Wana ni mbaktum mba a b’irit yam Rut-ta 2:4 - Bible azumeina

⁴ Bugola, Bowas mi tcholï Betelehem, mi mba mi de mi suma ze awuna ala: An gagi depa; ar Ma didina mi kak ki sed’egiya! Azi hulong dum ala: Ar Ma didina mi b’e vunam kang mi!

Wana ni mbaktum mba a b’irit yam Rut-ta 2:4 Kruisverwysings

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Ad’u Tinda 28:3

Ar Alo ma ad’engêm kal petna mi b’e vunam kangû, ang vut grona ablaud’a, ang zul ndjondjoî, kayam ang mbut nandjaf ma ngolâ.

1 Sunda Hamuleinid’a 2:51

Salma ni ma mi gäd’u Betelehem-ma; Haref ni ma mi gäd’u Bet-Gader-râ.

Sawal la giled’a 118:26

Ar Ma didina mi b’e vunam yam sama nga mi mba ki simiyê Ma didinina; ami suma kur gong nga kud’ora hi Ma didinid’ina, ami nga b’ami vunami kagi mi.

Sawal la giled’a 134:3

Ar Ma didin ma lakulod’a kandagad’ina, mi b’e vunam kagi ei kur Siyon!

Jeremi 31:23

Ma didin ma ad’engêm kal petna, Alona hi Israel-lîna, mi dala: Fata an hulongôzï woi kur magombid’a, a mba de yam ambas sa Juda-d’a kazì mat ma nglona ala: Yima kak ma d’ingêrâ, ahina d’a a tinit irat vata, ar Ma didina mi b’e vunam kagu!

Ndumba 6:24

Ar Ma didina mi b’e vunam kagiya, mi ngomogi mi!

Wana ni Zla d’a Djivi d’a Luc mi b’irita 1:28

Malaikana mi kal gevet mi dat ala: An gak depa. Alona mi vak wa sumad’a, Salad’a mi nga ki sed’egu.

2 Tasaloni’â 3:16

Ar Salei ma b’leng nga halasa, mi hagi b’leng nga halasa teteu ata yina pet. Ar Salad’a mi kak ki sed’egi pet mi.

1 Timote 6:2

Magumei suma suliyozina a he gagazid’ina, a golozi is ala azi ni b’oziyozina d’i. Wani a le ni sun nda djivi d’a kala, kayam suma a nga fe djivid’a kur sun mazid’ina, ni suma a he gagazid’a yam Alonina, ni suma a le kazina mi. Wana nahle suma ang had’azi kazina, ang tchazi wala kazi mi:

2 Timote 4:22

Ar Salad’a mi kak ki sed’engû. Ar Alona mi vagi sumad’a mi.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

Suma ka sariyad’a 6:12

Malaikana hi Ma didinina mi nde tam mbei iramu, mi dum ala: Ma dur ma gangrangâ, Ma didina mi nga ki sed’engû!

Suma ka sariyad’a 6:16

Ma didina mi dum ala: An nga ki sed’engû; ang mba dur suma Madiyan-na ni d’igi ang durî sama tuna na.

Wana ni mbaktum mba a b’irit yam Rut-ta 2:3

Rut ti iya, nga d’i tchi helena bugol suma zawuna, ti nde ni kur asinena hi Bowas ma ad’u andjafâ hi Elimele’îna.

Wana ni mbaktum mba a b’irit yam Rut-ta 2:5

Bowas mi djop azong mam ma ngolâ hi suma zawunina ala: Atcha d’a gor ra wanda natchad’a hi nge ge?

Wana ni mbaktum mba a b’irit yam Rut-ta 4:11

Suma nglona ki suma pet suma a nga kaka kä ata yi mámina a dala: Â, ami ni suma glangâsâ. Ar Ma didina mi b’e vunam yam atcha d’a ang nga vata; ar ti mbut ni d’igi Rachel azi ki Lea, aropma hi Jakob suma mbà suma a tin ad’u andjaf Israel-lîna na. Ar ang ka’î sama ndjondjoîna aduk andjafâ hi suma Efrat-na; ar simiyêng mi yï kur ambas sa Betelehem-mba mi.

1 Samuel 17:37

David mi de kua ala: Ma didin ma prud’un ndei avun lilif azlona ki ursîna mba mi prud’un ndei abo ma Filistê máma ni hina mi. Saul mi hulong dum ala: Ang iya; ar Ma didina mi ndjunungû.