Suma ka sariyad’a 19:16 - Bible azumeina

¹⁶ Gol wani, sama mamarâ mi tcholï abagei asine yima sunda, ni ma yam ahinad’a hi Efraim-mbina, mi nga ni kaka Gibeya, wani suma kuana ni suma hi Benjamin-na.

Suma ka sariyad’a 19:16 Kruisverwysings

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Sawal la giled’a 104:23

Ata yi máma sana mi nde á le sun mamba, mi le sun nda kaud’a gak fladege.

Sawal la giled’a 128:2

Ang mba fe mbina yam sun nda ang lat kabonga, ang mba le furîd’a, ang mba i avogovok mi.

Zla d’a d’ogolâ 13:11

Ndjondjoî d’a a fat ki mbut irid’a, mba d’i feyâ, wani sama nga mi tok ahlena ndendena, mba mi i avogovogo.

Zla d’a d’ogolâ 14:23

Sun nda lara ge pet wurak mata nga, wani zla d’a de d’a hawad’a ti mbangî ki meid’a.

Zla d’a d’ogolâ 24:27

Ang min sun mang nga woi abud’a avogo, ang min asineng djiviya, bugola, ang min aziyangû.

Ma tchi wala 1:13

An he tan á hal ned’a, á fek ad’u ahlena pet suma a nga lazi ka hî yam andagad’ina. Wani ni sun nda kau d’a Alona mi tinit yam sumid’a!

Ma tchi wala 5:12

An we vama tcho ma kalâ yam andagad’a ka hî. Ni ndjondjoî d’a salatna nga mi togot yam vama mba mi mba kam avinid’a.

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

Efes-sâ 4:28

Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

2 Tasaloni’â 3:10

Kid’a ami nga ki sed’egi tua d’a, ami hagi vuna ala: Sama min le sunda d’uo na, ar agi hum tena d’i.

Suma ka sariyad’a 19:1

Kur atchogoi d’a amul nga avok Israel-lâ d’uo d’a, sana hi Levi ma nga kaka avun dabid’a hi ahinad’a hi Efraim-mbina, mi vatcha d’a gor ra Betelehem mba Juda-d’a.

Suma ka sariyad’a 19:14

Azi i gak ata yima a mbaza go ki Gibeya d’a hi suma hi Benjamin-nina; afata ti nigiziya.

Suma ka sariyad’a 19:15

Azi hle lovot ta i Gibeya-d’a. Ma hi Levi-na mi kal kur azì ma ngolâ, mi tchol ata yima hur azì ma ngolîna d’ad’ar, mi fe nga sa tu ma vazi á bur avo hatama d’i.

Suma ka sariyad’a 19:17

Mi hle iram akulo, mi we sama akoid’a mi nga tchola ata yima hur azì ma ngolîna d’ad’ar. Sama mamarâ mi dum ala: Ang i nara ge? Ang tcholï ni lara ge?