Sofoni 2:5 - Bible azumeina

⁵ Ni zla d’a hohoud’a yam agi andjaf ma Keret ma nga kaka avun alum ma ngolîna. Ndak Kanan ambas sa Filistê-d’a, Ma didina mi dala: an mba ni b’lagak keyo, a mba fe sama kak kuruk ki.

Sofoni 2:5 Kruisverwysings

Isai 14:29

Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Isai 14:30

Kayam ndata, suma houd’a a mba kak ki halasa, wani an mba ni tchagi andjavagi woi ki meid’a, sum magina ad’uzi d’a mba d’i ara a mba tchazi woi mi.

Jeremi 47:7

Ma didina mi dala: Ni nana ba, ti mba d’i tuk tat ke? Ni an Ma didina ba, ni hat vuna á i ata Askalon kabo ma avun alum ma ngolîna d’uo zu?

Ezekiyel 25:16

An nga ni hlabon kan akulo á dur suma Filistê-na, á tchi suma Filistê suma Keret suma a mba ar avun alum ma ngolîna, á dabazi woi mi.

Amos 3:1

Agi Israel-lâ, agi andjaf ma an buzugumi woi yam ambas sa Ezipte-d’ina, agi humugi zla d’a an dagizid’a.

Amos 5:1

Agi Israel-lâ, agi humugi zla d’a an nga ni data. Wana ni sawal la yor ta d’a an nga ni hlat kagid’a:

Sofoni 1:11

Agi suma Maktes-sâ, agi tchagi wulula, kayam suma mbut abozina a dap wa woyo, suma beged’a pet, a tchazi wa woi mi.

Sofoni 3:6

Ma didina mi dala: An daba wa andjaf suma woi pet, an b’lak wa gong mazi d’a ndjol la fiyak ka ad’eng nga ngungud’a woyo, an mbut wa ir palumba hazì mazinid’a djona, an b’lak wa azì mazi ma ngol máma; sama kal kur nga d’uo mi na, sama kak kur nga d’uo mi.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Marik 12:12

Ata yi máma, suma nglona hi Juif-fîna a we tcha ala Jesus mi de zla d’a d’ogol ndata ni kaziya, a halam á ved’a, wani a le mandara ablau suma. A aramu, a iya.

Josue 13:2

Ambas sa ar bei hled’id’a ba wana: Ambasa hi suma Filistê-nid’a pet kambasa hi suma Gesur-rîd’a pet,

Josue 13:3

tinï ad’ud’a Sihor ra nga avok Ezipte-d’a dei gak mba yo hagad’a ki Ekron. Ni yima suma Kanan-na a te kam adjeuna, ni yima amulei suma vahl suma Filistê-na a nga te kama, nala, azì ma Gaza-na, ma Asdot-na, ma Askalon-na, ma Gat-na ki ma Ekron-na ki suma Af-fâ.

Suma ka sariyad’a 3:3

Suma a arazi kaka kur ambasina namulei suma Filistê suma vahlâ, suma Kanan-na, suma Sidon-na ki suma Hef suma a nga kaka yam ahina d’a Liban-ndina pet, tinï ad’ud’a yam ahina d’a Bäl-Hermon-nda dei gak mba avun agre’â hi Hamat-na.

1 Samuel 30:14

Ami i ni dur ayîna abo ma sutna hi Keret-na, yam andaga d’a Juda abo ma sutna hi Kalep-ma, ami ngalami azì ma Sikla’â woi mi.