Wana ni mbaktum mba a b’irit yam Rut-ta 2:20 - Bible azumeina

²⁰ Naomi ti de makunota ala: Ar Ma didina mi b’e vunam yam Bowas! An wala Ma didina mi ar nga djivi mamba kei ei suma arid’ina woi d’uo d’igi mi lat ki suma a bona na. Bowas nandjaf ma tuna ki sed’emiya. Ni ma ndak á tami djomina.

Wana ni mbaktum mba a b’irit yam Rut-ta 2:20 Kruisverwysings

2 Samuel 2:5

David mi tchuk suma gen Jabes suma Galät-na á dazi ala: Ma didina mi b’e vunam kagiya, kayam agi lagi sun nda djivid’a ki salagina Saul heî, agi tozomu.

2 Samuel 9:1

Bur tu David mi dala: Sama ad’u andjafâ hi Saul ma nga ki irama nga zu? An min lum djivid’a yam Jonatan.

Wana ni mbaktumba hi Job-pa 19:25

Wani an we ma ndjun kana, mi nga ki iramu. Kur bur ma dabid’a mam mba mi tchol akulo yam andagad’a.

Zla d’a d’ogolâ 17:17

Banang ma kokodjona mi le kangî burâ ki burâ. Ni wiyengâ ba, mi ndjunung kur bur ma ndaka.

Sunda hi suma hi Levi-nid’a 25:25

Le wiyengâ mbut houd’a mi gus abo siliu mamba woi nde ni, wiyem ma nga go ki sed’em ma nga ki lovota á mbud’utna, mi hulong mbut vama wiyema mi guzum mbeina.

Filip-ma 4:10

Wani an nga ki furîd’a yam Salad’a, kayam bugol burâ ablaud’a, agi hulong djib’eregi kanu. Kayam agi nga ki djib’era kan adjewe, wani agi fagi nga lovota á ndjunun ndi.

Wana ni mbaktum mba a b’irit yam Rut-ta 2:21

Rut ta Mowap-pa ti hulong de makunota kua ala: Mam mi dan ala an tchi helena bugol azungeî mama gak awuna mi dap zed’a tua.

Wana ni mbaktum mba a b’irit yam Rut-ta 3:12

Gagazi, an ndak á vak djona, wani ma go ma kalan an á vak djonina, mi nga.

Wana ni mbaktum mba a b’irit yam Rut-ta 4:14

Arop suma Betelehem-ma a de mi Naomi ala: Ar ei suburi Ma didin ma hak ini gor mandjuf ma mba mi ndjunu’â. Ar gorok ngolo máma simiyêm mi yï aduk Israel-lâ.

Wana ni mbaktum mba a b’irit yam Rut-ta 4:4

Kayam ndata, an nga ni gang humangû, ang hlum djona avok suma nglona ki suma a nga kaka kä wana. Le ang min á hlumu ni, ang hlumu; le ang min á hlum mbuo ni, ang danu, an we; ma avorongâ nga d’i; an te djona ni blogongû. Sa máma mi de mi Bowas ala: An min á hlum djona.

Wana ni mbaktum mba a b’irit yam Rut-ta 4:6

Ma te djo máma mi dum ala: Le ni na ni, an min ndi, kayam ahle mana a b’lak kei d’i. Ang te djo máma, kayam an ndak ki.