Wana ni mbaktum mba Paul mi b’irit mi Tit-ta 1:7 - Bible azumeina

⁷ Mbeî ma gol Toka ni ma bei zlad’a kama, kayam mam mi sama ngom ahlena hAlonina. Ni ma bei subur tama, ni ma bei mbut ayîna atogo na, ni ma bei gurut ki süma, ni ma bei to sana, ni ma bei le d’od’oka á fe mbiyo ma mbut ira ba na.

Wana ni mbaktum mba Paul mi b’irit mi Tit-ta 1:7 Kruisverwysings

Ad’u Tinda 49:6

An min ndjak vunan ki sed’ezi kur tok mazi d’a gumunda d’i, an min ndjunuzi kur tok mazid’a d’i. Kayam kur hur mazi ma zala azi tchi suma, kur asa’at mazid’a azi ka amuzleina gigilangâziya.

Zla d’a d’ogolâ 14:17

Sama mi mbut ayîna atogo zaza’â mi le ni sun nda lilid’a, sama nga mi djib’er djib’er ra tchod’ina suma a nga noyôm mi.

Zla d’a d’ogolâ 15:18

Sama ayîna heîna nga mi tchol ki huneîd’a, wani sama le lilinga nga mi ve vun huneîd’a kä.

Zla d’a d’ogolâ 16:32

Sama nga mi le lilinga á mbut ayînina, mi kal grang ma dur ayîna, sama mi te yam hliu tama, mi kal sama mi hlazì ma ngolâ ki durîna.

Ma tchi wala 7:9

Ar ang mbut ayîna atogo d’i, kayam sama lilid’a mi mbut ayîna atogo.

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Ezekiyel 44:21

Ma ngat buzu ma lara pî mi tche süm guguzlud’a ata yima nga mi kal hur atrang nga krovod’ina d’i.

Sunda hi suma hi Levi-nid’a 10:9

Agi ki grongâ agi tchagi süm guguzlu d’oze süm ma ayîna ata yima agi kalagi kur zlub’u d’a ngaf tad’ina d’i, kayambala agi bogi woi d’uo d’a. Zla ndata ti arî gat ta didinda yam andjavagiya,

Matiye 24:45

Jesus mi had’azi kua ala: Ni nge nazong ma d’engzeng ma ne ma salama mi tinim yam suma avo hatama á b’rawazi tena ata yama ge?

Wana ni Zla d’a Djivi d’a Luc mi b’irita 12:42

Salad’a mi dum ala: Ni nge nazong ma d’engzeng ma ne ma salama mba mi tinim yam suma avo hatama á b’rawazi tena ata yama ge?

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

Filip-ma 1:1

Ni an Paul ki Timote, azungeîna hi Jesus Christ-sâ. Ami nga b’irimi mbaktum mba wanda mi agi suma hAlona pet suma a he gagazid’a yam Jesus Christ suma avo Filip-ma, zlapa ki suma gol Toka ki suma a le sunda mi Tokina mi.

Wana ni mbaktum mba Paul mi b’irit mi Tit-ta 1:5

Kayam ndata, an arang kur til la Kret-ta á min ahle suma ar bei mindina, á tin suma nglo suma gol Toka kur azì ma nglo ma lara ge pet d’igi an had’ang na mi.

Wana ni mbaktum mba Paul mi b’irit mi Tit-ta 2:3

Hina mi, ang de marop momorogeina a ka’î d’igi arop suma yed’etna na, a kad’u sa d’i, a gurut ki süma d’uo mi. Ang arazi a hat ni hat ta djivid’a,

1 Pierre 4:10

Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na.

1 Pierre 5:2

Agi pologi ades tumiyôna hAlona ma mi hagizi abogina. Agi ngomom ki hur ma djivina d’igi Alona mi min na, wani ni kad’enga d’i. Ar agi lagi sun magid’a á fe beged’a d’i, wani ni kur min magid’a.

2 Pierre 2:10

Kal pet mba mi ka sariyad’a yam suma a nga tit bugol djib’er ra ndjendjed’a hi sa mazi ma adjeuna suma a nga gol ad’enga hAlonid’a isâ. Ni suma a hat hat ta tcho d’a an dagi katina, ni suma bei le mandarâ, ni suma tum didi’â. Azi nga ge yazi kä avok ahle suma ari suma subur suma akulona d’i, wani a nga nguluziya.