Wana ni mbaktum mba a b’irit yam Rut-ta 1:17 - Bible azumeina

¹⁷ Ata yima ndak mit kuana, an mba ni mit kua, ni kua ba, a mba tozon mi. An nga ni wal ki sed’ek ki. Matna mi walei ni mam mbeî. Le an wal ki sed’egu ni, ar Alona mi mban ndak ka ngol la kala kanu.

Wana ni mbaktum mba a b’irit yam Rut-ta 1:17 Kruisverwysings

2 Samuel 15:21

Itai mi hulong de mamulâ ala: Ma didina ni Ma bei matna. Salana, ang nga ki irang mi. Ata yima ang salana amul mana i kuana, le nda’î á matna d’oze á kak karid’a, an azong mangâ ni i kua mi.

2 Samuel 19:13

Agi i dagi Amasa ala: Angî asogon ki hliwin nduo zu? Le an vragang nga ma ngolâ hi azigarîna balum Jowap puo ni, Alona mi mban ndak ka ngol la kanu.

2 Samuel 3:35

Ablaud’a pet a tchi horâ yam Apner tua. Kid’a afata nga bei nika tua d’a, ablaud’a pet a mba á he David tena. Wani David mi gun tam ala: Le an djuk tena d’oze vama lara bei afata niga ni, ar Alona mi mban ndak ka ngol la kala kanu!

2 Samuel 3:9

Le an le nga ki David d’igi Alona mi gunum tam na d’uo ni, ar Alona mi mban ndak ka ngol la kala kan an Apner.

1 Amuleina 13:31

Bugol tos mamba, ma djok vun ma mamarâ mi de mi groma ala: Fata an mita, agi tozon ni kur zula hi sana hAlona mámid’a, agi gan hliwin gen mama.

1 Amuleina 19:2

Ata yi máma Jezabel ti ge sunda ata Elie, ti dum ala: Avin aboina hina dedege, le an tchang nga d’igi ang tchi suma djok vuna hi Bäl-lâ hina d’uo ni, ar alo ma teteng mi mban ndak ka ngol la kala kanu!

1 Amuleina 2:23

Ata yi máma Salomon mi gun tam avok Ma didina Alona ala: Le Adoniya mi mit nga yam tchen mam ndata d’uo ni, ar Alona mi mban ndak ka ngol la kala kanu.

1 Amuleina 20:10

Ata yi máma Ben-Hadat mi hulongî sunda ata Ahap ala: Ata yima an b’lak Samari-na, le gugum ma arâ mi oî wa hur abo suma a nga tit ad’una ni, ar alona mi mban ndak ka ngol la kala kanu!

2 Amuleina 6:31

Mi er ad’um akulo ala: Le yam Elise Safat goroma bur ini bei ngata ni, Alona mi mban ndak ka ngol la kala kanu!

Sawal la giled’a 45:10

Gro aropma hamuleinina a nga aduk amiyông suma subura; amula ti nga yam bigang nga ndjufa ki lor ra Ofir-ra tchuka atad’u.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Wana ni mbaktum mba a b’irit yam Rut-ta 1:16

Wani Rut ti hulong dat ala: Ndak tezen dala an arak ni hulong avo hatanu d’a d’i. Ata yima ndak i kuana, an i kua mi; yima ndak mba kak kuana, an mba ni kak kua mi; sum ma’â a mba arî sum mana; Alo ma’â mba mi arî Alo mana mi.

Wana ni mbaktum mba a b’irit yam Rut-ta 4:15

Mam mba mi b’lengêk hurugu, mba mi ndjunuk kur mamar maka mi, kayam akunok ka hurut vak heîd’a, ti vud’uk wa gro’â, ti kal grok suma kid’iziyana.

1 Samuel 14:44

Saul mi dum ala: Le ang Jonatan a tchang nga d’uo ni, Alona mi kan sariya d’a ngola kanu.

1 Samuel 20:13

ar Ma didina mi mban ndak ka ngol la kala kanu. Le ba abun nga hurum á lang tchod’a ni, an mba ni dangû, an arang ang iya, kayam ang i ki halasa. Ar Ma didina mi kak ki sed’eng d’igi mi kak kabun na mi.

1 Samuel 25:22

Le an ar Nabal va mam mboze sa mam bei tchid’a gak ndjivin yorogo ni, ar Alona mi kan sariya d’a ngola kanu.

1 Samuel 3:17

Eli mi djobom ala: Ma didina mi dangâ na ge? Ang ngeyen va d’i. Le ang ngeyen vama mam dangzina kä ni, Alona mi mbang ndak ka ngol la kala kangû.