Suma ka sariyad’a 9:6 - Bible azumeina

⁶ Suma avo Sikem-ma ki suma avo Milo-na pet a tok taziya, a mba tin Abimelek amula go kagu sen ma nga Sikem-ma.

Suma ka sariyad’a 9:6 Kruisverwysings

2 Samuel 5:9

David mi ar kaka kur azì ma ad’eng ma ngungu máma, mi yum ala Azì ma ngolâ hi David-na. Mi nguyum mbei ki gulumun ma minda, tinï ad’ud’a bugol Milo dei gak krovo mi.

1 Amuleina 12:1

Robowam mi i Sikem kayam Israel-lâ pet a tok sä kua á tinim amula.

1 Amuleina 12:20

Ata yima Israel-lâ a hum ala Jerobowam mi hulongî wa na, a yi tazi kur tok mazid’a, a yumï adigaziya, a tinim amula yam Israel-lâ. Nandjafâ hi Juda-na hol ba, mi ar zlapa kandjafâ hi David-na.

1 Amuleina 12:25

Jerobowam mi min azina avo Sikem yam ahina d’a Efraim-mba á kak kua. Bugola, mi ar Sikem, mi i min azina avo Penuwel.

2 Amuleina 12:20

Mam suma nglona a ndjak vunazi á kak djangûna ki sed’emu. Suma dingâ mbà adigaziya, ma hina a yum ala Jozakar ni Simat goroma, ma hina a yum ala Jozabat ni Somer goroma, a tom a tchum avo Milo go ki lovot ta djak kä i Sila-d’a. Suma Juda-na a tozom gen simiyêm kur Azì ma ngolâ hi David-na. Goroma Amasiya mi vrak tamula blangâmu.

Josue 24:26

Mi b’ir zla ndata kä kur mbaktum mba gata hAlonid’a, mi hlahina d’a ngola, mi tinit akulo kad’ut ad’u agu ma a yum ala sen ma nga kur yima a tinim iram vam mi Ma didinina na.

Suma ka sariyad’a 9:5

Mi hulong avo habum avo Ofra, mi tchi b’oziyom suma Jerubäl gromina dok kid’iziya yam ahina d’a tud’a. Ma gorâ tu, a yum ala Jotam, mi prut teyo, kayam mi ngei tamu.

Suma ka sariyad’a 9:7

Jotam mi huma, mi i djak akulo yam ahina d’a Garizim-mba yat ta ked’iwurenga, mi er ad’um akulo, mi dazi ala: Agi suma nglo suma Sikem-ma, agi humunu, ar Alona mi humugi mi!