Sofoni 1:2 - Bible azumeina

² Ma didina mi dala: An mba ni b’lak ahle suma yam andagad’ina woi pet.

Sofoni 1:2 Kruisverwysings

Ad’u Tinda 6:7

mi de kurum ala: An mba ni dap ahle suma an lazi yam andagad’ina woyo, nala, suma, azureina, ambureina, ahle suma a dram kä na kaluweina, kayam an hurun hat ngola yam le d’a an lazid’a.

2 Sunda Hamuleinid’a 24:24

Azigar suma Siri suma a mbana a ni hina yegre go, wani Ma didina mi hazi azigar suma ablawazi kal teglesâ aboziya, kayam azi noî Ma didina Alona habuyozi ngolona woyo. Ni hina ba, suma Siri-na a ka sariyad’a yam Jowas.

2 Sunda Hamuleinid’a 36:21

Ahle ndazina a le ná ndak vun zla d’a Ma didina mi dat avun ma djogom vunama Jeremi-d’a, kayam mi dala: Ambasa mba d’i ar djona gak bizad’a dok kid’iziya, gak ti dap yima ngattchi á tuk tat á ndak vun biza d’a ndat fe nga tuk tad’a kua d’uo d’a mi.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Jeremi 34:22

Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 36:29

Bugola, ang de zlad’a mi Jojakim amul ma Juda-na ala: Ni ang ba, ngal mbaktum mba d’ut ndata woyo, ang dala: Ni kayam me ba, ang b’ir zla ndata ala: Amul ma Babilon-na mba mi mba gagazi, mba mi b’lak ambas sa wanda woyo, mba mi ndjoî suma woi ki d’uwarâ ge?

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Hor ma tchina 2:17

Ma didina mi ndak wa vun zla d’a mam ngat kurum adjeud’a, mi ndak wa vun zla d’a mam he vuna kat adjeu dedeid’a, mi b’lagak kei bei mi wak hohowok ba, mi mbud’uk vama furîd’a hi ma djangûnina, mi had’enga mi suma a lak murud’umbina mi.

Mise 7:13

Andagad’a handjaf suma dingîd’a mba d’i mbut djona yam suma a nga kaka kurutna, yam sun mazi d’a le d’a tchod’a.