Suma ka sariyad’a 3:8 - Bible azumeina

⁸ Ma didina hurum zal ata Israel-lâ ngola, mi hazi woi abo Kusan-Risatayim amul ma Mesopotami-na. Israel-lâ a le sunda mi Kusan-Risatayim gak bizad’a klavandi.

Suma ka sariyad’a 3:8 Kruisverwysings

Ad’u Tinda 24:10

Azong máma mi yo djambala hi salamid’a dogo, mi i kahle suma djivina teteng suma salama humuzi aboma, mi tchol mi i yam andaga d’a Mesopotami-d’a kur azina hi Nahor-râ.

Sawal la giled’a 106:41

Mi hazi abo andjaf suma dingâ; suma a noyôzi woina a te kaziya.

Sawal la giled’a 129:1

Ni sawal la suma a djak Jerusalem á lü vun tilîna a hlata. Ar Israel-lâ a dala: Kazongôn dei man suma djangûna a lan ndaka burâ ki burâ.

Sawal la giled’a 44:12

Ang hami woi d’igi tumiyô suma a izi ata yima tchid’ina na, ang b’rawami woi aduk andjaf suma dingâ.

Sawal la giled’a 6:1

Ni sawal la David mi hlat kading ma ziyom klavandina, mi hat mi ma ngolâ hi suma hle sawalina.

Sawal la giled’a 85:3

Ang hle tchod’a hi sum mangîd’a woyo, ang vat hurung ngei yam tcho mazid’a pet mi. Tchol ndjö

Buzuk ka Abud’a 22:24

Hurun mba mi zal kagiya, an mba ni hagi woi abo suma; a mba tchagi woi avun ayî ma durâ; amiyôgina a mba ar modonod’a, grogina a mba ar hokuyod’a mi.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Sunda hi suma hi Levi-nid’a 26:17

An mba ni mbut iran kak djangûna ki sed’egiya. Agi mba tchugugi susub’ok abo magi suma djangûna; suma a noyôgina a mba te kagiya; agi mba tinigi tagi ringâ avorozi bei azi digigi ba.

Habakuk 3:7

An we suma Kus-sâ a nga kur ndaka ngola; suma Madiyan-na a nga zlak mi.

Romê-na 7:14

Ei wei ala gata ni hi Muzu’îd’a, wani an ni sama kur hliuna, an ni magoma hi tchod’ina mi.

Gat ta a hat á mbàd’id’a 29:20

Ma didina mba mi vat hurum mbei kam mbi. Hurum mba mi zal kamu. Vun ma ge ma a b’irim kur mbaktum mba wandina pet, Ma didina mba mi gumziya, mba mi tchum simiyêm mbei yam andagad’a.

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?

Suma ka sariyad’a 2:14

Ma didina hurum zal ngola ata Israel-lâ, mi hazi abo suma a hurum ahlena hi sumina, a hurumuziya. Mi guzuzi woi abo mazi suma djangû suma a nguyuzina. Kayam ndata, azi ndak nga á tchol avok mazi suma djangûna d’uo d’a.

Suma ka sariyad’a 2:20

Ata yi máma Ma didina hurum zal ata Israel-lâ ngola, mi dala: Kayamba andjaf sum ndazina a but vun ma djin ma an djinim kabuyozi ngolona woyo, a ge nga yazi kä ad’u zla manda d’uo d’a,

Suma ka sariyad’a 3:10

Muzu’â hi Ma didinina mi kak kamu, mi mbut ma ngol ma avok Israel-lîna, mi i á dur ayîna. Ma didina mi hum Kusan-Risatayim amul ma Mesopotami-na abomu, mi kus kamu.

Suma ka sariyad’a 3:7

Israel-lâ a le sun nda Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ kalo d’a a yat ala Asera-d’a.

Suma ka sariyad’a 3:9

Israel-lâ a nde tchi yam Ma didina; Ma didina mi tchol ki ma sud’uzina Otniyel Kenas ma Kalep wiyem ma gorâ goroma.

Suma ka sariyad’a 4:9

Debora ti hulong dum ala: Djiviya! An nga ni i ki sed’engû. Wani ang mba fe subura kur ayî ma dur máma d’i. Kayam Ma didina mba mi he Sisera nabo atchad’a. Bugola, Debora ti tchola, ti i ki Barak avo Kedes.

1 Samuel 12:9

Wani abuyogi ngolo a mar yam Ma didina Alo mazina. Kayam ndata, mi hazi woi abo Sisera ma ngolâ hi azigar suma Hasor-râ, abo Filistê-na kabo amul ma Mowap-ma, a dur ayîna ki sed’eziya.