Suma ka sariyad’a 21:5 - Bible azumeina

⁵ Israel-lâ a dala: Aduk Israel-lâ pet, andjaf ma mi i nga aduk toka avok Ma didina d’uo na ni ma lara ge? Kayam ei guni tei avok Ma didina avo Mispa ala: Andjaf ma mi i nga d’uo na, ei tchum mbeyo.

Suma ka sariyad’a 21:5 Kruisverwysings

Jeremi 48:10

Ar a ge vuna mi sama mi gol sunda hi an Ma didinid’a isâ, ar a ge vuna mi sama mi ar bei tchi sana ki mbigeu mam mba fiyakina!

Suma ka sariyad’a 21:1

Israel-lâ a gun tazi Mispa ala: Ar sa adigei tu mi he goromba ndjufâ mi sama hi Benjamin-na d’i.

Suma ka sariyad’a 21:18

Hina pet pî, ei ndak á hazi gurei suma aropma ndjufâ d’i, kayam ei guni tei ala: Ar Ma didina mi ge vuna mi sama Israel ma mba mi he goromba ndjufâ mi suma hi Benjamin-nina.

Suma ka sariyad’a 21:6

Israel-lâ a nga ki hur ma hata yam zlad’a hi b’oziyozi suma hi Benjamin-nid’a, a dala: Ini andjaf Israel-lâ sop mi ka wa woi aduk Israel-lâ.

Suma ka sariyad’a 5:23

Malaikana hi Ma didinina mi dala: Agi gagi vuna mazì ma Meros-sâ, agi gum vuna, agi gagi vuna mi suma a nga kaka kuruma mi, kayam azi mba nga á ndjun Ma didina d’i, a mba nga á dur ayîna zlapa ki mam suma gangrangâ d’uo mi.

1 Samuel 11:7

Mi yo amuzleina kap, mi pawazi woyo, mi sun suma ki hliwizi abozi kur ambas sa Israel-la pet, mi dazi woi ala: Sama i nga ad’u an Saul ki Samuel á dur ayîna d’uo na, an mba ni pawam amuzlei mama woi hina dedege. Israel-lâ a le mandarâ ngola yam Ma didina, a tok d’igi sama tuna na.

1 Samuel 14:24

Kur bur máma Israel-lâ a fe ndaka, kayam Saul mi gunuzi ala: Sama te tena bei afata mbut fladege avok bei an sä atchugulun ki man suma djangûnina, sa máma gunda vumu. Sa tu pî, mi te nga va d’i.