Wana ni mbaktum mba a b’irit yam Rut-ta 4:11 - Bible azumeina

¹¹ Suma nglona ki suma pet suma a nga kaka kä ata yi mámina a dala: Â, ami ni suma glangâsâ. Ar Ma didina mi b’e vunam yam atcha d’a ang nga vata; ar ti mbut ni d’igi Rachel azi ki Lea, aropma hi Jakob suma mbà suma a tin ad’u andjaf Israel-lîna na. Ar ang ka’î sama ndjondjoîna aduk andjafâ hi suma Efrat-na; ar simiyêng mi yï kur ambas sa Betelehem-mba mi.

Wana ni mbaktum mba a b’irit yam Rut-ta 4:11 Kruisverwysings

Ad’u Tinda 23:10

Efron mi nga kaka kä aduk b’oziyom suma Het-na, mi de mi Abraham avorozi ki suma a nga kalï avun azì ma ngolîna ala:

Ad’u Tinda 24:60

Azi b’e vunazi kad’u, a dala: Wiyemid’a, ar andjavak mi zul dudubud’a dogo, ar andjavak mi hlazina hi mam suma djangûnina.

Ad’u Tinda 29:16

Wani Laban grom suma aropma nga mbà, d’a ngola a yat ala Lea, d’a gora a yat ala Rachel.

Ad’u Tinda 29:25

Kid’a yina fod’a, Jakob mi gol wani, doli ni Lea! Jakob mi de mi Laban ala: Ang lan ni me hina ge? An lang sunda ni yam Rachel luo zu? Ni kayam me ba, ang mbud’un iran nge?

Ad’u Tinda 29:32

Lea ti ve wirâ, ti vut gor mandjufâ, ti yum ala Ruben, kayam ti dala: Ma didina mi we las manda; ki tchetchemba, ndjuvun mba mi le kanu.

Ad’u Tinda 35:23

Lea grotna ni Ruben ni Jakob gorom ma ngolâ, Simeon, Levi, Juda, Isakar ki Zabulon.

Ad’u Tinda 35:24

Rachel grotna ni Josef ki Benjamin.

1 Amuleina 21:8

Wani ndat ti b’ir mbaktumba ki simiyê Ahap, ti tin tampong mama kua, ti sunut mi suma nglona ki suma nglo suma avok suma hur azì ma Nabot mi nga kaka kuana.

1 Sunda Hamuleinid’a 2:51

Salma ni ma mi gäd’u Betelehem-ma; Haref ni ma mi gäd’u Bet-Gader-râ.

Sawal la giled’a 132:6

Gola! Ami humumi avun suma Efrata-na ala: Ami fami zandu’â hAlonina sä abagei aduk agu d’a Jar-ra.

Zla d’a d’ogolâ 14:1

Atcha d’a ned’a nga d’i min aziyat kad’u, wani ta lilid’a ti tomî kä woi kabod’u.

Zla d’a d’ogolâ 31:23

Ata yima ndjuvut nga mi kak kä aduk suma nglo suma kur ambasina, a nga hum ngola.

Jeremi 32:10

An ni b’ir mbaktum mba gusa kä, an tum tampongâ kad’u, an yi suma glangâsâ, an nga bege d’a hapa ki kilona mi.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Matiye 2:6

Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Gat ta a hat á mbàd’id’a 25:7

Le sa máma mi min vat tuo ni, atcha ndata ti i gen suma nglona avun azina, ti dazi ala: Ndjuvun wiyema mi min ala simiyê wiyema mi yi aduk Israel-lâ d’i, mi min van balam wiyema d’uo.

Gat ta a hat á mbàd’id’a 25:9

ata yi máma atchad’a hi wiyemid’a ti hud’ï gevem avok suma nglona, ti pat atuguru ma asema, ti tuvom ayôna iramu, ti dala: A mba le ki sama mi min ala andjaf wiyema mi djok kuo na ni na.

Wana ni mbaktum mba a b’irit yam Rut-ta 1:2

Sa máma simiyêm ala Elimelek, amamba simiyêt ala Naomi, grom suma mbàna, ma hina a yum ala Malon, ma hina a yum ala Kiliyon; azi ni suma Efrat-na, nala, Betelehem mba Juda-d’a. Azi mba yam ambas sa Mowap-pa, a kak kua.