Suma ka sariyad’a 10:16 - Bible azumeina

¹⁶ Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.

Suma ka sariyad’a 10:16 Kruisverwysings

Ad’u Tinda 6:6

mi mbut hat hurum yam le d’a mi le sana yam andagad’id’a. Kayam ndata, hurum zal ngola,

2 Amuleina 13:23

Wani Ma didina mi wazi hohowoziya, mi vat hurum mbei kaziya, kayam vun ma djin ma mam djinim ki Abraham ki Isak ki Jakob-ma. Mi min b’lagazi woi d’i gak ini mi arazi nga woi d’uo mi.

2 Sunda Hamuleinid’a 15:8

Ata yima amulâ mi hum zla d’a ma djok vun Alona Azariya Odet goroma mi datina, mi ve tam ad’enga, mi pleî ahle suma ndjendje suma kur ambas sa Juda-d’a ki suma kur ambas sa Benjamin-nda ki suma kur azì ma nglo ma mam hlum yam ahina d’a Efraim-mbina woi pet. Mi hulong min yima ngal ahle suma ngat buzu ma b’lak kei ma nga avun gong nga kud’ora hAlonid’ina akulo mi.

2 Sunda Hamuleinid’a 33:15

Mi yo alona handjaf suma dingîna ki filei ma a tched’ema woi kur gong nga kud’ora hi Ma didinid’a, mi to yima ngal ahle suma ngat buzu suma mam minim yam ahina d’a gonga hi Ma didinid’a nga kua avo Jerusalem-ma woyo, mi tchugum sä woi bugol azì ma ngolâ.

2 Sunda Hamuleinid’a 7:14

le man suma a nga yan simiyêna a hulong wa yazi kä, a tchenenu, a hal á wan iranu, le a ar tcho mazid’a woyo ni, an mba ni humuzï akulo, an mba ni vat hurun ndei yam tcho mazid’a, an mba ni mbut ambas mazid’a djivid’a.

Sawal la giled’a 73:21

Ata yima an nga kur hur ma zalina, hurun nga mi tan d’igi sa mi tchogondji ni tchoga na,

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Wana ni mbaktumba hi Oze-d’a 14:8

Suma Efraim-ma a mba dala: Vama ndolomi ki fileina ni me ge? An mba ni hulongôzi humba yam tchen mazid’a, an mba ni tin iran kaziya, an mba ni mbut ni d’igi agu sipre ma d’uf ma gugulîna na kaziya. Ni yam an ba, agi fagi ki te magina.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Wana ni Zla d’a Djivi d’a Luc mi b’irita 15:20

Mi tchola, mi i gen abumu. Kid’a mam sä woi hina dei tua d’a, abum mi wumu, mi wum hohowomu, mi ring d’ugulomu, mi vum atam ki furîd’a.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Jean 11:34

mi djobozi ala: Agi gumî lara ge? A dum ala: Salamina, ang mbeï gola.

Efes-sâ 4:32

Wani agi lagi djivid’a aduk tagiya, agi wagi hohowa tagi mi. Ar agi vad’agi hurugi woi yam tagi d’igi Alona mi vat hurum mbei kagi yam Christ na mi.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Hebre-na 3:10

Kayam ndata, hurun zal ngola yam sum ndazina. An dazi ala: Azi nga vit tei burâ ki burâ kur djib’er mazid’a, a we nga lovot manda yazi tu d’i.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Josue 24:23

Ata yi máma Josue mi dazi ala: Ki tchetchemba, agi tchugugi alo ma ding ma nga adigagina woyo, agi mbud’ugi hurugi yam Ma didina Alona hi Israel-lîna.

Suma ka sariyad’a 2:18

Ata yima Ma didina mi tinizi suma avorozina, Ma didina mi nga zlapa ki ma avorozi máma, nga mi pad’azi woi abo mazi suma djangûna, kid’a ma avorozi máma mi nga ki iramba. Kayam Ma didina mi wazi hohowozi yam zam ta d’a azi nga zamat abo suma a nga lazi ndaka suma a nga djobozi vunazina.

1 Samuel 12:10

Abuyogi ngolo a yi Ma didina kua á ndjunuziya, a dum ala: Ma didina, ami lami tchod’a, ami arang ngei á le sunda malo ma hawa yak ma a yum ala Bäl-lâ kalo d’a hawa yak ka a yat ala Astarte-d’a. Wani ki tchetchemba, ang sud’umi woi abo mami suma djangûna; ami mba lang sunda.

1 Samuel 7:3

Samuel mi de mi Israel-lâ ala: Le agi hulongôgï gen Ma didina ni ki hurugi tu ni, agi aragi bei kud’or alo d’a a yat ala Astarte-d’a kalo ma dingâ pet teyo. Agi zlabagi ki Ma didina, agi kud’uromî mam tu go. Hina wani, mam mba mi sud’ugi woi abo Filistê-na.

1 Samuel 7:4

Ata yi máma Israel-lâ a wal lei kalo ma a yum ala Bäl-lâ kalo d’a a yat ala Astarte-d’a, a kud’orî Ma didina tu go.