Suma ka sariyad’a 21:1 - Bible azumeina

¹ Israel-lâ a gun tazi Mispa ala: Ar sa adigei tu mi he goromba ndjufâ mi sama hi Benjamin-na d’i.

Suma ka sariyad’a 21:1 Kruisverwysings

Ma tchi wala 5:2

Kayam adï d’a ded’a ti mba nata djib’er ra ablaud’a; hina mi na, ang hum dela hi sama lilid’a ni kur zla d’a de d’a ablaud’a mi.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Jeremi 40:6

Jeremi mi i gen Gedaliya Ahikam goroma avo Mispa, mi ar kaka ki sed’em aduk suma a ar kaka kur ambasina.

Marik 6:23

Mi gunut tam ala: Ndak le tchenen ni me pî, an haksiya; le nabo leu manda pî an haksiya.

Sunda hi suma a sunuzinid’a 23:12

Kid’a yina mi fo dad’a, Juif-fâ a tok taziya, a gun tazi ala azi mba te d’oze tche va d’i gak azi tchi Paul mbeî tua.

Romê-na 10:2

Kayam an nga ni le glangâsâ kazi ala tazi nga d’i lazi zlezleû yam Alona, wani azi nga le kamî bei wad’ud’a.

Suma ka sariyad’a 20:1

Israel-lâ pet á buzugï woi tinï ad’ud’a Dan dei gak mba Berseba, ki suma yam ambas sa Galät-tina mi. Ablau suma a tok tazi avo Mispa ni d’igi sama tuna na.

Suma ka sariyad’a 20:10

Ei yoi suma aduk andjaf Israel ma lara pî suma dogo aduk suma kisâ, suma kis aduk suma dubuna, suma dubu aduk suma dudubud’a dogona mi. A i halï tena mi suma. Kur hulong mazid’a, ei mba i tagei va mi suma a nga Gibeya-d’a hi Benjamin-ndina yam sun nda tchod’a a lat aduk Israel-lîd’a.

Suma ka sariyad’a 20:48

Israel-lâ a hulongî ata suma hi Benjamin-na, a tchaziya, andjuveina, d’uwarâ kahlena pet suma azi fazina woi ki mbigeu d’a fiyaka hur azì ma nglo ma ar ta ta na, a ngalam mbei mi.

Suma ka sariyad’a 20:8

Suma pet a tchol akulo d’igi sama tuna na, a dala: Sa adigei tu pî mba mi i kur zlub’u mamba d’i, sa tu pî mba mi hulong avo hatam mbuo mi.

Suma ka sariyad’a 21:18

Hina pet pî, ei ndak á hazi gurei suma aropma ndjufâ d’i, kayam ei guni tei ala: Ar Ma didina mi ge vuna mi sama Israel ma mba mi he goromba ndjufâ mi suma hi Benjamin-nina.

Suma ka sariyad’a 21:22

Le abuyozi d’oze b’oziyozina a mba a tchi tazi gevemiya ni, ami mba dazi ala: Ami nga tchenegiya, ar agi humumi yam zlad’a hi suma hi Benjamin-nid’a, kayam ata yima ami durumi suma Jabes-sina, ami fami nga lovota á hazi aropma tutu pet tuo d’igi ni agi ba, hazi grogi suma aropma d’uo na. Sa mi ndak á tchugugi zlad’a kagi ala agi tchilagi ni yam gun ta d’a agi gunugi tagi d’a d’i.

Suma ka sariyad’a 21:5

Israel-lâ a dala: Aduk Israel-lâ pet, andjaf ma mi i nga aduk toka avok Ma didina d’uo na ni ma lara ge? Kayam ei guni tei avok Ma didina avo Mispa ala: Andjaf ma mi i nga d’uo na, ei tchum mbeyo.

Suma ka sariyad’a 21:7

Ei lei ni nana ba, ei mba fei aropma mi suma a arâ ge? Kayam ei guni tei avok Ma didina ala: Ei hazi gureina ndjufâ d’i.

1 Samuel 14:24

Kur bur máma Israel-lâ a fe ndaka, kayam Saul mi gunuzi ala: Sama te tena bei afata mbut fladege avok bei an sä atchugulun ki man suma djangûnina, sa máma gunda vumu. Sa tu pî, mi te nga va d’i.