Wana ni mbaktum mba Paul mi b’irit mi Tit-ta 1:10 - Bible azumeina

¹⁰ Suma tchila yam gata a nga ablaud’a, ni suma bei hum vuna, ni suma lop suma ki zla mazi d’a de d’a hawa yakina. Ablawazi ni Juif suma a mbut huruzina.

Wana ni mbaktum mba Paul mi b’irit mi Tit-ta 1:10 Kruisverwysings

Matiye 23:14

Ni zla d’a hohoud’a kagi agi suma hat gata ki Fariziyê suma lop ira, kayam agi tagi ahlena harop suma modonod’ina, agi tchenegi tchen nda fiyak ka lop ira. Kayam ndata, Alona mba mi kagi sariya d’a tcho d’a kal teglesa kagiya.]

Sunda hi suma a sunuzinid’a 11:2

Kid’a Pierre mi i Jerusalem-mba, Juif suma a he gagazid’ina a yalam ala:

Sunda hi suma a sunuzinid’a 15:1

Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Sunda hi suma a sunuzinid’a 15:24

Ami humumi zlad’a hi suma ding suma a tchol ka hî adigami a iza a hlagi djib’er magid’a akulo ki zla mazi d’a ded’ina. Ami hazi nga vuna ni ami d’i.

Sunda hi suma a sunuzinid’a 20:29

An wala bugol i manda, suma d’igi ngûna na a mba kal adigagiya, a mba ar adesâ hi tumiyônina d’i.

Galat-na 2:4

wani b’oziyoi suma ka zla suma a kal adigamina, a min ngad’am bayâd’a. Ni suma a nga kal kur ades meina gumun á gol mbut mei d’a ei mbud’i gro vuta zlapa tu ki Jesus Christ-sa. Azi min ei hulongeî kur magomba.

Galat-na 3:1

Agi Galat suma lilid’a, sama mbud’ugi iragi ni nge ge? Agi suma a tchagi wal matna hi Jesus Christ mám ma ata agu ma b’ala woi pid’a’â,

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

1 Timote 1:4

Ang dazi a ar djudjun nda hawa yaka kandjaf ma ndum ma dabi mamba nga d’uo na woyo. Kayam zla d’a hina d’a ti tcholî ki tuguyod’a, wani nga d’i ndjak ki minda hAlonid’a á sut suma yam he gagazi mazid’a d’i.

1 Timote 1:6

Suma hiuna a ar wa vun ma he máma, a vit wa tazi woi kur tuguyo d’a hawa yaka.

1 Timote 1:9

Ei wei ala a tin gata ni yam suma d’ingêrâ d’i, wani ni yam suma tchila yam gatina, yam suma bei ge yazi kä na, yam suma asa’atna, yam suma tchona, yam suma bei hum vun Alonina, yam suma bei djib’er yam Alonina, yam suma tchabuyozi kasuyozina, yam suma tchi matna,

2 Timote 3:13

Wani suma le tchod’a ki suma lop suma a mba i avogovok kur tcho mazid’a, a mba vit suma woyo, azi tazi a mba vit tazi woi mi.

2 Timote 4:4

Azi mba duk humazi woi á hum zla d’a gagazid’a, a mba tin humazi á hum djudjun nda hawa yaka.

Wana ni mbaktum mba Paul mi b’irit mi Tit-ta 1:6

Mbeî ma ngol ma gol Toka ni ma bei zlad’a kama, ni ma katchad’a tuna, ni ma groma a he gagazid’ina, ni sama suma bei kal kam yam zla d’a tchod’a d’oze tchilad’a ba na.

Jacques 1:26

Le sama ding djib’er ala mam he gagazid’a yam Alona, wani le nga mi ngom sinam mbuo ni, mi lop mi tamu, he gagazi mam mba yam Alonid’a ni hawa.

1 Jean 2:18

Grona, ad’u dabid’a ar go. Agi humugi adjeu ala Ma djangûna hi Christ-sâ nga mi mba; ki tchetchemba, suma djangûna hi Christ-sâ ablaud’a a mba wa da’. Ni na ba, ei wei ala ad’u dabid’a mba wa go.

1 Jean 2:4

Sama dala: An wumu, wani nga mi ge yam kä ad’u vun ma he mama d’uo na, ni sama ka zlad’a, zla d’a gagazid’a ti nga kurum mbi.

1 Jean 4:1

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.

Vama ndum mbeina 2:14

Wana ni vama an mining nguo kama: Ang nga ki suma a ve hata hi Baläm ma mi hat Balak á tchuk Israel-lâ kur tchod’a á tahle suma a tuwal ki fileinina, á le mizeuna mi.

Vama ndum mbeina 2:6

Vama ang lum ata yama ba wana: Ang noî sunda hi Nikolait-ta d’igi an noyôt na mi.