Wana ni mbaktum mba a b’irit yam Rut-ta 1:14 - Bible azumeina

¹⁴ Akuniyôtna ki zla tazi djak a nde tchina kua. Orpa ti bet akunota kok, ti arad’u, wani Rut ti reî kakunota.

Wana ni mbaktum mba a b’irit yam Rut-ta 1:14 Kruisverwysings

Ad’u Tinda 31:28

Ang aran nga á ge grona ki gron ngolona depa d’i. Ang le hini sun nda lilid’a.

Ad’u Tinda 31:55

Laban mi tchol akulo ki yorogo tcholola, mi ge grom ngolona ki groma depa, mi b’e vunam kaziya, mi hulong avo hatamu.

2 Samuel 19:39

Ata yima suma pet kamulâ a djak alum ma Jurdê-na woina, amulâ mi bet Barzilai kok, mi b’e vunam kamu. Barzilai mi hulong avo hatamu,

1 Amuleina 19:20

Ata yi máma Elise mi ar amuzlei mama, mi ring bugol Elie, mi dum ala: Ang aran an i ni gabun azi kasun depa. Bugol tua ba, an ni i ad’ungû. Elie mi dum ala: Ang iya, ang hulongî kayam zla d’a an dangzid’a.

Zla d’a d’ogolâ 17:17

Banang ma kokodjona mi le kangî burâ ki burâ. Ni wiyengâ ba, mi ndjunung kur bur ma ndaka.

Zla d’a d’ogolâ 18:24

Sama buniyôma ablaud’a heîna pî, dam ndaka mba d’i mba kamu, wani banang ma hurum vang heîna, mi kal wiyengâ.

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Zakari 8:23

An Ma didin ma ad’engên kal petna ni dala: Kur bur máma suma dogo ad’u vun ma ded’a teteng a mba ve vun barud’a hi ma Juif-fîd’a, a mba dum ala: Ami imi ki sed’egiya, kayam ami humumi ala Alona mi nga ki sed’egiya.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Matiye 19:22

Wani kid’a azong máma mi hum zla ndatid’a, mi i ki hur ma zala, kayam mam mi sama ndjondjoîna.

Sunda hi suma a sunuzinid’a 17:34

Wani suma dingâ a i ad’umu, a he gagazid’a. Suma ding adigazi ni Denis ma aduk suma a nga b’ak zlad’a ata yima nding ma a yum ala Areyopas-sâ katchad’a simiyêt ala Damaris zlapa ki suma dingâ mi.

Gat ta a hat á mbàd’id’a 10:20

Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi.

Gat ta a hat á mbàd’id’a 4:4

Wani agi suma zlabagi ki Ma didina Alo maginina pet, agi nga ki iragi ini.

2 Timote 4:10

Demas mi aran wa, kayam hurum ve duniya d’a wanda heî, mi i wa Tasalonik. Kresen mi i wa Galat, Tit mi i wa Dalmati mi.

Hebre-na 10:39

Wani ei nga naduk suma a nga hulong bugol á bad’a woina d’i, wani ei naduk suma a he gagazid’a suma a nga kur lovot ta sutina.

Wana ni mbaktum mba a b’irit yam Rut-ta 1:13

agi ndak á djup gro ndazina djeng mazid’a bei ve mandjuf ma ding zu? Akuniyôna, nga na d’i! Agi wagiya, hur ma hat mana kal magina, kayam ni Ma didina ba, mi mbud’un hohoud’a.

Wana ni mbaktum mba a b’irit yam Rut-ta 1:15

Naomi ti de mi Rut ala: Gola! Hinaka ti hulong wa gen simiyêd’u, ti hulong wa ata alo mat ma tetengâ mi. Ndak hulong avo hatak d’igi ndat na mi.

Wana ni mbaktum mba a b’irit yam Rut-ta 1:7

Azi tchol ata yima azi nga kuana, a i ad’u tazi á i yam ambas sa Juda-d’a.

Wana ni mbaktum mba a b’irit yam Rut-ta 2:11

Bowas mi hulong dat ala: A van ad’u ahlena pet suma ndak lazi kakunoka bugol matna hi ndjuvu’îna. An we ndak ar abuk kasuk kambas sa a vud’uk kuad’a woi á mba kak kandjaf ma ndak wum nga yak tu d’uo na.