Zakari 1:6 - Bible azumeina

⁶ Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Zakari 1:6 Kruisverwysings

2 Amuleina 15:12

Zla ndata le hina á ndak vun zla d’a Ma didina mi dat mi Jehu ala: Andjavang mba mi kak yam zlam mba amula aduk Israel-lâ gak kur atchogoi d’a fid’id’a d’a.

Wana ni mbaktumba hi Job-pa 6:29

An nga ni tchenegiya, agi hulongôgïya, agi lagi sun nda ata yat tuo d’a d’i; agi hulongôgïya, zla manda ni zla d’a irata.

Isai 21:17

Suma gangrang suma yet yeûd’a hi suma Kedar-râ a mba arî akid’eid’a. Kayam an Ma didina Alona hi Israel-lîna ni de da’!

Isai 44:26

An nga ni ndak vun zla d’a azungeî mana a data, an nga ni ndak vun zlad’a hi man suma an sunuzi avo’â a data, an nga ni de yam Jerusalem ala: Suma a mba kak kurud’u, an nga ni de yam azì ma nglo ma Juda-na ala: A mba hulong minim akulo, an mba ni hulong min yi mam ma b’lak keina akulo mi.

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Isai 55:11

Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Jeremi 23:20

Ma didina mba mi i avogovok kayî mama gak mi ndak vun ahle suma mam ngazi kuruma pet. Kur bur ma dabid’a agi mba wazi ad’uzi tetet.

Jeremi 26:15

Wani agi wagi woi tetet ala le agi tchanu ni, agi ki suma a nga kaka kur azì ma ngol ma wanina, agi hlagi ni buzuna hi sama bei zlad’a kama kagiya, kayam Ma didina mi sununï atagi gagazi á dagi zla d’a pet ta agi humugizi ki humagi wanda.

Jeremi 28:17

Ma djok vuna Hananiya mi mit kur biza ndata, kur til ma kid’iziyana.

Jeremi 32:24

Gola! A nga mbu andagad’a ad’u azì ma ngol ma wana á hlumu. A mba hazì ma ngol máma abo suma Babilon suma a nga durum ayînina. A nga hal á hlum kayî ma durâ ki baktarad’a ki tugud’ei d’a tcho d’a tchi matna mi. Zla d’a ang data ti ndak wa, ang nga golot ki irang mi.

Jeremi 36:28

Ang hle mbaktum mba d’ut ta dinga, ang b’ir zla d’a kur mbaktum mba avok ka Jojakim amul ma Juda-na mi ngalat teid’a kä kurut pet.

Jeremi 39:16

Ang i de mi Ebet-Melek ma Etiyopi-na ala: Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndak ka an dat zlat yam azì ma ngol ma wanid’a, an nga ni mba ki tchod’a, an nga ni mba ki djivid’a d’i. Ahle ndazina a mba le ni irang angû.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Jeremi 44:2

An Ma didin ma ad’engên kal petna, Alona hi Israel-lîna, nga ni dagiya: Agi wagi ndak ka teteng nga an mbat yam Jerusalem kazì ma nglo ma Juda-nid’a pet. Gola! Ki tchetchemba, azì máma mi mbut ini ni djona, sa nga kaka kua d’uo d’a.

Jeremi 44:28

Suma a mba sut avun ayînina a ni hina ngiyeû, a mba tchol kur ambas sa Ezipte-d’a á hulong yam ambas sa Juda-d’a. Wani suma Juda suma a arâ pet suma a mba ka hî Ezipte á kak kuana, a mba we zla d’a mba d’i ndaka ni manda d’oze ni mazid’a zu?

Jeremi 44:29

Ma didina mi de kua ala: Gola! An mba ni mba ka hî á ngobogiya, an mba ni tagagi vama simata, agi mba wagi ala gagazi, an mba ni ndak vun ndak ka an dat kagid’a. Vama tak máma ba wana:

Jeremi 44:6

Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Jeremi 5:14

Ni kayam ndata ba, Ma didin ma ad’engêm kal petna mi dala: Kayamba azi de hina d’a, an nga ni tin zla man nda d’igi akud’a na d’a avunang ang Jeremi. Sum ndazina a mba mbut ni d’igi aguna na mi. Aku ndata mba d’i ngalazi woyo!

Hor ma tchina 1:18

Ma didina ni ma d’ingêrâ, kayam an ni som vunamu. Agi suma pet, agi humugiya, agi wagi pupuluk manda. Yugunei mana kazungeî mana, a izi wa magomba.

Hor ma tchina 2:17

Ma didina mi ndak wa vun zla d’a mam ngat kurum adjeud’a, mi ndak wa vun zla d’a mam he vuna kat adjeu dedeid’a, mi b’lagak kei bei mi wak hohowok ba, mi mbud’uk vama furîd’a hi ma djangûnina, mi had’enga mi suma a lak murud’umbina mi.

Hor ma tchina 3:42

Ami lami tchod’a, ami song vunangû, wani ang vat nga hurung ngei kami d’i.

Ezekiyel 20:43

Ata yi máma agi mba djib’eregi yam tit magid’a ki sun nda lara ge d’a agi mbud’ugi tagi ndjendjed’a ki sed’eta, agi mba hlagi iragi akulo abo sun nda tcho d’a lara ge d’a agi lata d’i.

Ezekiyel 37:11

Ma didina mi dan ala: Israel-lâ a ni d’igi asok ma wana na. Azi nga de tazi ala: Asogei mi mbut ablarid’a, hur mei ma tinda mi dap peyo, ei bei woi da’!

Daniel 4:28

Ahlena pet suma adïd’a de Nebukanezar kazina a nga le.

Wana ni mbaktumba hi Oze-d’a 5:9

Suma Efraim-ma a mba mbut vama b’laka kur bur ma an ngobozina. Zla d’a an nga ni dat mandjafâ hi Israel-lîd’a ni zla d’a gagazi d’a mba d’i led’a.

Wana ni mbaktumba hi Oze-d’a 9:15

Asa’at mazid’a ti nde woi navo Gilgal. Ni kua ba, an noyôzi woyo. An mba ni digizi woi avo hatan yam tcho mazi d’a azi lata, an mba ni le kazi baba d’uo d’a, kayam mazi suma nglo suma avorozina pet a ni suma bei hum vuna ba na.

Amos 9:10

Suma pet suma a le tchod’a aduk sum mana suma a nga dala: Ndaka mba d’i mba kami d’i d’oze mba d’i domi d’uo mi na, a mba tchazi avun ayîna.

Zakari 1:7

Kur bur ma dok mbà yam fid’ina hi til ma dogo yam tu mala ni til Sebat-na na ni kur biza d’a mbà d’a Dariyus nga mi tamulid’a, Ma didina mi de zlad’a mi mam ma djok vuna Zakari Berekiya gorom ma Ido gorom ngolonina. Zakari mi dala:

Malatchi 3:18

Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Ndumba 32:23

Wani le agi lagi nga hina d’uo ni, agi lagi ni tchod’a avok Ma didina, agi wagi woi tetet ala tcho magid’a mba d’i hulong kagiya.

Ndumba 33:56

Ni agi ba, an mba ni lagi ndaka d’igi an nga hurun á lazi ndaka na.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Gat ta a hat á mbàd’id’a 28:15

Moise mi de kua ala: Wani le agi gagi yagi kä avok Ma didina Alo magina d’uo, le agi ngomogi nga vun ma he mama agi tid’igi nga kam mbuo, le agi tid’igi nga yam gat ta pet ta an hagizi ini wanda d’uo mi ni, wana ni vun ma ge ma mam mba mi gagizina:

Gat ta a hat á mbàd’id’a 28:2

Le agi gagi yagi kä ad’u vun ma hed’a hi Ma didina Alo maginina ni, wana ni vun ma b’e ma mam mba mi b’agizi kagina:

Gat ta a hat á mbàd’id’a 28:20

Ma didina mba mi gagi vuna kur sun magi d’a lara ge pet ta agi mba lagizi kabogid’a. Agi mba tchagi tatâ, mba mi ngobogiya. Agi mba dabagi woi atogo hina zak, kayam sun nda tcho d’a agi lat noyôm mbeid’a.

Gat ta a hat á mbàd’id’a 28:45

Ma didina mba mi gagi vuna hina baba, agi mba dabagi woyo, kayam me agi mba gagi yagi kä avok Ma didina Alo magina á ngom vun ma he mama ki gat mam mba mi hagizi ala agi tid’igi kad’u d’a d’i.

1 Tasaloni’â 5:4

Wani b’oziyomina, agi nga kur nduvunda tala bur máma mi mba kagi dumuzi d’igi sama kula mi mba yam suma na d’a d’i.