Wana ni mbaktum mba a b’irit yam Rut-ta 2:10 - Bible azumeina

¹⁰ Rut ti grif kä andaga avok Bowas, ti dum ala: Ni nana ba, ang hurung van an atcha d’a angei d’a ad’u andjaf ma dingîd’a á wan hohowon hina ge?

Wana ni mbaktum mba a b’irit yam Rut-ta 2:10 Kruisverwysings

Ad’u Tinda 18:2

Ata yi máma na wat, mi we suma hindi a nga tchola go ki sed’emu, mi tcholï ringâ avun zlub’u mamba atogo zak, mi ngavaziya, mi grif kä andaga avoroziya,

2 Samuel 19:28

Kayam suma avo habun ngolona pet a ndak á tchid’a avok ang salana, amul mana. Wani ang tinin an azong mangâ zlapa ki suma a nga te ki sed’eng yam tabul mangîna. Ni me d’ei ba, an dok halam abo ang amul mana d’ei ge?

2 Samuel 7:18

Ata yi máma amulâ David mi i avok Ma didina, mi dum ala: Salad’a, Ma didina, an ki sum mana ni me ko ba, ang i gak dan yam ahle ndazina ge?

2 Samuel 9:8

Mefibäl mi grif kä, mi dum ala: Amulâ, ni kayam me ba, ang he tang ndaka yam an ma d’igi adi ma matna na na ge?

Sunda hi suma hi Levi-nid’a 19:34

Agi vagi angei ma nga kaka adigagina atagi d’igi gor vuta na, agi lagi kam d’igi agi tagid’a na, kayam agi tagid’a kagagï angoyogeina yam ambas sa Ezipte-d’a mi. An ni Ma didina Alo magina.

Matiye 25:35

Kayam meid’a ti tchanu, agi han tena; vunan mi so, agi han mbiyo ma tched’a; an mba akoid’a, agi van avo hatagi mi.

Wana ni Zla d’a Djivi d’a Luc mi b’irita 1:43

An ni nge ko ba, Salana asum ti mba avo hatan nge?

Wana ni Zla d’a Djivi d’a Luc mi b’irita 1:48

kayam mi tin iram kan an wei mam mba lulumad’a. Gagazi, ar avok hî, suma kur atchogoid’a pet a mba de kan ala: Ta Alona mi b’e vunam kata,

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

Wana ni mbaktum mba a b’irit yam Rut-ta 2:11

Bowas mi hulong dat ala: A van ad’u ahlena pet suma ndak lazi kakunoka bugol matna hi ndjuvu’îna. An we ndak ar abuk kasuk kambas sa a vud’uk kuad’a woi á mba kak kandjaf ma ndak wum nga yak tu d’uo na.

Wana ni mbaktum mba a b’irit yam Rut-ta 2:13

Rut ti hulong dum ala: Salana, an nda ni ndak nga d’igi yugunei manga na d’uo d’a, ang wan hohowonu, ang b’lengên hurun ki zla mang nga ded’a mi.

Wana ni mbaktum mba a b’irit yam Rut-ta 2:19

Akunota ti djobot ala: Ndak tchï helena ini ni lara ge? Ndak le sunda nasine hi nge ge? Ar Alona mi b’e vunam yam sama mi wak hohowo’â. Rut ti vad’ud’a makunota yam ahle suma a le ki sed’etna, ti dat ala: Sama an leï sunda asine hatama a yum ala Bowas.

Wana ni mbaktum mba a b’irit yam Rut-ta 2:2

Bur tu, Rut ta Mowap-pa ti de mi Naomi ala: Ndak aran an i abagei tchi helena kur asinena hi sama hurum vana. Naomi ti hulong dat ala: Akunonda, ndak iya.

Wana ni mbaktum mba a b’irit yam Rut-ta 2:9

Ndak gol suma ze awuna; yima azi ze kuana, ndak tchi helena blogoziya. Gola! An he vuna mazungeî mana ala ar sa mi dok ki. Le vunak so ni, ndak i tche mbiyo ma azungeîna a gulum kä kur agolongeînina.

1 Samuel 25:23

Ata yima Abigayel ti we David-na, ti tchugï aset kä atogo zak yam korona, ti ge tat kä ti grif kä andaga avok David.