Sofoni 2:9 - Bible azumeina

⁹ Kayam ndata, an ma bei matna Ma didin ma ad’engên kal petna, Alona hi Israel-lîna, ni dala: Mowap mba d’i mbut ni d’igi Sodom na, Amon mba d’i mbut ni d’igi Gomor na. Yazi mba mi se kekerezeuna, mba mi mbut ni zul la a djugot ndjuvuna kuad’a, mba mi arî djona ki iram fafat. Sum mana ad’uzi d’a ara a mba hurumuziya, andjaf man suma a mba ar nde na a mba hlambas mazid’a mi.

Sofoni 2:9 Kruisverwysings

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Isai 25:10

Kayam Ma didina abom nga tinda yam ahina ndata, a mba miret suma Mowap-ma kä ata yazi d’igi sana mi miret asuna kä kur zul la a kat á tchuk siligitna kuad’a na.

Isai 49:18

Ndak hle irak akulo, ndak gol lei kengêk hina. Suma pet a toga, a nga djï gevegu. An Ma didin ma bei matna, ni de na. Ndak mba tchuguzi atak pet d’igi sana mi tchuk ahlena atam na. Ndak mba djinizi atak d’igi gor wei d’a a kata nga d’i tchuk ahlena atat na.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Jeremi 48:1

Wana ni zla d’a Ma didin ma ad’engêm kal petna, Alona hi Israel-lîna, mi dat yam suma Mowap-mid’a. Mi dala: Ni zla d’a hohoud’a yam azì ma Nebo-na, kayam a b’lagam mbei da’. Suma kur azì ma Kiriyatayim-ma a mbut zulona, kayam a hlum da’. Suma a nga kur gong nga fiyaka á ndjolina a mbut zulona, kayam a b’lagat tei da’.

Jeremi 49:1

Wana ni zla d’a a dat yam suma Amon-nid’a: Ma didina mi dala: Israel-lâ a nga ki gro d’uo zu? Ma te djo mazi mi nga d’uo zu? Ni kayam me ba, alo ma a yum ala Milkom-ma mi hlandaga d’a Gad-ta ge? Ni kayam me ba, sum mama a kak kur azì mam ma nglona ge?

Jeremi 49:18

Ma didina mi dala: A mba b’lagam mbei d’igi a b’lak azì ma Sodom-ma kazì ma Gomor-râ kazì ma nglo ma nguyuma woi adjeu na, a mba fe sama kak kur ri. Sa tu pî mba mi kak kua d’i.

Jeremi 49:33

Azì ma Hasor-râ mba mi mbut ni domina hi hânina, mi arî djona ki iram fafat. A mba fe sama kak kur ri, sa tu pî mba mi kak kua d’uo mi.

Jeremi 50:40

Ma didina mi de kua ala: Babilon mba d’i mbut ni d’igi azì ma Sodom-ma kazì ma Gomor-râ kazì ma nglo ma nguyuzi suma an b’lagazi woi adjeuna na. Sa mba mi kak kua d’i, sa tu pî mba mi kak kua d’uo d’a.

Amos 1:13

Ma didina mi dala: Suma Amon-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ze hur arop suma Galät-na woi á wul andaga mazid’a avogovogo,

Amos 2:1

Ma didina mi dala: Suma Mowap-ma a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ngal asok amul ma Edom-ma woi á mbud’um butna,

Sofoni 2:14

Ades d’uwarâ mba mi tuk tam kuru, andjaf ahle suma abagei suma lara ge pepet zlapa ki bud’ufâ ki tchetchema a mba bur akulo yam agu ma murgulina yam mba djumba, a mba tchi ir fenetred’a wü, agu ma avun gongîyonina mba mi b’lak keyo, agu sedre ma ped’a ngingitna a mba pad’am mbei mi.

Sofoni 2:7

Vun alum máma mba mi arî mandjafâ hi Juda ma arâ, ni kua ba, a mba pol d’uwar mazina, a mba tuk tazi fladege kur azì ma Askalon-na, kayam Ma didina Alo mazina mba mi mar kazi d’i, mba mi yozï woi kur magomba.

Sofoni 3:13

Israel suma a mba arâ a mba le tchod’a d’i, a mba ka zla d’i, a mba fe zla d’a mbut ira avun sa adigazi d’uo mi. Wani azi mba fe yima te hatna, a mba tuk tazi bei sa mi mbud’uzi mandar ba.

Zakari 2:13

Ar nge nge pî mi kak ki vunam ma du’â avok Ma didina, kayam nga mi nde woi ata yam ma kak ma a tinim iram vama.

Ndumba 14:21

Wani gagazi, an ni Ma bei matna, subur manda mba d’i oî yam andagad’a pet mi.

Romê-na 14:11

Kayam mbaktumba hAlonid’a ti dala: Ma didina mi dala: An ni Ma bei matna. Kayam ndata, suma pet a mba tchuk guguvazi kä avoronu, a mba de woi ala an nAlona mi.

Gat ta a hat á mbàd’id’a 29:22

Moise mi de kua ala: Kur atchogoi d’a nga d’i mbad’a hi grogi suma a mba vud’uzi blogoginid’a, andjaf suma dingâ a mba tcholï yam andaga d’a deid’a mi, a mba we tugud’ei d’a tchod’a ki b’lak ka Ma didina mba mi b’lak kambas ndatid’a, a mba wambasa mba d’i ngal lei abo aku d’a ngal ki sufred’a pet, mba d’i mbut butna,

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.