Sofoni 3:16 - Bible azumeina

¹⁶ Kur bur máma a mba de mi suma Jerusalem-ma ala: Ar agi lagi mandar ri, a mba de mi suma Siyon-na ala: Ar abogi mi ngrap pi.

Sofoni 3:16 Kruisverwysings

Wana ni mbaktumba hi Job-pa 4:3

Gola! Ang hat suma ablaud’a, ang had’enga mi suma a mbut amangeîd’a kekeb’ena.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 40:9

Agi suma Jerusalem-ma, agi djagagi akulo yam ahina d’a fiyaka, agi suma Siyon-na, agi dagi zlad’a ki delegi akulo kad’engêgi pet, kayam a hagi zla d’a djivid’a abogiya. Ar agi lagi mandarâ á dat tei d’i. Agi dagi mi suma kur azì ma nglo ma Juda-na ala: Gola! Alo magina wana!

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 44:2

Ma didin ma mi lagi ma mi minigi kur asuyogi dei ma nga mi ndjunugina, mi dala: Agi suma hazong mana Jakob-ma, agi Israel suma an managina, agi lagi mandar ri.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Joel 2:21

Andagad’a, ar ndak le mandar ri, ndak le furîd’a kayam Ma didina mi lahle suma nglona!

Zakari 8:13

Agi suma kur leu d’a Juda-d’ina ki suma kur leu d’a Israel-lina, adjeu agi mbud’ugi ni d’igi suma a gazi vunina na aduk andjaf suma, wani ki tchetchemba, an nga ni sud’ugiya, agi mba mbud’ugi ni suma a b’e vuna kazina. Agi vagi tagi ad’enga, ar agi lagi mandar ri!

Zakari 8:15

Wani ki tchetchemba, an nga wa hurun á lagi agi suma Jerusalem-ma ki suma Juda-na djivid’a. Ar agi lagi mandar ri!

Jean 12:12

Tcha ndjivinda ablau suma ngola a mba vun tilâ a hum ala Jesus nga mi mba Jerusalem.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

Galat-na 6:9

Ar ei tei tchuk lus á le sun nda djivid’a d’i. Le ei tei tchuk nga lus suo ni, fata yina ndaka, ei mba fed’eya.

Efes-sâ 3:13

Ni kayam ndata ba, an nga ni tchenegiya, ar tagi tchuk lus yam ndak man nda an nga ni fat kagid’a tala ni subur magid’a d’a d’i.

Hebre-na 12:12

Kayam ndata, ar agi yogi abogi ma kauna akulo, agi siragi guguvagi ma amangeîna mi.

Vama ndum mbeina 2:3

Ang nga ve tang ad’enga, ang nga fe ndaka kanu, wani ang tang tchuk nga lus si.