Suma ka sariyad’a 13:1 - Bible azumeina

¹ Israel-lâ a nde le sun nda ding nga Ma didina tam nga d’i lum djivi kat tuo d’a kua avoromu. Ni kayam ndata ba, Ma didina mi hazi abo suma Filistê-na gak bizad’a dok fid’i.

Suma ka sariyad’a 13:1 Kruisverwysings

Jeremi 13:23

Ma Etiyopi-na mi ndak á mbut babagam zu? Sindilâ mi ndak á mbut d’udjo mamba zu? Hina mi, agi suma had’agi ki tcho d’a led’ina, agi ndak á lagi djivid’a d’uo mi!

Romê-na 2:6

Ata yi máma Alona mba mi wurak nge nge pî yam sun mam mba mi lata.

Hebre-na 11:32

An dok de ni zla me d’ei ge? Yina kid’agan á väd’u zlad’a hi Jedeyon azi ki Barak ki Samson ki Jepte ki David ki Samuel ki suma djok vun Alonid’a.

Suma ka sariyad’a 10:6

Israel-lâ a nde le sun nda ding nga Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ kalo d’a a yat ala Asera-d’a, a nga kud’or alo ma teteng ma hi suma Siri-na, hi suma Sidon-na, hi suma Mowap-ma, hi suma Amon-na, hi suma Filistê-nina mi. A ar Ma didina woyo, a nga lum sunda d’uo d’a.

Suma ka sariyad’a 10:7

Ma didina hurum zal yam Israel-lâ ngola, mi hazi woi abo suma Filistê-na ki suma Amon-na.

Suma ka sariyad’a 12:15

Bugola, Apdon ma Piraton-na Hilel goroma mi mid’a. A tozom avo Piraton kur andagad’a hi Efraim mba yam ahinad’a hi suma Amale’îd’a.

Suma ka sariyad’a 14:4

Abum azi kasum a we nga d’ala ni Ma didina ba, mi lahle ndazina d’a d’i. Kayam Samson mi halî lovota á tchol huneîd’a ki suma Filistê-na. Kur atchogoi ndata suma Filistê-na a nga te yam Israel-lâ.

Suma ka sariyad’a 15:11

Kayam ndata, suma Juda-na a yo tazi 3000, a i kur zul ahina d’a Etam-mba, a de mi Samson ala: Ang we nga d’ala Filistê-na ba a te keya d’uo zu? Ang lami ni me hina ge? Mi hulong dazi ala: An le ki sed’ezi ni d’igi azi le ki sed’en na mi!

Suma ka sariyad’a 15:20

Samson mi kak ma ngolâ avok Israel-lâ ata yima Filistê-na a nga te leud’a kazina gak bizad’a dok mbà.

Suma ka sariyad’a 2:11

Israel-lâ a nde le sun nda Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ.

Suma ka sariyad’a 3:7

Israel-lâ a le sun nda Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ kalo d’a a yat ala Asera-d’a.

Suma ka sariyad’a 4:1

Bugol matna hi Ehut-na, Israel-lâ a nde le sun nda ding nga Ma didina tam nga d’i lum djivi kat tuo d’a.

Suma ka sariyad’a 6:1

Israel-lâ a hulong le sun nda ding nga Ma didina tam nga d’i lum djivi kat tuo d’a. Ma didina mi hazi woi abo suma Madiyan-na gak bizad’a kid’iziya.

1 Samuel 12:9

Wani abuyogi ngolo a mar yam Ma didina Alo mazina. Kayam ndata, mi hazi woi abo Sisera ma ngolâ hi azigar suma Hasor-râ, abo Filistê-na kabo amul ma Mowap-ma, a dur ayîna ki sed’eziya.

1 Samuel 4:9

Agi Filistê-na, ei vei teya! Ei kagei andjofâ! Ar ei mbud’i magumeina hi Hebre-na d’igi azi ni magumei meina avok na d’i; ei vei teya! Ei duriziya!

1 Samuel 7:13

Ni hina ba, suma Filistê-na a hulong yazi kä, kayam me ata yima Samuel mi nga ki iram tua na, suma Filistê-na a hulong nga á hlandagad’a hi Israel-lîd’a d’uo d’a, kayam Ma didina nga mi ngobozi teteu.