mi pir na, a mba tcholï Asiri d’igi gugud’a ti pir na. An mba ni kagazi yam andaga mazid’a mi.

Abdiyas 1:20

Azigar suma Israel suma mimiyâk suma a yozi magombina a mba hlambasa hi suma Kanan-nid’a gak Sarepta, suma Jerusalem suma a yozi magomba suma a nga kaka Sefarat-na a mba yo azì ma nglo ma hur ful ma abo ma sutnina mi.

Mise 7:14

Ma didina, ang pol sum mangâ ki totogo manga, azi sumala ni djo mangâ na, ni suma a nga kaka sä woi abagei aduk agu d’a Karmel-la na, ang polozi kur Basan ki Galät d’igi ang polozi adjeu na.

Zakari 8:7

An Ma didin ma ad’engên kal petna nga ni dagiya: an mba ni sut man suma a izi magomba abo ma yorogona kabo ma fladegenina.

Zakari 8:8

An mba ni hulongôziya, a mba kak kur Jerusalem, a mba mbut sum mana, an mba ni arî Alo mazina, an mba ni te kazi ki d’engzenga ki gagazid’a mi.