Sofoni 1:16 - Bible azumeina

¹⁶ Kur bur máma a mba hum tchina hadifa ki siwel la ayîna yam azì ma nglo ma ad’eng ma ngunguna, yam yima ndjol ma fiyak ma akulo deina mi.

Sofoni 1:16 Kruisverwysings

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Isai 32:14

Kayam a ar azì ma amula kazì ma ngol ma suma a nga le vuna kua gandjauna woyo. Yima ndingâ ki gong nga fiyak ka ndjola, a mba mbut ni domi ma ngeid’a yam koro ma abageina ki iram fafat, a mba mbut ni yima pol d’uwarâ mi.

Isai 59:10

Ami nga lamami huyok gulumuna d’igi suma duka na, ami nga lamami yina d’igi suma irazi nga d’uo na na, ami nga dabami asemi kä falei d’igi yima andjegena na, kur duzîd’a wan ko, ami ni d’igi suma matna na.

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Jeremi 8:16

Ei nga hum siwela hakulumei mamid’a ei abo ma Dan-na. Suma yam andaga ndatina pet a nga zlak abo breîd’a hakulumei mam suma ad’engâ, kayam azi mba wa, a nga b’lak ambasa kahle suma kurutna kazì ma ngolâ ki suma a nga kaka kuruma mi.

Ezekiyel 7:7

Agi suma nga kaka kur ambas sa wandina, b’lak magid’a ti mba wa kagiya, yina mi mba wa, burâ mi mba wa go. Ni bur ma ndaka. A mba hle sawal la furîd’a yam ahuniyôna d’uo d’a.

Wana ni mbaktumba hi Oze-d’a 5:8

Agi bugi adifa avo Gibeya, agi bugi adif fa ngola avo Rama, agi eregi ad’ugi akulo avo Bet-Aven. Agi suma Benjamin-na, agi gologi blogogiya!

Wana ni mbaktumba hi Oze-d’a 8:1

Ma didina mi dan ala: Oze, ang tin adifa avunangû, kayam ma djangûna nga mi dal akulo yam andagad’a hi an Ma didinid’a d’igi b’aruna na, kayam Israel-lâ a but wa vun man ma djinda woyo, a tchila wa yam gat manda mi.

Joel 2:1

Agi bugi adifa kur Siyon, agi tchagi wulula akulo yam ahina man nda a tinit irat vata. Ar suma a nga kaka yam ambasina pet a zlaga! Kayam burâ hi Ma didinina nga mi djïya, mi ar wa go mi.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Habakuk 3:6

Alona mi tchol akulo, andagad’a nga d’i giged’a; nga mi gola, andjaf suma a nga zlaga; ahina d’a dedeid’a nga d’i wizek keyo, ahina d’a gurei d’a djodjohla nga d’i galal leyo. Lovota ti mal lei avoron d’igi ti nga nadjeu dedei na.

Gat ta a hat á mbàd’id’a 28:52

Azi mba nguyugi kur azì ma nglo ma lara ge pet ma yam ambas sa Ma didina Alo magina mba mi hagizid’ina, a mba durugi gak a to gulumun ma fiyak ma ad’eng ma agi tinigi hurugi kam ala agi mba ngeyegi kuana woyo. Azi mba nguyugi kur azì ma nglo ma lara ge pet ma yam ambas sa Ma didina Alo magina mba mi hagizid’ina.

Josue 6:20

Suma ngat buzuna a bu aduveina. Ata yima azigarâ a hum tchina haduveinina, a tum sora guguk. Gulumuna mi dris kä, azigar suma Israel-lâ a tchuk avo hur azina, nge nge pî ata yima mi nga vorom kama, a hlazì ma ngolâ.