Wana ni mbaktum mba a b’irit yam Rut-ta 1:20 - Bible azumeina

²⁰ Ti dazi ala: Ar agi yan ala Naomi d’uo d’a, wani agi yan ala Mara, kayam nAlo ma ad’engêm kal petna ba, mi tinin hat hur ma ngolâ kanu.

Wana ni mbaktum mba a b’irit yam Rut-ta 1:20 Kruisverwysings

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 43:14

Ar Alo ma ad’engêm kal petna mi le sunda, ar sa máma mi wagi hohowogiya, mi ar Benjamin azi ki Simeon a hulongî ki sed’egiya. Le an ka’î bei grona pî ni, an kak digan wüd’a.

Wana ni mbaktumba hi Job-pa 11:7

Ang ndak á fek ad’u zla d’a yiyika hAlonid’a zu? Ang ndak á fek ad’u wäd’u d’a memeta hi Ma ad’engêm kal petnid’a mi zu?

Wana ni mbaktumba hi Job-pa 19:6

Ar agi wagi ala nAlona ba, mi lan tcho ndata ni mamu, ni mam ba, mi nguyun kä kabei mamba mi.

Wana ni mbaktumba hi Job-pa 5:17

Gola! Sama Alona ngoboma mi le furîd’a! Kayam ndata, ang gol ngopa hi Ma ad’engêm kal petnid’a is si.

Wana ni mbaktumba hi Job-pa 6:4

Kayam Ma ad’engêm kal petna mi tchogon ki yeû mamba, muzugan mi tchat ayâd’u. Ahle suma Alona sunuzi á mbut sana mandarîna, a gabozi woi kan á durun ayîna.

Wana ni mbaktumba hi Job-pa 9:18

Mi nga mi aran an nga ni muzuk hina nde d’i, nga mi oyôn ni ki hur ma hat ma tchona.

Sawal la giled’a 73:14

Kur burâ pet Alona nga mi tonu, kur burâ kaf nga mi ngobon mi.

Sawal la giled’a 88:15

Ma didina, ni kayam me ba, ang zud’un ndei ge? Ni kayam me ba, ang ngei tang avoron nge?

Buzuk ka Abud’a 15:23

Azi mbaza Mara, wani azi ndak á tche mbiyo ma Mara-na d’i, kayam ma aglara. Ni kayam ndata ba, a yum ala Mara ni na.

Buzuk ka Abud’a 6:3

An nde tan ndei ir Abraham, ir Isak, ir Jakob ni ki simiyên ma ala Alo ma ad’engêm kal petna na, wani a we nga simiyên ma ala Ma didina na d’i.

Isai 38:13

An ve tan gak yorogo, wani Ma didina nga mi kuzun asogon ndei d’igi azlona mi kus asoga ahlena woina. Ma didina, ang mba hlan avok bei afata niga.

Hebre-na 12:11

Ata yima a nga gad’eina, ei golei ni d’igi a lei ni tchod’a na, wani bugola, gat ndata nga d’i mba ki b’leng nga halasa ki tit ta d’ingêra yam suma a ve tazi kurutna.

Vama ndum mbeina 1:8

Salad’a Alo ma ad’engêm kal petna, Ma nga na, Ma nga adjeu deina, Ma nga mi mbana, mi de woi ala: An ni Alfa, an ni Omega mi.

Vama ndum mbeina 21:22

An we nga gong nga kud’ora hAlonid’a kur azì máma d’i, kayam Salad’a Alo ma ad’engêm kal petna azi ki Gor timina a ni gong mamba.