Sofoni 2:1 - Bible azumeina

¹ Agi andjaf ma bei zulona ba na, agi togogiya, agi togogi tagi

Sofoni 2:1 Kruisverwysings

2 Sunda Hamuleinid’a 20:4

Suma Juda-na a tcholï kur azì ma nglo ma Juda-na teteng, a togï á tchen Ma didina ala mi ndjunuziya.

Nehemi 8:1

Kid’a til ma kid’iziyana mi deîd’a, Israel-lâ a nga avo hataziya. Kur bur máma a tok d’igi sama tuna na ata yima avun agrek ma i ki yima mbinina, a de mi Esdras ma we gata heîna ala mi hleï mbaktum mba Gat ta Ma didinda mi hat mi Israel-lâ abo Moise-sa.

Nehemi 9:1

Kur bur ma dok mbà yam fid’ina hi til mámina, Israel-lâ a tok taziya, a d’el tazi bei te tena, a tchuk baru d’a ndjondjorod’a ataziya, a tchuk andagad’a kazi mi.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Joel 1:14

Agi tchagi wala yam d’el tad’a bei te tena, agi togogi tok ka a tinit irat vata, agi togogi suma nglona ki suma kur ambasina pet kur gong nga kud’ora hi Ma didina Alo maginid’a, agi tchenem tchen nda hud’a mi.

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Zakari 11:8

An dik suma pol suma hindina woi kur til ma tuna, an ve nga tan kazi d’i. Azi tazi a golon an ni vama ndjendjed’a mi.

Matiye 18:20

Kayam ata yima lara ma suma mbà d’oze hindi a nga toka ki simiyêna, an nga adigaziya.