Sofoni 2:10 - Bible azumeina

¹⁰ Ahle ndazina a mba mba kazi hina kayam subur ta mazid’a, kayam a hle yazi akulo, a ngul suma hi Ma didin ma ad’engêm kal petnina.

Sofoni 2:10 Kruisverwysings

1 Sunda Hamuleinid’a 16:21

Wani Alona mi ar nga lovota mi sa á lazi ndaka d’i, nga mi ngop amuleina kazi mi.

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

Buzuk ka Abud’a 9:17

Le ang d’el sum mana, le ang arazi a i nga d’uo ni,

Isai 16:6

Ami humumi zla yam mba ad’enga hi suma Mowap-mid’a, zla subur ta mazi d’a kal teglesa, hur mazi ma ngolâ, djib’er mazi d’a kal kazid’a ki subur ta mazi d’a hawa yaka mi.

Jeremi 12:14

Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi.

Jeremi 48:14

Agi suma Mowap-ma, ni nana ba, agi mba dagi ala: Ami ni suma gangrangâ, ami ni azigar suma dur ayîna ge?

Jeremi 48:29

Ami humumi zla yam mba ad’enga hazì ma Mowap-ma d’a kal teglesa, ami humumi zla yam ad’eng mamba, zla subur ta mamba, zla tum didik mama, zla yam mba ad’eng nga kurum krovod’a mi.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Ezekiyel 25:6

Salad’a Ma didina mi dala: Agi tchagi abogi agi pirigi akulo agi lagi furîd’a kuruk krovo yam ndaka hi sum man suma Israel-lîd’a, agi golozi is mi.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Abdiyas 1:11

Agi tagid’a nga ata yima suma djangûna a kus kazi a i kal avo hatazina, ata yima andjaf ma ding máma mi le togina yam ndjondjoî d’a Jerusalem-mbina, agi lagi d’igi azi na mi.

Abdiyas 1:3

Yam mba ad’eng magid’a ti vid’igi wa woyo. Agi suma nga kak aduk ahuniyôna ata yima sana ndak á lagi va kua d’uo na, agi nga dagi ala: Ni nge ba, mba mi digimi woi kua ge?

Sofoni 2:8

Ma didina mi dala: An hum ngula hi suma Mowap-ma ki lasa hi suma Amon-nid’a ata yima azi nga mbut sum mana zulonina a hle yazi akulo a kal kur leu mazid’a mi na.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.