Wana ni mbaktum mba a b’irit yam Rut-ta 2:12 - Bible azumeina

¹² Ar Ma didina mi wuragak yam djivi mak ka ndak lata; ar Ma didina Alona hi Israel ma ndak mba á ngei tak atama, mi wuragak ngola!

Wana ni mbaktum mba a b’irit yam Rut-ta 2:12 Kruisverwysings

Sawal la giled’a 17:8

Ang ngomon d’igi irang nga aduka na, ang bar gigingâng kan d’igi aleina na

Sawal la giled’a 19:11

Djivi mamba kal lora, kal lor ra a yorot kakud’id’a woi dei; adjib’et mamba ti kal mbul ayuma, ti kal mbul ayum ma nga mi djang kä ir sëma.

Sawal la giled’a 36:7

D’ingêr manga nga d’i i akulo d’igi ahina d’a fiyaka na, sariya manga nga d’i i kä d’igi zul la yiyika na. Ma didina, ang nga ngom suma kahle suma a nga karid’ina mi.

Sawal la giled’a 57:1

Ni sawal la gile d’a David mi hlat mi hat mi ma ngolâ hi suma hle sawalina. Mi hlat ni kid’a mi ngei tam kur zul ahinad’a abo Saul-la.

Sawal la giled’a 58:11

Wani sama d’ingêrâ mba mi hel sanda kur bur ma ang mba hlatchugulina, mba mi tit aduk buzuna hi suma asa’atnina.

Sawal la giled’a 61:4

Kayam angî yi man ma ngeid’a, angî gong nga fiyak ka akulo d’a ad’eng nga d’el man suma djangûnid’a.

Sawal la giled’a 63:7

Ata yima an nga ni bur kä na, an nga ni djib’er kangû, gak yima fod’a an nga ni dugot djib’era kangû.

Sawal la giled’a 91:4

Alona mi mining nga yima kaka ad’u gigingâmu; ang mba ngei tang kua. Gagazi mamba ni mbareid’a, ni kongrongâ mi.

Zla d’a d’ogolâ 11:18

Sama asa’atna mi fe ni mbiyo ma mbut ira, wani sama nga mi zar d’ingêrîna, mi fe ni wurak ka gagazid’a.

Zla d’a d’ogolâ 23:18

Wani burâ nga mi mba, hur mang ma tinda mba mi dap pei hawa d’i.

Jeremi 31:16

Wani Ma didina mi de kua ala: Ndak ba tchina, ndak set simina irak keyo. Kayam an nga ni wuragak yam sun maka. An Ma didina ni de na. Gro’â a mba tcholï avo hi mazi suma djangûna, a mba mba.

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Matiye 6:1

Jesus mi had’azi kua ala: Agi gologi tagi djiviya, ar agi lagi sun magi d’a djivid’a ni ir suma go d’i. Le agi lagi na ni, agi mba fagi wuraka abo Abugi ma sä akulona d’i.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Kolos-sâ 2:18

Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,

2 Timote 1:18

Ar Salad’a mi wum hohowom kur bur máma. Ang we sun nda mam lat ki sed’en avo Efes-sa tetet.

2 Timote 4:8

Ki tchetchemba, Alona nga mi ngom avaval la d’ingêr ra Salei ma ka sariya d’a d’ingêrina mba mi handji kur bur mámid’a. Wani ni yam an hol li, wani yam suma pet suma a nga le yam mba mambina mi.

Hebre-na 11:26

Mi djib’er ala mi fe ndaka yam Christ ni vama ndjondjoîna kal ndjondjoî d’a Ezipte-d’a, kayam mi tin iram yam wurak ka sä avoromba.

Hebre-na 11:6

Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

Wana ni mbaktum mba a b’irit yam Rut-ta 1:16

Wani Rut ti hulong dat ala: Ndak tezen dala an arak ni hulong avo hatanu d’a d’i. Ata yima ndak i kuana, an i kua mi; yima ndak mba kak kuana, an mba ni kak kua mi; sum ma’â a mba arî sum mana; Alo ma’â mba mi arî Alo mana mi.

Wana ni mbaktum mba a b’irit yam Rut-ta 2:11

Bowas mi hulong dat ala: A van ad’u ahlena pet suma ndak lazi kakunoka bugol matna hi ndjuvu’îna. An we ndak ar abuk kasuk kambas sa a vud’uk kuad’a woi á mba kak kandjaf ma ndak wum nga yak tu d’uo na.

Wana ni mbaktum mba a b’irit yam Rut-ta 2:13

Rut ti hulong dum ala: Salana, an nda ni ndak nga d’igi yugunei manga na d’uo d’a, ang wan hohowonu, ang b’lengên hurun ki zla mang nga ded’a mi.

Wana ni mbaktum mba a b’irit yam Rut-ta 4:15

Mam mba mi b’lengêk hurugu, mba mi ndjunuk kur mamar maka mi, kayam akunok ka hurut vak heîd’a, ti vud’uk wa gro’â, ti kal grok suma kid’iziyana.

1 Samuel 24:19

Ang tagan djivi mang nga ang lat kanda ini woyo, ata yima Ma didina mi han abongâ, ang tchan nga d’i.

1 Samuel 24:20

Le sana mi fe mam ma djangûna ni, mi aram mi i yi mama ki halasa zu? Ar Ma didina mi wuragang yam vama ang lum ki sed’en ini wana!