Suma ka sariyad’a 6:3 - Bible azumeina

³ Ata yima Israel-lâ a zum awuna kä na, suma Madiyan-na ki suma Amale’â zlapa ki suma a nga kaka abo ma yorogonina, a mba atazi durâ.

Suma ka sariyad’a 6:3 Kruisverwysings

Ad’u Tinda 25:6

wani kid’a mam nga ki iram tua d’a, mi hahlena mamiyôm suma gureina grozina, mi walazi woi ki goroma Isak, mi dazi ala a i yam andagad’a abo ma yorogonid’a.

Ad’u Tinda 29:1

Jakob mi tchol mi i iram abo ma yorogona.

1 Amuleina 20:27

Ahap mi i gol azigar mam suma Israel-lâ mi, mi hazi tena. Bugola, azi i ngruf tazi ki suma Siri-na. Azi vanguvora ad’u mbà d’igi mola haho’îd’a mbà na abo ma irazina, wani suma Siri-na a oî yina woi yam ambasa.

1 Amuleina 4:30

Salomon ne mamba ti kal ned’a hi suma Mesopotami-na ki d’a hi suma Ezipte-nid’a pet mi.

1 Amuleina 5:10

Hina Hiram mi hagu sedrena kagu siprena pet mi Salomon d’igi mam min na.

Wana ni mbaktumba hi Job-pa 1:3

Tumiyô mama ni 7000, djambala ni 3000, amuzlei suma zuma ni kakapa 500, koro d’a aropma ni 500, suma a lum sundina ablaud’a heî mi. Ni sama ngol ma kala aduk suma abo ma yorogo suma mam nga kaka adigazina.

Wana ni mbaktumba hi Job-pa 31:8

ar an zara, wani sama dingâ mi të, ar vama an zarama a pad’am kä woi ki sideyem mi.

Buzuk ka Abud’a 17:8

Suma Amale’â a mba, a dur Israel-lâ ata yima a yum ala Refidim-ma.

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Jeremi 49:28

Wana ni zla d’a Ma didina mi dat yam andjaf suma Arap suma Kedar-râ ki suma kur leud’a hi Hasor suma Nebukanezar amul ma Babilon-na mi te kazina. Mi dala: Agi tchologi akulo, agi i durugi suma Kedar-râ, agi tchagi suma abo ma yorogona woyo.

Ezekiyel 25:3

Ang dazi ala: Agi humugi zlad’a hi Salad’a Ma didinid’a. Salad’a Ma didina mi dala: Agi dagi ala: Tchuhu ngrang! yam yi man ma an tinim iram vama ata yima mi mbut ndjendjed’ina, yam andaga d’a Israel-la ata yima a b’lagat teina, yam suma Juda-na ata yima a izi magombina.

Ezekiyel 25:4

Ni kayam zla ndata ba, an nga ni hagi woi abo suma abo ma yorogonina. Azi mba ge kangâ mazina kur ambas magid’a, azi mba min yi mazi ma kaka adigagiya. Ni azi ba, a mba te vud’agu magina, a mba tche ambir magid’a mi.

Sunda hi suma hi Levi-nid’a 26:16

wana nahle suma an mba ni mbagizï kagina: An mba ni mba á mbud’ugi mandarâ. An mba ni tumugi ki tugud’ei d’a homozed’a ki ta d’a kumura suma a mba kagi iragi mbuleina gak dabagi ari magid’a woina. Agi mba fagi ndaka, agi mba zaragi ahlena ni hawa na; magi suma djangûna a mba tazi naziya.

Mise 6:15

Agi mba zaragiya, wani agi mba dud’ugi d’i; agi mba yorogi vut olifâ, wani agi mba lagi mbulum atagi d’i; agi mba mired’egi guguzlud’a, wani agi mba tchat sümut ti.

Gat ta a hat á mbàd’id’a 28:51

Azi mba yogi d’uwar magina kawu magina; agi mba bogi woi abo meid’a. Azi mba aragi awu magi d’oze süm guguzlu d’oze mbul loze d’uwar magi ma nglona groma d’oze magi ma gureina groma d’uo mi gak agi dabagi woyo.

Suma ka sariyad’a 10:12

suma Sidon-na, suma Amale’â ki suma Mawon-na, a kid’eyêgi iragid’a, agi tchigi kan ni, an sud’ugi nga woi abozi d’uo zu?

Suma ka sariyad’a 3:13

Eglon mi tok suma Amon-na ki suma Amale’â, mi i dur Israel-lâ, mi digizi woi kur azì ma ngol ma Jeriko ma amulongeîna a nga kuana.

Suma ka sariyad’a 6:2

Suma Madiyan-na a nga djop vun Israel-lâ ngola. Kayam ndata, Israel-lâ a i ngei tazi angra ahuniyôna, kur zul ahuniyôna akulo yam ahuniyô suma fuyogeina abo suma Madiyan-na.

Suma ka sariyad’a 6:33

Suma Madiyan-na pet ki suma Amale’â ki suma a nga kaka abo ma yorogonina a tok taziya, a djak alum ma Jurdê-na, a ve kang mazina kur hor ra Jisreyel-la.

Suma ka sariyad’a 6:4

A mba ve kang mazina abo ma irazina, a b’lak awu ma yam ambasina woi kakaf gak a mba abo ma ir Gaza-na, a nga ar vama te avo Israel loze tumiyôna d’oze amuzleina d’oze koro d’uo mi.

Suma ka sariyad’a 7:12

Suma Madiyan-na, suma Amale’â ki suma pet suma a nga kaka abo ma yorogonina, a nga oîd’a kä kur hora ni d’igi djera na. Djambal mazid’a ti ndak nga á ndum mbi, ti ni ablaud’a d’igi les ma avun alum ma ngolîna na.

Suma ka sariyad’a 8:10

Wani Zeba azi ki Salmuna a nga Karkor ki azigar mazina go ki 15.000. Azi pet ni azigar suma a ar hi suma a nga kaka abo ma yorogonina. Suma 120.000, a tchazi woi da’.