Sofoni 3:2 - Bible azumeina

² Azi hum nga yid’a hi Ma didinid’a d’i, a nga min ngop pa mi ngobozid’a d’i, a nga tin huruzi kam mbi, a nga hut gevem mam Alo mazina d’uo mi.

Sofoni 3:2 Kruisverwysings

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

Sawal la giled’a 10:4

Wana ni djib’era hi sama asa’atnid’a ki yam mba ad’eng mamba nga mi dala: Alona mba mi van ki zlad’a d’i! Kur djib’er mamba pet mi dala: Alona mi nga d’i!

Sawal la giled’a 73:28

Wani vama lan tan furîd’ina, ni d’ala an hut go geveng ang Alona d’a. Salad’a, Ma didina, an tin hurun ni kayam ang á de zla sun nda ang lata woi pet.

Sawal la giled’a 78:22

Kayam azi he nga gagazid’a kam mbi, a tin nga huruzi yam sut mamba d’uo mi.

Zla d’a d’ogolâ 1:7

Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is.

Zla d’a d’ogolâ 5:12

Ang mba dala: Hiye! An le ni nana ba, an noî hata ge? An le ni nana ba, an gol ngopa is ke?

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 43:22

Ma didina mi dala: Agi Israel-lâ, ni an ba, agi yan ndi, wani agi suma hi Jakob-ma, agi kawagi ni kawa kan ndö.

Isai 9:12

Hina pî, Israel-lâ a hulongî nga gen ma nga mi ngobozina d’i, a hal nga Ma didin ma ad’engêm kal petna d’uo mi.

Jeremi 13:25

Ma didina mi dala: Ndak Jerusalem, wana ni vama an ngaksi ka’â, wana ni b’rau maka, kayam ndak maranu, kayam ndak tin huru’î yam zla d’a kad’a mi.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Jeremi 22:21

Ata yima ndak nga kur ndjondjoîd’ina, an dak zlad’a, wani ndak dala: An min humung ngi. Wana ni tit maka ki gogorok dei. Ndak humun nga vunan ndi.

Jeremi 32:33

Wani a ar zla d’a a mbut irazi iranda ta, a han ni huyogoziya. A nga had’azi ki yorogo dei wan pî, a nga hum hat ndata d’i.

Jeremi 35:13

An Ma didin ma ad’engên kal petna, Alona hi Israel-lîna, nga ni dangû, ang i de mi suma Juda-na ki suma a nga kaka avo Jerusalem-ma ala: Agi nga vagi hata d’uo, agi nga gagi yagi kä ad’u zla d’a an Ma didina ni data mi d’uo zu?

Jeremi 35:17

Ni kayam ndata ba, an Ma didina Alo ma ad’engên kal petna, Alona hi Israel-lîna, nga ni dagiya: Gola! An nga ni mba ki ndak ka an dat zlata yam suma Juda-na, yam suma a nga kaka kur Jerusalem-ma pet mi, kayam an dazi zlad’a, wani azi humun nga d’i; an yaziya, wani azi hulong nga humba d’uo mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Ezekiyel 22:24

Ang gor sana, ang de mi Israel-lâ ala: Ambas magid’a mba d’i mbut ni d’igi andaga d’a alona mi se nga kat tuo d’a na. Ti mba d’i so woi abo ayî mana d’igi andaga d’a bei mbinid’a na.

Ezekiyel 24:13

Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Sofoni 1:6

An mba ni dap suma a noyôn an Ma didina suma a nga halan nduo suma a nga djobon yam va d’uo na woyo.

2 Timote 3:16

Mbaktumba hAlonid’a pet, nAlona ba, mi fo muzugam kua. Djivid’a nga kua á hat suma gagazid’a, á ngop suma, á d’op suma yam tchod’a, á simad’azi á le d’ingêra,

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.