Zakari 1:11 - Bible azumeina

¹¹ Malaika suma djang akulumei ndazina a de mi malaikana hi Ma didina ma nga tchola aduk agu mirtenina ala: Ami nguyumi yam andagad’a ki zla tat pet, wani suma yam andagad’ina a nga kaka ki halasa bei va mi lazi ba.

Zakari 1:11 Kruisverwysings

Wana ni mbaktumba hi Job-pa 1:7

Ma didina mi de mi Seitan ala: Ang tcholï ni lara ge? Seitan mi hulong de mi Ma didina ala: An nguyï ni tita yam andagad’a á vat tan ndeyo.

Sawal la giled’a 68:17

Wani ni kayam me ba, ndak ahina d’a yak fuyogeid’a ablaud’a heîd’a, ndak nga d’i le yungôrâ yam ahina d’a Siyon nda Alona mi manat á kak kuad’a ge? Gagazi, Ma didina mba mi kak kua gak didin!

Isai 14:7

Suma yam andagad’ina ki zla tazi pet, a kak ki halasa, a nga hle sawala ki hur ma hapma.

Daniel 10:20

Mi djobon ala: Ang we d’op zla d’a an mba geveng kata zu? Ki tchetchemba, an nga ni hulong á dur ayîna kamul ma Perse-na. Ata yima an ina, amul ma Gre’â nga mi mba.

Zakari 1:10

Sama nga tchola aduk agu mirtenina mi dan ala: Azi nakulumei suma Ma didina mi sunuzï á ngui tita yam andagad’ina.

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Zakari 1:8

Kur andjeged’a vana nde tam mbei iranu, an we sana mi nga yam akulum ma hleuna, mi nga tchola aduk agu mirtena gumunu, akulumei suma hleuna kakulumei suma bolona kakulumei suma hobiyona a nga tchola blogomu.

Zakari 6:7

Akulumei suma hleuna a i a djop ala azi i ngui tita yam andagad’a. Malaikana mi dazi ala: Agi i nguyugï tita yam andagad’a. Azi i ngui tita yam andagad’a mi.

Matiye 13:41

An Gor Sana mba ni sun malaika mana á yo suma a nga tchuk suma kur tchod’ina ki suma a nga le tchod’ina pet woi abu kur leu manda.

Matiye 13:49

Fat ta dabid’a hi duniyad’id’a ni na mi. Malaikana a mba mba á wal ir suma tchona ki suma d’ingêrâ.

Matiye 25:31

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

Vama ndum mbeina 1:1

Mbaktum mba wanda ti ta’î ahle suma Jesus Christ mi ndazi woina. Nahle suma Alona mi humzi mi tagazi woi mazungeî mam suma sunda vama ar go á mbad’ina. Nahle suma Christ mi sun malaika mama á tagazi woi mazong mama Jean-na.