Zakari 1:16 - Bible azumeina

¹⁶ Kayam ndata, an Ma didin ma ad’engên kal petna nga ni dagiya: An mba ni hulongî Jerusalem á tak djivi manda woyo, a mba hulong min gong man nda kud’ora akulo, a mba min azì ma ngolâ akulo mi.

Zakari 1:16 Kruisverwysings

Wana ni mbaktumba hi Job-pa 38:5

Ni nge ba, mi ngat bubuwat ke? Ang wum zu? Ni nge ba, mi veza ziyona woi á ngat ke?

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 34:11

Bud’ufa ki tchetchema a mba hlad’u, iwiud’a ki gagauna a mba kak kuru, Alona mba mi ngat ki ziyo mam ma b’lak yina, blangât mba mi arî kä hawa kikid’ik.

Jeremi 30:18

Ma didina mi dala: Gola! An nga ni hulongî agi suma hi Jakob-ma woi kur magomba, an nga ni we hohowa yi magi ma kaka. Azì ma ngolâ a mba minim ata blangâm ma b’lak keina, azì ma amula a mba minim ata blangâm ma adjeuna mi.

Ezekiyel 40:3

Mi in sä hî. An we sana iram nga d’i wile d’igi kawei ma hleuna na. Ziyo ma a tchilim ki baru d’a luluîd’ina kakei d’a nga yina a nga abomu, mi nga tchola go ki vun agre’â.

Ezekiyel 47:3

Sa máma mi i abo ma yorogona, mi yo ziyo ma nga yina, mi nga yina metred’a kikis vahl. Bugola, mi dan ala an djak mbina. Wani mbina mi mban kokod’asenu.

Ezekiyel 48:35

Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Wana ni mbaktumba hi Aze-d’a 1:14

Ma didina mi mal djib’era hi Zorobabel Salatiyel gorom ma nga mi te yamba avo Juda-na ki djib’era hi ma ngol ma ngat buzuna Josue Josadak goroma ki djib’era hi suma a arâ pet. Ni kur bur ma dok mbà yam fid’ina hi til ma karagayana kur biza d’a mbà d’a Dariyus nga mi tamulid’a, azi mba, a nga le sunda kur gong nga kud’ora hi Ma didin ma ad’engêm kal petna, Alo mazinid’a.

Zakari 10:6

An mba ni had’enga mi suma Juda-na, an mba ni sut suma hi Josef-fâ, an mba ni hulongôzï ata yaziya, kayam an wazi hohowoziya. Azi mba mbut ni d’igi suma an arazi woi d’uo na na, kayam an ni Ma didina Alo mazina, an mba ni hum tchen mazid’a mi.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Zakari 2:6

Ma didina mi dala: Agi buzugugi woyo, agi buzugugi woi yam ambas sa abo ma norîd’a, kayam an ndjoyôgiya wa woi yam andagad’a abot ma fid’ina.

Zakari 4:9

Ni Zorobabel ba, mi gäd’u gong nga wanda kabomu, ni mam ba, mba mi dabat minda mi. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.