Sofoni 3:5 - Bible azumeina

⁵ Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Sofoni 3:5 Kruisverwysings

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Wana ni mbaktumba hi Job-pa 34:10

Agi suma wäd’u zlad’a, agi humunu! Alona nga ni sama asa’atna d’uo, Ma ad’engêm kal petna ni ma le sun nda ata yat tuo d’ina d’uo mi.

Wana ni mbaktumba hi Job-pa 7:18

d’oze ang d’um yorogo burâ ki burâ, d’oze ang kugum lera ki lera d’a ge?

Wana ni mbaktumba hi Job-pa 8:3

Na ni Alona mi b’lak sariya d’a d’ingêra woi zu? D’oze Ma ad’engêm kal petna mi b’lak zla d’a d’ingêra woi mi zu?

Sawal la giled’a 145:17

Ma didina ni ma d’ingêrâ kur lovot mamba pet, mam mi ma djivina kur sun mam mba led’a pet mi.

Sawal la giled’a 37:6

Mam mba mi ndang d’ingêr manga woi d’igi b’od’a na, sariya mang nga irata mba d’i nde woi d’igi afat ta faleid’a na.

Sawal la giled’a 92:15

Kur mamarazi pî a nga vut kua, ambirizi nga, humazi nga d’i got mi.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Isai 28:19

Yorogo d’a lara ge andjege ki faleya, ata yima lara ma ti mba d’i kalâ, mba d’i vagiya. Ni siwel mata go ba, mba d’i mbud’ugi mandarâ!

Isai 33:2

Ma didina, ang wami hohowomiya. Ami tinimi hurumi ni kang angû. Ang mbut ad’eng mamid’a ki yorogo d’a lara ge pet, ang mbut ni ma sud’umina kur bur ma ndaka mi.

Isai 45:21

Agi tchagi wala agi dagi woi yam ahle ndazina. Ar suma a tok tazi a de tazi d’alâ. Ni nge ba, mi de woi yam ahle ndazina kad’u tinda mi de woi kazi avok dedei ge? Nga ni an Ma didina d’uo zu? Alo ma ding nga woi kengên ndi. An tu nAlo ma d’ingêr ma sut suma. Alo ma ding nga d’i.

Isai 50:4

Salad’a Ma didina mi had’an tala an we zla d’a ded’a á ndjun ki sama mi kauna d’a. Yorogo d’a lara pî nga mi zlid’in akulo tala an hum d’igi suma hata a hum zlad’a na d’a.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Hor ma tchina 3:23

Yorogo d’a lara pî, azi nga mbut awilid’a. Ma didina, d’engzeng manga ti ngola heî!

Ezekiyel 18:25

Agi nga dagi ala: Lovota hi Ma didinid’a nga d’ingêr ri. Agi Israel-lâ, agi humagiya. Ni lovot manda ba, ti nga d’ingêr ruo zu? Ni lovot magid’a ba, ti nga d’ingêr ruo d’ö gi?

Ezekiyel 48:35

Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Wana ni mbaktumba hi Oze-d’a 6:5

Kayam ndata, an nga ni zut suma djok vuna á togiya, an nga ni tchagi ki zla d’a de d’a avunanda. Sariya manda mba d’i ndeï woi d’igi b’o d’a faleid’a na.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 7:9

Ami mba vami tami kur ayîna hi Ma didinina, kayam me ami lami tchod’a avoromu. Wani yina nga mi mba, mba mi ndjunumiya, mba mi kami sariya mamid’a mi. Mba mi ndami woi kur b’od’a, ami mba golomi d’ingêr mamba mi.

Habakuk 1:3

Ni kayam me ba, ang aran an nga ni gol tchod’a, ang nga gol djop vuna ki irang na ge? Hurumba ki huwaka a nga avoronu, ayîna ki yalâ a tchol akulo mi.

Sofoni 2:1

Agi andjaf ma bei zulona ba na, agi togogiya, agi togogi tagi

Sofoni 3:13

Israel suma a mba arâ a mba le tchod’a d’i, a mba ka zla d’i, a mba fe zla d’a mbut ira avun sa adigazi d’uo mi. Wani azi mba fe yima te hatna, a mba tuk tazi bei sa mi mbud’uzi mandar ba.

Sofoni 3:15

Ma didina mi ar wa ngop pa mam ngobogi ki d’a woyo, mi hulong wa magi suma djangûna kazigaziya. Ma didina amulâ hi Israel-lîna mi nga adigagiya, agi dok lagi mandara vama tcho d’uo d’a.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Wana ni Zla d’a Djivi d’a Luc mi b’irita 12:2

Wani vama nga ngeid’a kä ma a mba ba bei ndum mbei pid’a’â nga d’i, vama gumun kä ma a mba ba bei ndum mbei pid’a’â nga d’uo mi.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Romê-na 3:26

Wani ki tchetchemba, Alona mi tak kei ala mam mi Ma d’ingêrâ, kayam mam min ala mi mbut suma pet suma a he gagazid’a yam Jesus-na d’ingêr mi.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Gat ta a hat á mbàd’id’a 23:14

Ar kang magina mi ka’î yed’et, kayam Ma didina Alo magina nga mi tit kur kangâ á ngomogiya, á dik magi suma djangûna woi avorogi mi. Ar mi we vama ndjendjed’a avo hatagi we ba, mi hulong ngei kazigam mbi.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.