Wana ni mbaktum mba a b’irit yam Rut-ta 1:2 - Bible azumeina

² Sa máma simiyêm ala Elimelek, amamba simiyêt ala Naomi, grom suma mbàna, ma hina a yum ala Malon, ma hina a yum ala Kiliyon; azi ni suma Efrat-na, nala, Betelehem mba Juda-d’a. Azi mba yam ambas sa Mowap-pa, a kak kua.

Wana ni mbaktum mba a b’irit yam Rut-ta 1:2 Kruisverwysings

Ad’u Tinda 35:19

Rachel ti mid’a; azi tozot avun lovot ta i Efrata-d’a, nala, Betelehem.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Suma ka sariyad’a 17:7

Gor azong ma ad’u andjafâ hi Levi-nina mi nga avo Betelehem mba yam andagad’a hi Juda-d’id’a.

Suma ka sariyad’a 3:30

Kur bur máma suma Mowap-ma a hulong yazi kä ad’u Israel-lâ. Ambasa ti kak ki halasa gak bizad’a dok klavandi.

Wana ni mbaktum mba a b’irit yam Rut-ta 1:3

Elimelek mi mid’a, wani amamba Naomi ti ar kaka ki grot suma mbàna.

Wana ni mbaktum mba a b’irit yam Rut-ta 1:5

Malon azi ki Kiliyon a bo zla tazi djak; Naomi ti ar kaka vat bei grona, bei ndjufâ mi.

Wana ni mbaktum mba a b’irit yam Rut-ta 2:1

Naomi ti nga ki sama ngol ma ndjondjoî ma ad’u andjafâ hi ndjuvut Elimele’â; a yum ala Bowas.

Wana ni mbaktum mba a b’irit yam Rut-ta 4:9

Ata yi máma Bowas mi de mi suma nglona ki suma pet suma a nga kaka kä ata yi mámina ala: Agi ni glangâs mana ini tala an gus wa asinena abo Naomi kahlena pet suma hi Elimele’â ki suma hi groma Kiliyon azi ki Malon-na mi.

1 Samuel 1:1

Adjeu sana nga avo Rama yam ahinad’a hi Efraim-mba, a yum ala Elkana Jeroham goroma. Mam mi Suf ma Efraim-ma gorom ngolo ma danana. Suf mi vut Tohu, Tohu mi vut Elihu, Elihu mi vut Jeroham Elkana abumu.

1 Samuel 17:12

David ni Jesse goroma. Jesse ni ma Efraim ma nga kaka Betelehem mba Juda-d’ina; groma ná klavandi. Kur atchogoid’a hi Saul-la Jesse bizam ngola, mi djeng mamara mi.

1 Samuel 17:21

Israel-lâ ki Filistê-na a ndjar avun tazi á dur ayîna.